ಆಂಧ್ರಪ್ರದೇಶ ಕಡೆಯಿಂದ ಬೆಂಗಳೂರಿನತ್ತ ಕಂಟೇನರ್ನಲ್ಲಿ ಉಸಿರುಗಟ್ಟಿಸುವ ಹಾಗೆ ಹಸುಗಳನ್ನು ತುಂಬಿಕೊಂಡು ಸಾಗಿಸಲಾಗುತ್ತಿತ್ತು. ಹೈದರಾಬಾದ್ ಮತ್ತು ಆಂಧ್ರದ ಕಡೆಗಳಿಂದ 3 ಕಂಟೇನರ್ಗಳಲ್ಲಿ 100ಕ್ಕೂ ಹೆಚ್ಚು ಹಸುಗಳನ್ನು ತುಂಬಿಕೊಂಡು ಬೆಂಗಳೂರಿನ ಕಸಾಯಿಖಾನೆಗೆ ಸಾಗಣೆ ಮಾಡಲಾಗುತ್ತಿದೆ ಎಂದು ಮುಳಬಾಗಿಲು ಮತ್ತು ಕೋಲಾರದ ಗೋರಕ್ಷಕ ದಳ ಹಾಗೂ ಬಜರಂಗದಳ ಕಾರ್ಯಕರ್ತರಿಗೆ ಮಾಹಿತಿ ಲಭಿಸಿತ್ತು. ಅದರ ಆಧಾರದ ಮೇಲೆ ನಂಗಲಿ, ಹನುಮನಹಳ್ಳಿ, ಹೊಸಕೋಟೆ ಟೋಲ್ಗಳಲ್ಲಿ ಹದ್ದಿನ ಕಣ್ಣು ಇಟ್ಟಿದ್ದ ಕಾರ್ಯಕರ್ತರು ಹನುಮನಹಳ್ಳಿ ಟೋಲ್ ಬಳಿ ಕಂಟೇನರ್ ಹಿಡಿದು, ಮುಳಬಾಗಿಲು ಗ್ರಾಮಾಂತರ ಪೊಲೀಸರ ವಶಕ್ಕೆ ಒಪ್ಪಿಸಿದ್ದು, ಪ್ರಕರಣ ದಾಖಲಾಗಿದೆ.
