ಎತ್ತಿಗೆ ಜ್ವರ ಬಂದರೆ ಎಮ್ಮೆಗೆ ಬರೆ.. ವಿಧಾನಸೌಧಕ್ಕೆ ಮಾಧ್ಯಮಗಳ ಪ್ರವೇಶ ನಿರ್ಬಂಧಿಸಿದ ಸರ್ಕಾರದ ನಡೆಗೆ ಬಿ ವೈ ವಿಜಯೇಂದ್ರ ಗರಂ | B Y Vijayendra

ತಮ್ಮ ಎಕ್ಸ್​ ಖಾತೆಯಲ್ಲಿ ಪೋಸ್ಟ್​ ಹಂಚಿಕೊಂಡಿರುವ ವಿಜಯೇಂದ್ರ, ಈಗಾಗಲೇ ಪಾರದರ್ಶಕ ಆಡಳಿತ ಎಂದರೆ ಏನು ಎಂಬುದನ್ನೇ ಮರೆತಿರುವ, ಹತ್ತ-ಹಲವು ಹಗರಣಗಳಲ್ಲಿ ಸಿಲುಕಿಕೊಂಡಿರುವ ಕಾಂಗ್ರೆಸ್‌ ಸರ್ಕಾರದ ದುರಾಲೋಚನೆಯ ನಿರ್ಧಾರವೇ ಹೊರತು ಮತ್ತೇನು ಅಲ್ಲ.

ಜನರಿಂದ ಆಯ್ಕೆಯಾದ ಸರ್ಕಾರ ಜನರಿಗೆ ಉತ್ತರದಾಯಿಯಾಗಿರಬೇಕೇ ಹೊರತು, ಸತ್ಯವನ್ನು ಹೂಳಲು ಪ್ರಯತ್ನಿಸಬಾರದು. ಜನರ ಮತ್ತು ವ್ಯವಸ್ಥೆಯ ನಡುವೆ ಸತ್ಯದ ಸೇತುವೆಯಂತಿರುವ ಮಾಧ್ಯಮಗಳನ್ನು ಕೀಳಾಗಿ ಕಾಣುವುದು, ಭದ್ರತೆಯ ನೆಪವೊಡ್ಡಿ ಪತ್ರಕರ್ತರನ್ನು ದೂರವಿಡುವುದು, ಪ್ರಜಾತಾಂತ್ರಿಕ ಆಡಳಿತಕ್ಕೆ ಮಾಡಿದ ಅವಮಾನ.

ಈ ತಕ್ಷಣವೇ ಮಾಧ್ಯಮಗಳ ಮೇಲಿನ ನಿರ್ಬಂಧವನ್ನು ತೆರವುಗೊಳಿಸಿ, ಮುಕ್ತ ವರದಿಗಾರಿಕೆಗೆ ಅವಕಾಶ ನೀಡಬೇಕು ಎಂದು ಈ ರಾಜ್ಯ ಸರ್ಕಾರವನ್ನು ಒತ್ತಾಯಿಸುತ್ತೇನೆ ಎಂದು ವಿಜಯೇಂದ್ರ ಬರೆದುಕೊಂಡಿದ್ದಾರೆ.