ಕಲಾವಿದರು ಸಮಾಜದ ಸಾಂಸ್ಕೃತಿಕ ಬೇರುಗಳು

ಯಾದಗಿರಿ: ಸಮಾಜದ ಸಾಂಸ್ಕೃತಿಕ ಬೇರುಗಳಂತಿರುವ ಕಲಾವಿದರನ್ನು ಗೌರವಿಸುವ ಮೂಲಕ ಕಲೆಯನ್ನು ಎತ್ತರಕ್ಕೆ ತೆಗೆದುಕೊಂಡು ಹೋಗುವ ಹೊಣೆಗಾರಿಕೆ ಪ್ರತಿಯೊಬ್ಬರ ಮೇಲಿದೆ ಎಂದು ಹಿರಿಯ ಕಲಾಪೋಷಕ ಸೂಗಪ್ಪ ಬಡಿಗೇರ ಹೇಳಿದರು.

ಮುಂಡರಗಿ ಗ್ರಾಮದ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯಲ್ಲಿ ಗಾನಯೋಗಿ ಸಾಂಸ್ಕೃತಿಕ ಸಂಗೀತ, ಕಲಾ ಸಂಘ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಸಹಯೋಗದಡಿ ಭಾನುವಾರ ಏರ್ಪಡಿಸಿದ್ದ ಜಾನಪದ ಸಂಗೀತ ಸಂಭ್ರಮ ಸಾಂಸ್ಕೃತಿಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಸಂಗೀತ, ಜಾನಪದ, ನೃತ್ಯ, ಭರತನಾಟ್ಯ ಹೀಗೆ ಹಲವು ಬಗೆಯ ಕಲೆಗಳು ನಾಡನ್ನು ಶ್ರೀಮಂತಗೊಳಿಸಿವೆ. ಇದಕ್ಕಾಗಿ ಶ್ರಮಿಸಿರುವ ಮತ್ತು ಶ್ರಮಿಸುತ್ತಿರುವ ಕಲಾವಿದರನ್ನು ಗುರುತಿಸುವ ಕೆಲಸ ಸರ್ಕಾರ ಮತ್ತು ಸಂಘ-ಸಂಸ್ಥೆಗಳಿಂದ ಆಗಬೇಕು ಎಂದರು.

ಹಿರಿಯ ಕಲಾವಿದ ಚಂದ್ರಕಾಂತ ಹಂಪಿನ್​ ಮಾತನಾಡಿ, ಕಲಾ ಸರಸ್ವತಿ ಎಲ್ಲರಿಗೂ ಒಲಿಯುವುದಿಲ್ಲ. ಅವಳನ್ನು ಶ್ರಮವಹಿಸಿ ಆರಾಧಿಸಬೇಕು. ಅಂದಾಗಲೇ ಸಮಾಜದಲ್ಲಿ ಹೆಸರು ಮಾಡುವಂಥ ಕಲಾವಿದರಾಗಲು ಸಾಧ್ಯ ಎಂದು ಹೇಳಿದರು.

ಸಂಸ್ಥೆ ಅಧ್ಯಕ್ಷ ವಿಥೇಶಕುಮಾರ ಹರಸೂರ ಅಧ್ಯಕ್ಷತೆ ವಹಿಸಿದ್ದರು. ಅಯ್ಯನಗೌಡ ಆಲೂರು, ಸಿದ್ದು ಬಿರಾದಾರ್​ ಆಸನಾಳ, ಮುತ್ತು ಪೊಲೀಸ್​, ರಾಜು ಚವ್ಹಾಣ್​ ಹುಣಸಗಿ ಇತತರಿದ್ದರು.

ಕಲಾವಿದರಾದ ಸಂಜನಾ, ಅನ್ವಿತಾ (ಭರತನಾಟ್ಯ), ಆಕಾಶವಾಣಿ ದೂರದರ್ಶನ ಕಲಾವಿದ ಶರಣಕುಮಾರ ವಠಾರ (ಶಾಸಿಯ ಸಂಗೀತ), ಗುಂಡು ಅಣಬಿ (ಭಾವಗೀತೆ), ಭೀಮಾಶಂಕರ (ಜಾನಪದ ಗೀತೆ), ಅಯ್ಯಣ್ಣಗೌಡ (ವಚನ ಗಾಯನ), ತಿರುಪತಿ ವೈದ್ಯ ತತ್ವಪದ ಗಾಯನ ನಡೆಸಿಕೊಟ್ಟರು. ನಾಗರಾಜ ಹುಣಸಿಗಿಡ, ಶರಣು ಕೋಲ್ಕುಂದಾ ತಬಲಾ ಸಾಥ್​ ನೀಡಿದರು.

ಯಾದಗಿರಿ: ಕರ್ನಾಟಕ ಭೋವಿ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಎಂ.ರಾಮಪ್ಪ ಜೂ.25ರಂದು ಬೆಳಗ್ಗೆ 11ಕ್ಕೆ ಜಿಲ್ಲಾ ಪಂಚಾಯಿತಿ ಸಭಾಂಗಣದಲ್ಲಿ ವಿವಿಧ ಇಲಾಖೆ ಅಧಿಕಾರಿಗಳು ಮತ್ತು ಭೋವಿ ಸಮುದಾಯದ ಮುಖಂಡರು, ಜನಪ್ರತಿನಿಧಿಗಳೊಂದಿಗೆ ಪ್ರಗತಿ ಪರಿಶೀಲನಾ ಸಭೆ ನಡೆಸಲಿದ್ದಾರೆ. ಸಮಾಜದ ಎಲ್ಲ ಪ್ರಮುಖರು ಸಭೆಯಲ್ಲಿ ಭಾಗವಹಿಸಬೇಕೆಂದು ನಿಗಮದ ಜಿಲ್ಲಾ ವ್ಯವಸ್ಥಾಪಕರು ಕೋರಿದ್ದಾರೆ.