ಶ್ರದ್ಧಾ ಭಕ್ತಿಯಿಂದ ಶಿಷ್ಯನಾದವನು ಗುರುವಾಗಲು ಸಾಧ್ಯ

ಗ್ರಾಮದ ಗುರುಮರುಳಾರಾಧ್ಯರ ಸಂಸ್ಥಾನ ಹಿರೇಮಠದಲ್ಲಿ ಲಿಂ.ಬಸವಲಿಂಗ ಮರುಳಸಿದ್ಧ ಶಿವಾಚಾರ್ಯರ 23ನೇ ಪುಣ್ಯ ಸ್ಮರಣೋತ್ಸವದ ನಿಮಿತ್ತ ಫೆ.18ರಿಂದ ಪ್ರಾರಂಭವಾದ ಉಪ್ಪಲದಿನ್ನಿಯ ಮುಗ್ಧ ಸಂಗಮೇಶ್ವರರ ಮಹಾಪುರಾಣ ಮಹಾಮಂಗಲದ ಪ್ರಯುಕ್ತ ನಡೆದ ಧರ್ಮಸಭೆ ಮತ್ತು ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಜಗತ್ತಿನಲ್ಲಿ ಅತಿ ವೇಗವಾಗಿ ಚಲಿಸುವ ವಸ್ತು ಎಂದರೆ ಮನಸ್ಸು, ಅಂತಹ ಮನಸ್ಸನ್ನು ನಿಯಂತ್ರಣದಲ್ಲಿರಿಸಿ ಗುರುವಿನ ಮಾರ್ಗದರ್ಶನದಲ್ಲಿ ಇಂತಹ ಧಾರ್ಮಿಕ ಕಾರ್ಯಗಳಲ್ಲಿ, ದೇವರ ಪ್ರಾರ್ಥನೆ, ಪುರಾಣ, ಪ್ರವಚನಗಳಲ್ಲಿ ತೊಡಗಿಸಿಕೊಂಡರೆ ಒಳ್ಳೆಯ ಸದಢ ಸುಶಿಕ್ಷಿತ ಸಮಾಜ ನಿರ್ಮಾಣವಾಗುವುದರಲ್ಲಿ ಸಂಶಯವಿಲ್ಲ ಎಂದರು.

ವಿವಿಧ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದ ವಕೀಲ ಸುಭಾಸ ಛಾಯಾಗೋಳ, ಶಿಕ್ಷಣ ಕ್ಷೇತ್ರದ ನಾನಾಗೌಡ ಬ. ನಡುವಿನಮನಿ, ಜಾನಪದ ತಜ್ಞ ಎಂ.ಎಂ.ಪಡಶೆಟ್ಟಿ, ವೈದ್ಯ ಡಾ. ಎಂ.ಬಿ.ಬಿರಾದಾರ, ಸಮಾಜ ಸೇವಕ ದೇವು ಎಸ್.ಪರಸನಳ್ಳಿ, ಪತ್ರಕರ್ತ ಈರಣ್ಣ ಎಂ.ಝಳಕಿ, ಪರಿಸರ ಪ್ರೇಮಿ ಶರಣಬಸಪ್ಪ ಶಿ.ಗಡೇದ, ಸಂಗೀತಗಾರ ವೀರೇಶ ವಾಲಿ ಅವರಿಗೆ ಕಲಕೇರಿನ ಗುರುಮರುಳಾರಾಧ್ಯ ಸಂಸ್ಥಾನ ಹಿರೇಮಠದಿಂದ ಕೊಡ ಮಾಡುವ 2026ನೇ ಸಾಲಿನ ಶ್ರೀ ಗುರುಮರುಳಾರಾಧ್ಯ ಸಿರಿ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಮಮತಾ ಮುಳಸಾವಳಗಿ ಅವರು ಬರೆದ ಮಮತೆಯ ಮರುಳಾರಾಧ್ಯರ ಶತವಚನಗಳು ಎಂಬ ಗ್ರಂಥ ಬಿಡುಗಡೆಗೊಳಿಸಲಾಯಿತು. ಶಿವದೀಕ್ಷೆ, ಅಯ್ಯಚಾರ ಕಾರ್ಯಕ್ರಮ ಶ್ರೀಗಳ ಸಾನ್ನಿಧ್ಯದಲ್ಲಿ ನಡೆದವು. ಗುರುಮರುಳಾರಾಧ್ಯರ ಹಿರೇಮಠದ ಪಟ್ಟಾಧ್ಯಕ್ಷ ಸಿದ್ಧರಾಮ ಶಿವಾಚಾರ್ಯರು, ಶಿವಮೊಗ್ಗದ ಮೇಜರ್ ಆನಂದ ಮತ್ತು ವಿಜಯಪುರ ಚಾಣಕ್ಯ ಕರಿಯರ್‌ನ ನಿಂಗನಗೌಡ ಮ. ಬಿರಾದಾರ ಮಾತನಾಡಿದರು.

ಜವಳಕೋಟ ಕಟ್ಟೀಮಠ ಸಂಸ್ಥಾನದ ಶಿವಾನಂದ ಶಿವಾಚಾರ್ಯರು, ಹಲಕರ್ಟಿ ಕಟ್ಟೀಮನಿ ಹಿರೇಮಠದ ಅಭಿನವ ಮುನೀಂದ್ರ ಶಿವಾಚಾರ್ಯರು, ಕೊಕಟನೂರದ ಮಡಿವಾಳೇಶ್ವರ ಶ್ರೀಗಳು, ದೇವರಹಿಪ್ಪರಗಿ ಪರದೇಶಿಮಠದ ಶಿವಯೋಗಿ ಶ್ರೀಗಳು, ದಂಡಗುಂಡ ಹಿರೇಮಠದ ಸಂಗನಬಸವ ಶಿವಾಚಾರ್ಯರು, ಚಬನೂರ ಹಿರೇಮಠದ ರಾಮಲಿಂಗಯ್ಯಶ್ರೀಗಳು, ಕರಬಂಟನಾಳದ ಶಿವಕುಮಾರ ಶ್ರೀಗಳು, ಕಾಖಂಡಕಿಯ ನಿಜಲಿಂಗ ಶಾಸೀಗಳು, ನಗನೂರ ಶರಣರಮಠದ ಶರಣಪ್ಪ ಶರಣರು, ಪುಟ್ಟರಾಜ ಶಾಸೀಗಳು, ಸಂಗೀತಗಾರ ಪ್ರಭುಕುಮಾರ ಮತ್ತು ಲಕ್ಷ್ಮೀಕಾಂತ ಕಲಬುರಗಿ, ಶಾಸಕ ರಾಜುಗೌಡ ಪಾಟೀಲ ಕುದರಿಸಾಲೋಡಗಿ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಪ್ರಭುಗೌಡ ಬ. ಪಾಟೀಲ, ಜಿ.ಪಂ ಮಾಜಿ ಅಧ್ಯಕ್ಷ ಬಸನಗೌಡ ಯಡ್ಯಾಪುರ, ಬಿಜೆಪಿ ಮುಖಂಡರಾದ ಪ್ರಭುಗೌಡ ಅಸ್ಕಿ, ಸಿದ್ದು ಬುಳ್ಳಾ, ತಾಪಂ ಸದಸ್ಯ ಲಕ್ಕಪ್ಪ ಬಡಿಗೇರ ಮತ್ತಿತರರಿದ್ದರು.