ಸಮಗ್ರ ಶೀತಲ ಸರಪಳಿ ಘಟಕ ಸುಪರ್ದಿಗೆ ಕೃಷಿ ಇಲಾಖೆ ಆದೇಶ

ರಾಷ್ಟ್ರೀಯ ಕೃಷಿ ವಿಕಾಸ ಯೋಜನೆಯಡಿ ತೋಟಗಾರಿಕೆ ಇಲಾಖೆಯ ಪೂಜೇನಹಳ್ಳಿ ತೋಟಗಾರಿಕೆ ಕ್ಷೇತ್ರದಲ್ಲಿ ಕೆಪೆಕ್ ‘ಸಮಗ್ರ ಶೀತಲ ಸರಪಳಿ ಘಟಕ’ ನಿರ್ಮಿಸಿದೆ. ಈ ಘಟಕದ ಕಾರ್ಯಾಚರಣೆ ಮತ್ತು ನಿರ್ವಹಣೆಗೆ ಒಡಬಂಡಿಕೆ ಮಾಡಿಕೊಂಡು 2024ರ ಜೂನ್‌ನಲ್ಲಿ ಮೆ// ಫಿಜಾ ಗ್ಲೋಬಲ್ ಆಗ್ರೋವೆಂಚರ್ಸ್ ಪ್ರೈ.ಲಿ.ಗೆ ನೀಡಲಾಗಿತ್ತು.ಆದರೆ, ಘಟಕದ ಒಡಂಬಡಿಕೆ ಅನುಸಾರ ಈ ಕಂಪನಿಯು ಬಾಡಿಗೆ ಪಾವತಿಸಿಲ್ಲ.ಸಮರ್ಪಕವಾಗಿ ಘಟಕವನ್ನು ನಿರ್ವಹಣೆ ಮಾಡಿಲ್ಲ.

ಒಪ್ಪಂದ ನಿಯಮ ಉಲ್ಲಂಘಿಸಿ ಅನ್ಯ ಉದ್ದೇಶಕ್ಕೆ ಈ ಘಟಕವನ್ನು ಕಂಪನಿ ಬಳಸಿಕೊಂಡಿದೆ. ಹಾಗಾಗಿ, ಫಿಜಾ ಗ್ಲೋಬಲ್ ಆಗ್ರೋವೆಂಚರ್ಸ್‌ಗೆ ಟರ್ಮಿನೇಷನ್ ನೋಟಿಸ್ ಕೊಟ್ಟು ಘಟಕ ಹಿಂಪಡೆಯಲು ಕೆಪೆಕ್‌ನ ವ್ಯವಸ್ಥಾಪಕ ನಿರ್ದೇಶಕ ಸಿ.ಎನ್.ಶಿವಪ್ರಕಾಶ್ ಅವರನ್ನು ತೆರವು ಅಧಿಕಾರಿಯನ್ನಾಗಿ ಇಲಾಖೆ ನೇಮಿಸಿದೆ.

ಈ ಘಟಕದಲ್ಲಿ ಅನಧಿಕೃತವಾಗಿ ಕಾರ್ಯನಿರ್ವಹಿಸುತ್ತಿರುವ ಫಿಜಾ ಗ್ಲೋಬಲ್ ಆಗ್ರೋವೆಂಚರ್ಸ್ ಕಂಪನಿಯನ್ನು ನಿಯಮನುಸಾರ ತೆರವುಗೊಳಿಸಿ ಕೆಪೆಕ್ ಸಂಸ್ಥೆಯ ಸುಪರ್ದಿಗೆ ತೆಗೆದುಕೊಳ್ಳುಲು ಅಗತ್ಯ ಕ್ರಮವಹಿಸುವಂತೆ ಶಿವಪ್ರಕಾಶ್‌ಗೆ ಸೂಚಿಸಲಾಗಿದೆ.