ಇಬ್ಬರು ಕಳ್ಳರ ಬಂಧನ

ಕೋಲಾರ ರಹಮತ್​ ನಗರದ ಶೌಕತ್​ (22), ಫರೀನ್​ ಖಾನ್​ (23) ಬಂಧಿತರು. ಮೂರು ದ್ವಿಚಕ್ರ ವಾಹನ, 10 ಕೆಜಿ ಅಲ್ಯೂಮಿನಿಯಂ ಹಾಗೂ 20 ಸಾವಿರ ನಗದು ವಶಪಡಿಸಿಕೊಂಡಿದ್ದಾರೆ.

ಏ.3ರಂದು ರಾತ್ರಿ ಕಚೇರಿಯ ಕಿಟಕಿಯ ಕಂಬಿಗಳನ್ನು ಕಿತ್ತು ಒಳನುಗ್ಗಿದ್ದ ಕಳ್ಳರು ಡಿಸಿ ಪವರ್​ ಕೇಬಲ್​ ಹಾಗೂ ಬ್ಯಾಟರಿ ಸಾಮಗ್ರಿಗಳನ್ನು ಕಳವು ಮಾಡಿದ್ದರು. ಇದೇ ವ್ಯಾಪ್ತಿಯಲ್ಲಿ ನಂದಕಿರಣ್​ ಅವರಿಗೆ ಸೇರಿದ ಬೈಕ್​ ಕೂಡ ಕಳವಾಗಿತ್ತು. ಈ ಬಗ್ಗೆ ಬಿಎಸ್​ಎನ್​ಎಲ್​ ಎಕ್ಸ್​ಚೇಂಜ್​ನ ಕಿರಿಯ ಟೆಲಿಕಾಂ ಅಧಿಕಾರಿ ಎಸ್​.ನಂದಕಿರಣ್​ ಅವರು ನೀಡಿದ ದೂರಿನ ಆಧಾರದಲ್ಲಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದರು.

ಪ್ರಕರಣದ ಜಾಡು ಹಿಡಿದ ಪೊಲೀಸರು ಇಬ್ಬರು ಆರೋಪಿಗಳನ್ನು ಬಂಧಿಸಿ, ಕಳವು ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.