ಅವರೇಕಾಯಿ ಬೆಲೆ ದಿಢೀರನೆ ಕುಸಿತ

ವಿಜಯವಾಣಿ ಸುದ್ದಿಜಾಲ ಕೋಲಾರ

ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಗಳಲ್ಲಿ ಒಂದಾಗಿರುವ ಅವರೇಕಾಯಿ ಸುಗ್ಗಿ ಪ್ರಾರಂಭಗೊAಡಿದ್ದು, ಪ್ರಾರಂಭದಲ್ಲಿ ಬೆಲೆ ರೈತನ ಕೈಹಿಡಿದಿದ್ದಾದರೂ ಕಳೆದ ೫ ದಿನಗಳಿಂದ ದಿಢೀರನೆ ಬೆಲೆ ಕುಸಿತ ಕಂಡಿದ್ದು, ರೈತನಿಗೆ ನಿರಾಸೆಯಾಗಿದೆ. ಗ್ರಾಹಕನಿಗೆ ಬೆಲೆ ತುಟ್ಟಿ ಎನಿಸಿದೆ.

ಪ್ರತಿವರ್ಷ ಡಿಸೆಂಬರ್ ತಿಂಗಳಿAದ ಪ್ರಾರಂಭವಾಗುವ ಅವರೇಕಾಯಿ ಸುಗ್ಗಿ ಮಾರ್ಚ್ ತಿಂಗಳ ತನಕ ಇರುತ್ತದೆ. ಕಳೆದ ವರ್ಷಕ್ಕಿಂತ ಈ ವರ್ಷ ಫಸಲು ಕಡಿಮೆಯಿದ್ದು, ಉತ್ತಮ ಬೆಲೆ ಬರುತ್ತದೆ ಎಂದು ರೈತರು ಕನಸು ಕಂಡಿದ್ದರು. ಡಿಸೆಂಬರ್ ತಿಂಗಳ ಪ್ರಾರಂಭದಲ್ಲಿ ರೈತರಿಂದ ವ್ಯಾಪಾರಸ್ಥರು ೬೦ ರೂ.ಗಳ ತನಕ ಖರೀದಿಸುತ್ತಿದ್ದರು. ವ್ಯಾಪಾರಸ್ಥರು ಗ್ರಾಹಕರಿಗೆ ೮೦ ರಿಂದ ೧೦೦ ರೂ.ಗಳ ತನಕ ಮಾರಾಟ ಮಾಡುತ್ತಿದ್ದರು.

ಕಳೆದ ೫ ದಿನಗಳಿಂದ ಅವರೇಕಾಯಿ ಬೆಲೆ ದಿಢೀರನೆ ಬೆಲೆ ಕುಸಿದಿದೆ. ರೈತನಿಂದ ೪೦ ರೂ.ಗಳಿಗೆ ಖರೀದಿಸಿ ವ್ಯಾಪಾರಸ್ಥರು ೫೦ ರಿಂದ ೬೦ ರೂ.ಗಳಿಗೆ ಮಾರಾಟ ಮಾಡುತ್ತಿದ್ದಾರೆ. ಕೋಲಾರ ಜಿಲ್ಲೆಯಲ್ಲಿ ಹೆಚ್ಚು ಅವರೇಕಾಯಿ ಬೆಳೆಯುವುದು ಶ್ರೀನಿವಾಸಪುರ ತಾಲ್ಲೂಕಿನಲ್ಲಿ. ಶ್ರೀನಿವಾಸಪುರದಲ್ಲಿ ಮಾರುಕಟ್ಟೆ ವ್ಯವಸ್ಥೆ ಇಲ್ಲದಿದ್ದರೂ ಎಂ.ಜಿ.ರಸ್ತೆಯಲ್ಲಿಯೇ ಅವರೇಕಾಯಿ ವಹಿವಾಟು ಮುಂದುವರೆದಿದೆ.

ಶುಕ್ರವಾರ ಮಾರುಕಟ್ಟೆಯಲ್ಲಿ ೩೫ ರಿಂದ ೪೦ ರೂ.ಗಳ ತನಕ ವಹಿವಾಟು ನಡೆದಿದೆ. ರೈತರಿಂದ ಮಂಡಿ ಮಾಲೀಕರು ಖರೀದಿಸುವುದು ಈ ಬೆಲೆಯಾದರೆ, ಮಂಡಿಗಳಿAದ ಖರೀದಿಸುವ ವ್ಯಾಪಾರಸ್ಥರು ಗ್ರಾಹಕರಿಗೆ ೫೦ ರಿಂದ ೬೦ ರೂ.ಗಳ ತನಕ ಮಾರಾಟ ಮಾಡುತ್ತಿದ್ದಾರೆ.

ರೈತನಿಗೆ ನಿರಾಸೆ ಎನಿಸಿದರೆ, ಗ್ರಾಹಕನಿಗೆ ಈ ಬೆಲೆ ತುಟ್ಟಿ ಎನಿಸುತ್ತಿದ್ದೆ. ರೈತನಿಗೆ ಮತ್ತು ವ್ಯಾಪಾರಸ್ಥನ ಮಧ್ಯೆ ಪ್ರತಿ ಕೆ.ಜಿ.ಗೆ ೧೫ ರೂ.ಗಳ ವ್ಯತ್ಯಾಸ ಕಂಡು ಬರುತ್ತಿದೆ. ಇದನ್ನು ಎಪಿಎಂಸಿ ಯವರು ಕೇಳುವವರೇ ಇಲ್ಲದಂತೆ ಆಗಿರುವುದರಿಂದ ಮಂಡಿ ಮಾಲೀಕರು ರೈತನಿಂದ ತಮಗೆ ಇಷ್ಟ ಬಂದ ರೀತಿಯಲ್ಲಿ ಕಾಯಿಯನ್ನು ಖರೀದಿಸುತ್ತಿದ್ದಾರೆ. ವ್ಯಾಪಾರಸ್ಥರು ಸಹ ಗ್ರಾಹಕರಿಗೆ ತಮಗೆ ಇಷ್ಟ ಬಂದ ರೀತಿಯಲ್ಲಿ ಬೆಲೆ ನಿಗಧಿಪಡಿಸಿ ಮಾರಾಟ ಮಾಡುತ್ತಿದ್ದಾರೆ.

