9 ಕೋಟಿ ರೂ.ಲಾಭದತ್ತ ಕೋಮುಲ್​ Komul

ನಗರದ ಎಪಿಎಂಸಿ ಆವರಣದ ಕೋಮುಲ್​ ಶಿಬಿರ ಕಚೇರಿಯ ಸಭಾಂಗಣದಲ್ಲಿ ಗುರುವಾರ ವಿವಿಧ ಯೋಜನೆಗಳ ಸೌಲಭ್ಯಗಳ ವಿತರಣಾ ಕಾರ್ಯಕ್ರಮದಲ್ಲಿ ಮಾತನಾಡಿ, ಒಕ್ಕೂಟದಲ್ಲಿ ಯಾವುದೇ ಅವ್ಯವಹಾರ ನಡೆದಿಲ್ಲ. ಆದರೂ, ಕೆಲವರು ಇಲ್ಲಸಲ್ಲದ ಆರೋಪಗಳ ಮೂಲಕ ಮಸಿ ಬಳಿಯುವ ಕೆಲಸ ಮಾಡುತ್ತಿದ್ದಾರೆ, ಇದಕ್ಕೆ ಬೆಲೆ ನೀಡಬಾರದು. ಸೋಲಾರ್​ ಘಟಕ ಸ್ಥಾಪನೆಯಿಂದ ಪ್ರತಿ ತಿಂಗಳು < 80ಲಕ್ಷ ಉಳಿತಾಯವಾಗುತ್ತದೆ. ಜತೆಗೆ 3 ಲಕ್ಷ ಯೂನಿಟ್​ ಉಳಿಕೆಯಾಗಿದ್ದು, ಅದನ್ನು ಜಿಲ್ಲೆಯ ಎಲ್ಲ ತಾಲೂಕುಗಳ ಬಿಎಂಸಿ ಕೇಂದ್ರಗಳಿಗೆ ಉಚಿತವಾಗಿ ನೀಡುವ ಮೂಲಕ ಗ್ರಾಮಗಳ ಅಭಿವೃದ್ಧಿಗೂ ಆದ್ಯತೆ ನೀಡಲಾಗುವುದು ಎಂದರು.

ನಿರ್ದೇಶಕ ಬಿ.ವಿ.ಸಾಮೇಗೌಡ ಮಾತನಾಡಿ, ಕೇಂದ್ರ ಸರ್ಕಾರ ಪ್ರಚಾರವಿಲ್ಲದೆ ಗ್ರಾಮೀಣಾಭಿವೃದ್ಧಿ ಸೇರಿದಂತೆ ಡೇರಿಗಳು, ಸಹಕಾರ ಸಂಘಗಳ ಅಭಿವೃದ್ಧಿಗೆ ಪ್ರತಿವರ್ಷ ಅನುದಾನ ಹೆಚ್ಚಿಸಿಕೊಂಡು ಬರುತ್ತಿದೆ. ಆದರೆ, ರಾಜ್ಯ ಸರ್ಕಾರ ಗ್ಯಾರಂಟಿ ಹೆಸರಲ್ಲಿ ರಾಜ್ಯವನ್ನಷ್ಟೇ ದಿವಾಳಿ ಮಾಡಿಲ್ಲ, ಸಹಕಾರಿ ಸಂಸ್ಥೆಗಳನ್ನು ರ್ನಿಲಕ್ಷ$್ಯ ಮಾಡಿದೆ. ರೈತರ ಮಕ್ಕಳ ವಿದ್ಯಾಭ್ಯಾಸಕ್ಕೆ ನೀಡುತ್ತಿದ್ದ ವಿದ್ಯಾರ್ಥಿ ವೇತನ ಕಡಿತ ಮಾಡಿದೆ. ರೈತರ ಹಾಲಿಗೆ ನೀಡುತ್ತಿದ್ದ 5 ರೂ.ಪಾಯಿ ನೀಡದೆ ವಂಚಿಸಿದೆ ಎಂದರು.

