ಹಾಡೋನಹಳ್ಳಿ ಗ್ರಾಪಂ ಮಾಜಿ ಅಧ್ಯಕ್ಷ ಎಚ್.ಎ.ನಾಗರಾಜ್ ಮಾತನಾಡಿ, 50 ವರ್ಷಗಳಿಂದ ಹಾಡೋನಹಳ್ಳಿಯಲ್ಲಿ ಕಬಡ್ಡಿ ಪಂದ್ಯಾವಳಿಯನ್ನು ಆಡುತ್ತಾ ಬಂದಿದ್ದು, ಗ್ರಾಮದಲ್ಲಿ ಕಬಡ್ಡಿಗೆ ಹೆಸರಿದೆ. ಗ್ರಾಮದ ಹೆಚ್ಚು ಯುವಕರು ಮುಂದೆ ಬಂದರೆ ಕ್ರೀಡೆಗಳನ್ನು ಗ್ರಾಮಗಳಲ್ಲಿ ನೋಡಬಹುದು ಹಾಗೂ ಇತ್ತೀಚೆಗೆ ಯುವ ಸಮುದಾಯದಲ್ಲಿ ಮೊಬೈಲ್ ಹಾಗೂ ಸಾಮಾಜಿಕ ಜಾಲತಾಣಗಳ ಆರ್ಭಟದಲ್ಲಿ ಕ್ರೀಡಾ ಮನೋಭಾವ ಕುಂಠಿತಗೊಳುತ್ತಿದೆ. ಮೊಬೈಲ್ನಲ್ಲಿ ಮುಳುಗುತ್ತಿರುವ ಯುವ ಸಮುದಾಯ ಮಾನಸಿಕ ಒತ್ತಡ ಹಾಗೂ ಖಿನ್ನತೆಗೆ ಒಳಗಾಗುತ್ತಿರುವ ಆತಂಕ ಎದುರಾಗಿದೆ. ಯುವಕರು ಕ್ರೀಡೆಯಲ್ಲಿ ತೊಡಗುವುದರಿಂದ ದೈಹಿಕ ಆರೋಗ್ಯ ಮತ್ತು ಮಾನಸಿಕ ಉಲ್ಲಾಸ ಪಡೆದುಕೊಳ್ಳಬಹುದು ಎಂದು ಹೇಳಿದರು.