ಬಾರದ ವ್ಯಾಪಾರಸ್ಥರು :

ಪ್ರಾರಂಭದಲ್ಲಿ ಹೊರ ರಾಜ್ಯಗಳಾದ ತುಮಿಳುನಾಡು ಮತ್ತು ಆಂಧ್ರಪ್ರದೇಶ ಹಾಗೂ ನಮ್ಮ ರಾಜ್ಯದ ಬೆಂಗಳೂರು, ಹೊಸಕೋಟೆ, ದೊಡ್ಡಬಳ್ಳಾಪುರ ಮುಂತಾದ ಕಡೆಗಳಿಂದ ವ್ಯಾಪಾರಸ್ಥರು ಮಾರುಕಟ್ಟೆಗೆ ಲಗ್ಗೆ ಇಟ್ಟ ಕಾರಣ ಪ್ರಾರಂಭದಲ್ಲಿ ರೈತರಿಗೆ ಬೆಲೆ ಕೈಹಿಡಿಯಿತು. ಕಳೆದ ಒಂದು ವಾರದಿಂದ ದೂರದ ವ್ಯಾಪಾರಸ್ಥರು ಮಾರುಕಟ್ಟೆಗೆ ಬರುವುದು ಕಡಿಮೆಯಾಗಿರುವುದರಿಂದ ಬೆಲೆ ಕಡಿಮೆಯಾಗಲು ಕಾರಣವಾಗಿದೆ ಎಂದು ಮಂಡಿ ಮಾಲೀಕರು ಹೇಳುತ್ತಿದ್ದಾರೆ.

ಈ ವರ್ಷ ಫಸಲು ಕಡಿಮೆ ಇರುವುದರಿಂದ ಉತ್ತಮ ಬೆಲೆ ಬರುತ್ತದೆ ಎಂದು ರೈತ ನಂಬಿದ್ದ. ಆದರೆ ದಿಢೀರನೆ ಬೆಲೆ ಕುಸಿದಿರುವುದರಿಂದ ರೈತ ಆತಂಕಕ್ಕೆ ಒಳಗಾಗಿದ್ದು, ಸಂಕ್ರಾAತಿ ಹಬ್ಬದ ವೇಳೆಗೆ ಉತ್ತಮ ಬೆಲೆ ಬರಬಹುದು ಎಂದು ಕಾಯತೊಡಗಿದ್ದಾರೆ.

ಋತುವಿಗೆ ಬಾರದ ಕಾಯಿ ಮಾರುಕಟ್ಟೆಗೆ :

ಅವರೇಕಾಯಿಗೆ ಋತುವಿಗೆ ಬರಬೇಕು. ಹಾಗೂ ಸೊಗಡು ಇದ್ದರೆ ಉತ್ತಮ ಬೆಲೆ ಬರುತ್ತದೆ. ಪ್ರಾರಂಭದಲ್ಲಿ ಬೆಲೆ ಹೆಚ್ಚಾಗಿದ್ದ ಕಾರಣ ಋತುವಿಗೆ ಬಾರದೆ ಇರುವ ಕಾಯಿಯನ್ನು ರೈತರು ಮಾರುಕಟ್ಟೆಗೆ ಕಿತ್ತು ತಂದಿದ್ದರಿAದ ಮಂಡಿ ಮಾಲೀಕರು ಮತ್ತು ವ್ಯಾಪಾರಸ್ಥರು ಇದನ್ನೇ ಬಂಡವಾಳ ಮಾಡಿಕೊಂಡಿರುವುದರಿAದ ಬೆಲೆ ಕುಸಿಯಲು ಕಾರಣವಾಗಿದೆ ಎನ್ನುತ್ತಿದ್ದಾರೆ.

ರೈತರು ಸಹ ಗುಣಮಟ್ಟವಿರುವ ಹಾಗೂ ಬಲಿತಿರುವ ಕಾಯಿಯನ್ನು ಮಾರುಕಟ್ಟೆಗೆ ತಂದರೆ ಬೆಲೆಯೂ ಹೆಚ್ಚಾಗುತ್ತದೆ. ಗುಣಮಟ್ಟವಿಲ್ಲದ ಕಾಯಿಯಿಂದ ಬೆಲೆ ಕುಸಿಯಲು ಕಾರಣವಾಗಿದೆ. ಇನ್ನು ಮುಂದೆಯಾದರೂ ಬಲಿತ ಗುಣಮಟ್ಟದ ಕಾಯಿಯನ್ನು ಮಾರುಕಟ್ಟೆಗೆ ತಂದರೆ ಖರೀದಿಸುವವರ ಸಂಖ್ಯೆ ಹೆಚ್ಚಾಗುತ್ತದೆ. ಆಗ ಉತ್ತಮ ಬೆಲೆಯೂ ಬರುತ್ತದೆ ಎಂಬುದು ವ್ಯಾಪಾರಸ್ಥರ ಅಭಿಪ್ರಾಯವಾಗಿದೆ.