ನಾಲ್ವರು ಸಾಧಕರಿಗೆ ಅಲ್ಲಮಪ್ರಭು ಪುರಸ್ಕಾರ

ಡಿ.1ಕ್ಕೆ ಬೆಂಗಳೂರಿನಲ್ಲಿ ಪ್ರದಾನ
Achievers Honored with the Allamaprabhu Award
ಅಲ್ಲಮಪ್ರಭು ಪುರಸ್ಕಾರಕ್ಕೆ ಭಾಜನರಾದ ಸಾಧಕರು
Published on: 

ಬೆಂಗಳೂರು : ಜಮಖಂಡಿ ವಿಧಾನಸಭಾ ಕ್ಷೇತ್ರದ ಶಾಸಕ ನಾಡೋಜ ಜಗದೀಶ ಗುಡಗುಂಟಿ ತಮ್ಮ ಶ್ರೀಪ್ರಭುಲಿಂಗ ಶಿಕ್ಷಣ ಸಂಸ್ಥೆಯ ಮೂಲಕ ಅನುಭಾವ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಗಣ್ಯರಿಗೆ ಪ್ರತಿವರ್ಷ ಪ್ರದಾನ ಮಾಡುವ ಅಲ್ಲಮಪ್ರಭು ಪುರಸ್ಕಾರಕ್ಕೆ ನಾಲ್ವರು ಸಾಧಕರನ್ನು ಆಯ್ಕೆ ಮಾಡಲಾಗಿದೆ.

ವಚನ ಸಾಹಿತ್ಯ, ಅಧ್ಯಾತ್ಮ, ಅನುಭಾವ ಮತ್ತು ವೈಚಾರಿಕ ಚಿಂತನೆಯ ಮೂಲಕ ನಾಡಿನ ಸಾಂಸ್ಕೃತಿಕ ಪರಂಪರೆಗೆ ವಿಶಿಷ್ಟ ಕೊಡುಗೆ ನೀಡುತ್ತಿರುವ ಮೈಸೂರಿನ ಶಂಕರ ದೇವನೂರ, ಚಿತ್ರದುರ್ಗದ ಕಣಜನಹಳ್ಳಿ ನಾಗರಾಜ್, ಶಿವಮೊಗ್ಗದ ಯು.ಎನ್. ಸಂಗನಾಳಮಠ ಹಾಗೂ ಬೆಂಗಳೂರಿನ ಹರಿಹರ ಶಿವಕುಮಾರ್ ಅವರು 2026ನೇ ಸಾಲಿನ ಪ್ರತಿಷ್ಠಿತ ಅಲ್ಲಮಪ್ರಭು ಪುರಸ್ಕಾರಕ್ಕೆ ಆಯ್ಕೆಯಾಗಿದ್ದಾರೆ.

Achievers Honored with the Allamaprabhu Award
ಅಲ್ಲಮಪ್ರಭು ಪುರಸ್ಕಾರಕ್ಕೆ ಭಾಜನರಾದ ಸಾಧಕರು

ಪ್ರಶಸ್ತಿ ಪ್ರದಾನ ಸಮಾರಂಭವು ಡಿ.1ರ ಸಂಜೆ 5.30ಕ್ಕೆ ಬೆಂಗಳೂರಿನ ಗಾಂಧಿಭವನದಲ್ಲಿ ಸುತ್ತೂರು ಶ್ರೀ ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿ ಸಾನ್ನಿಧ್ಯದಲ್ಲಿ ನಡೆಯಲಿದೆ. ಪ್ರಶಸ್ತಿಯು 15 ಸಾವಿರ ನಗದು, ಪ್ರಶಸ್ತಿ ಫಲಕ ಹಾಗೂ ಸ್ಮರಣಿಕೆಯನ್ನು ಒಳಗೊಂಡಿದೆ ಎಂದು ಆಯ್ಕೆ ಸಮಿತಿಯ ಅಧ್ಯಕ್ಷರಾದ ಹಿರಿಯ ವಿದ್ವಾಂಸ ಪ್ರೊ. ಮಲ್ಲೇಪುರಂ ಜಿ. ವೆಂಕಟೇಶ ತಿಳಿಸಿದ್ದಾರೆ.