ಪಠಾಣ್, ಜವಾನ್ ನಂತರ ಶಾರುಖ್ ಅಭಿನಯದ 'ಡಂಕಿ' ಸೂಪರ್ ಹಿಟ್ ಆಗಲಿದೆಯೇ?; ಬಿಡುಗಡೆಗೂ ಮುನ್ನವೇ ದಾಖಲೆ ಬರೆದ ಸಿನಿಮಾ ಟ್ರೇಲರ್

ಮುಂಬೈ: 'ಪಠಾಣ್', 'ಜವಾನ್' ನಂತಹ ಬ್ಲಾಕ್ ಬಸ್ಟರ್ ಚಿತ್ರಗಳ ನಂತರ ಇದೀಗ ಕಿಂಗ್ ಖಾನ್ ಅಭಿನಯದ 'ಡಂಕಿ' ಕೂಡ ಬಾಕ್ಸ್ ಆಫೀಸ್ ನಲ್ಲಿ ದಾಖಲೆ ಬರೆಯಲಿದೆಯಂತೆ. ಹೃದಯ ಸ್ಪರ್ಶಿ ಭಾವನೆಗಳನ್ನು ಮೂಡಿಸುವ ಈ ಚಿತ್ರ ಡಿಸೆಂಬರ್ 21 ರಂದು ಬಿಡುಗಡೆಯಾಗಲಿದೆ. ಆದರೆ ಇದಕ್ಕೂ ಮುನ್ನ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು, ಬಿಡುಗಡೆಯಾದ ಬೆನ್ನಲ್ಲೇ ದಾಖಲೆ ನಿರ್ಮಿಸಿದೆ.  

ಶಾರುಖ್ ಖಾನ್, ಬೋಮನ್ ಇರಾನಿ, ತಾಪ್ಸಿ ಪನ್ನು, ವಿಕ್ಕಿ ಕೌಶಲ್, ವಿಕ್ರಮ್ ಕೊಚ್ಚರ್ ಮತ್ತು ಅನಿಲ್ ಗ್ರೋವರ್ ಅಭಿನಯದ ಈ ಚಿತ್ರದ ಟ್ರೇಲರ್ ಅನ್ನು ಪ್ರೇಕ್ಷಕರು ಬಹಳ ಇಷ್ಟಪಡುತ್ತಿದ್ದಾರೆ. ಇದೇ ಕಾರಣಕ್ಕೆ ಇದು ಕೇವಲ 24 ಗಂಟೆಗಳಲ್ಲಿ ಎಲ್ಲಾ ಪ್ಲಾಟ್‌ಫಾರ್ಮ್‌ಗಳಲ್ಲಿ 103 ಮಿಲಿಯನ್ ವೀಕ್ಷಣೆಗಳನ್ನು ಸಾಧಿಸಿದೆ. ಇದು ಒಂದೇ ಭಾಷೆಗೆ ಇದುವರೆಗಿನ ಅತಿ ಹೆಚ್ಚು ವೀಕ್ಷಣೆಯಾಗಿದೆ.

ಕ್ರಿಸ್‌ಮಸ್‌ನಲ್ಲಿ ಬಿಡುಗಡೆಯಾಗಲಿದೆ 'ಡಂಕಿ'
ತಮ್ಮದೇ ದಾಖಲೆಗಳನ್ನು ಮುರಿಯಲು ಹೆಸರುವಾಸಿಯಾಗಿರುವ ಶಾರುಖ್ ಖಾನ್ ಈ ಹಿಂದೆ ಈ ದಾಖಲೆಯನ್ನು ಹೊಂದಿದ್ದ ಅವರ ಇತ್ತೀಚಿನ ಮೆಗಾ ಹಿಟ್ ಜವಾನ್ ಚಿತ್ರದಲ್ಲೂ ಅದೇ ರೀತಿ ಮಾಡಿದ್ದರು. ಇದೀಗ ಅವರ ಈ ವರ್ಷದ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ಒಂದಾದ 'ಡಂಕಿ' ಕೂಡ ಹೊಸ ದಾಖಲೆಗಳನ್ನು ಸೃಷ್ಟಿಸಲು ಸಿದ್ಧವಾಗಿದೆ. ಈಗ ಈ ಚಿತ್ರ ಈ ವರ್ಷದ ಕ್ರಿಸ್‌ಮಸ್‌ಗೆ ಬಿಡುಗಡೆಗೆ ಸಿದ್ಧವಾಗಿದೆ. ರಾಜ್‌ಕುಮಾರ್ ಹಿರಾನಿ ನಿರ್ದೇಶನದಲ್ಲಿ ತಯಾರಾದ ''ಡಂಕಿ' ಒಂದು ಕುತೂಹಲಕಾರಿ ಲೋಕದ ಪಯಣ.

ಚಿತ್ರದ ಕಥೆ ಹೇಗಿದೆ?
'ಡಂಕಿ' ಅಜ್ಞಾತ ಸ್ಥಳಕ್ಕೆ ತಲುಪುವ ನಾಲ್ವರು ಸ್ನೇಹಿತರ ಕಥೆ. ನೈಜ ಕಥೆಯಿಂದ ಸ್ಫೂರ್ತಿ ಪಡೆದಿರುವ 'ಡಂಕಿ' ಪ್ರೀತಿ ಮತ್ತು ಸ್ನೇಹದ ಹೃದಯ ಸ್ಪರ್ಶಿ ಕಥೆಯಾಗಿದೆ. ಚಿತ್ರದ ವಿಶಿಷ್ಟ ಕಥೆಯು ವಿಭಿನ್ನ ಕಥೆಗಳನ್ನು ಒಟ್ಟುಗೂಡಿಸುತ್ತದೆ. ಇದು ಬಹಳಷ್ಟು ಭಾವನೆಗಳನ್ನು ಬಹಿರಂಗಪಡಿಸುತ್ತದೆ, ನಗು ಮತ್ತು ಹೃದಯ ಸ್ಪರ್ಶಿಸುವ ಉತ್ತರಗಳನ್ನು ನೀಡುತ್ತದೆ. ಟ್ರೇಲರ್​​​​​ ನಲ್ಲಿ, ಲೂಟ್ ಪುಟ್ ಗಯಾ ಮತ್ತು ನಿಕ್ಲೆ ದ ಕಭಿ ಹಮ್ ಘರ್ ಸೆ ಎರಡು ಹಾಡುಗಳನ್ನು ಬಿಡುಗಡೆ ಮಾಡಲಾಯಿತು. ಈ ಹಾಡುಗಳೂ ಪ್ರೇಕ್ಷಕರ ಮನ ಗೆದ್ದಿವೆ. 

https://www.vijayavani.net/ram-temple-trust-committee-to-finalise-ram-lalla-idol-for-consecration-december-15