‘ಆಭರಣ’ ಪ್ರದರ್ಶನಕ್ಕೆ ಚಾಲನೆ: ನಟಿ ಅಮೃತಾ ಪ್ರೇಮ್ ಉದ್ಘಾಟನೆ-aabarana

ಈ ವೇಳೆ ಮಾತನಾಡಿದ ಅಮೃತಾ, ಭದ್ರತೆ ದೃಷ್ಟಿಯಿಂದ ಚಿನ್ನದ ಮೇಲೆ ಹೂಡಿಕೆ ಮಾಡುವುದು ಒಳ್ಳೆಯದು. ಬೆಲೆ ಹೆಚ್ಚಳವಾಗುತ್ತಿರುವ ಹಿನ್ನೆಲೆಯಲ್ಲಿ ಈಗಿನಿಂದಲೇ ಚಿನ್ನಾಭರಣಗಳನ್ನು ಖರೀದಿಸುವಂತಾಗಬೇಕು. ಬರುವ ಹಬ್ಬಗಳು ಮತ್ತು ಮದುವೆ ಋತುಮಾನಕ್ಕೆ ಆಭರಣ ಖರೀದಿಸಲು ಬಯಸುವ ರಾಜಧಾನಿ ಜನತೆಗೆ ಉತ್ತಮ ಅವಕಾಶ ಸಿಕ್ಕಿದ್ದು, ಇದನ್ನು ಸದ್ಬಳಕೆ ಮಾಡಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಪ್ರದರ್ಶನದಲ್ಲಿ ಆನಂದ್ ಜುವೆಲ್ಲರ್ಸ್, ನವರತನ್ ಸನ್ಸ್, ಸಿಂಹ ಜುವೆಲ್ಲರ್ಸ್, ಅಮ್ರಪಾಲ, ವರಶ್ರೀ, ರಾಜಿ ಜುವೆಲ್ಲರಿ, ಸಂಕೇಶ್ ಸುರಾನ, ಶ್ರೀ ಗಣೇಶ್ ಡೈಮಂಡ್ಸ್, ಅರಹಮ್ (ಕೋಲ್ಕತ್ತಾ), ಸ್ಯಾಂಜಾನಿ (ಮುಂಬೈ), ಬನೇಥಿ ಎಕ್ಸ್‌ಪೋರ್ಟ್ಸ್ (ಜೈಪುರ), ವೇಗಾ (ಹೈದರಾಬಾದ್) ಸೇರಿ 50ಕ್ಕೂ ಅಧಿಕ ಮಳಿಗೆಗಳಿವೆ. ದೇಶದ ವಿವಿಧ ಮೂಲೆಗಳಿಂದ ಆಗಮಿಸಿರುವ 50ಕ್ಕೂ ಹೆಚ್ಚು ಅಗ್ರ ಶ್ರೇಣಿಯ ಆಭರಣ ತಯಾರಕರು, ಮಳಿಗೆಗಳು ಒಂದೇ ವೇದಿಕೆಯಲ್ಲಿ ಭಾಗವಹಿಸಿದ್ದಾರೆ.

ಪ್ರತಿ ಚಿನ್ನದ ಬಿಐಎಸ್ (ಬಿಐಎಸ್) ಹಾಲ್ಮಾರ್ಕ್, ಅಂತಾರಾಷ್ಟ್ರೀಯ ಗುಣಮಟ್ಟದ ಜಿಐಎ/ ಐಜಿಐ ಪ್ರಮಾಣಪತ್ರವನ್ನು ಹೊಂದಿರುವ ವಜ್ರಾಭರಣಗಳನ್ನು ಗ್ರಾಹಕರು ಖರೀದಿಸಬಹುದು. ಆಯೋಜಕಿ ಹೇಮಲತಾ ಜಗದೀಶ್, ಉದ್ಯಮಿಗಳಾದ ಲಕ್ಷ್ಮೀ ಗೋವಿಂದರಾಜು, ಜ್ಯೋತಿ ಪ್ರೇಮ್, ಹರ್ಷಿಣಿ ವೆಂಕಟೇಶ್, ಕಲಾವಿದ ಕಲಾ ಗಂಗಾಧರ್ ಮತ್ತಿತರರಿದ್ದರು.

ಗ್ರಾಹಕರು ತಮ್ಮ ಹಳೆಯ ಚಿನ್ನವನ್ನು ನೀಡಿ ಹೊಸ ಆಭರಣಗಳನ್ನು ಬದಲಾಯಿಸಿಕೊಳ್ಳುವ ಅವಕಾಶ ಕಲ್ಪಿಸಲಾಗಿದೆ. ಮೇಳದ ನಂತರವೂ ಗ್ರಾಹಕರಿಗೆ ಆಭರಣ ಸಂಬಂಧಿತ ಸೇವೆ ಒದಗಿಸಲಾಗುವುದು ಎಂದು ಆಯೋಜಕ ಬಿ.ಎನ್. ಜಗದೀಶ್ ತಿಳಿಸಿದರು.