ಸೂಲಿಬೆಲೆ ಪಟ್ಟಣಕ್ಕೆ ಕಸದ ಕಂಟಕ / SULIBELE

ಸೂಲಿಬೆಲೆ ಪಟ್ಟಣದ ಕೊಳಚೆ ನೀರು ಹರಿಯುವ ರಾಜಕಾಲುವೆ ಗಿಡ&ಗಂಟಿಗಳು ಮತ್ತು ಪ್ಲಾಸ್ಟಿಕ್​ ತ್ಯಾಜ್ಯದಿಂದ ತುಂಬಿ ನೀರು ಸರಾಗವಾಗಿ ಹರಿಯದೆ ಗಬ್ಬುನಾರುತ್ತಿದೆ. ಸೂಲಿಬೆಲೆ ಮುಖ್ಯರಸ್ತೆಯಲ್ಲಿರುವ ರಾಜಕಾಲುವೆಯ ಸ್ಥಿತಿ ಇನ್ನೂ ಶೋಚನೀಯವಾಗಿದೆ. ಸೂಲಿಬೆಲೆ ಪಟ್ಟಣದ ಮುಖ್ಯ ರಸ್ತೆಯ ಎಲ್ಲ ಅಂಗಡಿಗಳ ತ್ಯಾಜ್ಯ ರಾಜಕಾಲುವೆ ಸೇರುತ್ತಿದೆ. ಸ್ವಚ್ಛತೆ ಕಾಪಾಡಬೇಕಾದ ಗ್ರಾಮ ಪಂಚಾಯಿತಿ ಜಾಣ ಕುರುಡು ಪ್ರದರ್ಶಿಸುತ್ತಿದೆ.

ಸೂಲಿಬೆಲೆಯಿಂದ ಗಿಡ್ಡಪ್ಪನಹಳ್ಳಿಗೆ ಸಂಪರ್ಕ ಕಲ್ಪಿಸುವ ಗ್ರಾಮೀಣ ಹೆದ್ದಾರಿಯ ಎರಡು ಬದಿ ಇರುವ ಸೂಲಿಬೆಲೆ ಪಟ್ಟಣದಿಂದ ಹೊರ ಹೋಗುವ ಕೊಳಚೆ ನೀರಿನ ರಾಜ ಕಾಲುವೆ ಗಿಡಗಂಟಿಗಳು ಬೆಳೆದು ನೀರಿನ ಹರಿವಿಗೆ ತೊಡಕಾಗಿ ಗಬ್ಬುನಾರುತ್ತಿದೆ. ಕೋಳಿ ಅಂಗಡಿಗಳು ಹಾಗೂ ಹೋಟೆಲ್​ನವರು ಪ್ಲಾಸ್ಟಿಕ್​ ಮೂಟೆಗಳಲ್ಲಿ ತ್ಯಾಜ್ಯವನ್ನು ತಂದು ಸುರಿಯುತ್ತಿದ್ದಾರೆ. ಇದರಿಂದ ಪರಿಸರ ಗಬ್ಬೆದ್ದು ನಾರುತ್ತಿದೆ.