ತಾಪಂ ಮಾಜಿ ಅಧ್ಯಕ್ಷ ವಕೀಲ ಎಂ. ಎಸ್​. ಶ್ರೀನಿವಾಸರೆಡ್ಡಿ ಮಾತನಾಡಿ, ಜನಪ್ರತಿನಿಧಿಗಳಾದವರು ಸದಾ ಜನರ ಪರವಾಗಿ ಕಾರ್ಯ ನಿರ್ವಹಿಸಿದಾಗ ಅವರು ಕಣ್ಮರೆಯಾದರೂ ಮಾಡಿದ ಕೆಲಸ ಸಮಾಜದಲ್ಲಿ ಸದಾ ಇರುತ್ತದೆ. ತಾಲೂಕಿನ ಮೋತಕಪಲ್ಲಿದಿ.ಎಂ.ವಿ. ಕೃಷ್ಣಪ್ಪ ಅವರು ಕೇಂದ್ರದ ನೆಹರು ಸಂಪುಟದಲ್ಲಿ ಸಚಿವರಾಗಿ ಕೆಜಿಎಫ್​ ಬೆಮೇಲ್​ ಸ್ಥಾಪನೆ ಮಾಡುವ ಮೂಲಕ ಸಾವಿರಾರು ಉದ್ಯೋಗ ಸೃಷ್ಟಿ ಮಾಡಿದರು. ರಾಜ್ಯದಲ್ಲಿ ಸಚಿವರಾಗಿ ಗುಟ್ಟಹಳ್ಳಿ ಬಂಗಾರು ತಿರುಪತಿ ದೇವಾಲಯಗಳನ್ನು ಅಭಿವೃದ್ಧಿ ಮಾಡಲಾಗಿದೆ. ಹಾಗೆಯೇ ದಿ. ಆಲಂಗೂರು ಶ್ರೀನಿವಾಸ ಅವರು 12ಕ್ಕೂ ಹೆಚ್ಚು ಪ್ರೌಢಶಾಲೆಗಳು, 4 ವಸತಿ ಶಾಲೆಗಳು ಸೇರಿದಂತೆ ಹೋಬಳಿಗೊಂದು ಪಿಯು ಕಾಲೇಜು ನಿಮಾರ್ಣ ಮಾಡಿ ಶೈಕ್ಷಣಿಕ ಕ್ರಾಂತಿ ಮಾಡಿದರು ಎಂದರು.

ತಾಪಂ ಮಾಜಿ ಸದಸ್ಯ ಡಾ. ಸಿ. ಎನ್​. ಪ್ರಕಾಶ್​, ಮುಖಂಡ ಎಂ.ಗೊಲ್ಲಹಳ್ಳಿ ಪ್ರಭಾಕರ್​, ಹಾಲು ಒಕ್ಕೂಟದ ಉಪ ವ್ಯವಸ್ಥಾಪಕ ಡಾ.ಕೆ. ಕಿರಣ್​, ಜೆಡಿಎಸ್​ ಮುಖಂಡರಾದ ಕವತನಹಳ್ಳಿ ಮುನಿಸ್ವಾಮಿಗೌಡ, ನರಸಿಂಹರೆಡ್ಡಿ, ಪೊಂಬ್ಬರಹಳ್ಳಿ ಮಂಜುನಾಥ್​, ನಗವಾರ ಶ್ರೀನಿವಾಸ್​, ವಾಣಿಗಾನಹಳ್ಳಿ ಕೃಷ್ಣಪ್ಪ, ಬಾಲಕೃಷ್ಣ, ಕಾಡೇನಹಳ್ಳಿ ಅಶೋಕ್​, ಪಿ.ವಿ.ಶಂಕರ್​, ಬೆಳಗಾನಹಳ್ಳಿ ಬಿ.ಎಂ.ವೆಂಕಟರಮಣಪ್ಪ, ಬೇವಹಳ್ಳಿ ಡೆಕ್ಕನ್​ ಬಾಬು, ಆವಣಿ ಲಕ್ಷಿ$್ಮಪ್ರಿಯ ಸೇರಿದಂತೆ ಅನೇಕರು ಇದ್ದರು.