ಕೊವಿಡ್​-19ನಿಂದ ತತ್ತರಿಸಿರುವ ಅಮೆರಿಕಕ್ಕೆ ಆಘಾತ; ಶುರುವಾಗಿದೆ ಮತ್ತೊಂದು ಅಪಾಯಕಾರಿ ಸಾಂಕ್ರಾಮಿಕ ರೋಗ

ಅಮೆರಿಕದಲ್ಲಿ ಕೊವಿಡ್​-19 ಮಹಾಮಾರಿ ಉತ್ತುಂಗಕ್ಕೇರಿದೆ. ಕರೊನಾ ನಿಯಂತ್ರಣಕ್ಕೆ ರಾಷ್ಟ್ರ ಹೋರಾಟ ನಡೆಸುತ್ತಿರುವ ಬೆನ್ನಲ್ಲೇ, ಅಮೆರಿಕಕ್ಕೆ ಇನ್ನೊಂದು ಆಘಾತ ಎದುರಾಗಿದೆ. ಅಮೆರಿಕದಲ್ಲಿ ಮತ್ತೊಂದು ಸಾಂಕ್ರಾಮಿಕ ರೋಗ ಕಾಣಿಸಿಕೊಂಡಿದ್ದು, ತೀವ್ರ ಆತಂಕಕ್ಕೆ ಕಾರಣವಾಗಿದೆ.

ಇತ್ತೀಚಿನ ಅಧಿಕೃತ ವರದಿಯೊಂದರ ಪ್ರಕಾರ ಯುಎಸ್​​ನಲ್ಲಿ ಅಳಿಲಿನಲ್ಲಿ ಬಬೋನಿಕ್​ ಪ್ಲೇಗ್​ ಕಾಣಿಸಿಕೊಂಡಿದೆ. ಈ ಬಬೊನಿಕ್​ ಪ್ಲೇಗ್​ ಕೂಡ ಚೀನಾದಲ್ಲೇ ಹುಟ್ಟಿದ್ದು. ಕೆಲವೇ ದಿನಗಳ ಹಿಂದೆ ಚೀನಾ ಈ ಬಗ್ಗೆ ಎಚ್ಚರಿಕೆ ನೀಡಿತ್ತು.

ಉತ್ತರ ಚೀನಾದ ಸ್ವಾಯತ್ತ ಪ್ರದೇಶವಾದ ಮಂಗೋಲಿಯಾದಲ್ಲಿರುವ ಬಯನ್ನೂರು ಪ್ರದೇಶದಲ್ಲಿ ಬಬೊಲಿಕ್​ ಪ್ಲೇಗ್​ ಪ್ರಕರಣ ಪತ್ತೆಯಾಗಿದೆ. ಹಾಗಾಗಿ ಎಚ್ಚರಿಕೆಯಿಂದ ಇರಿ ಎಂದು ಚೀನಾ ಹೇಳಿತ್ತು.

ಬಬೋನಿಕ್​ ಪ್ಲೇಗ್ ಹುಟ್ಟುವುದು ಇಲಿ, ಅಳಿಲಿನಂತಹ ಮಾರ್ಮೋಟ್​ ಜಾತಿಗೆ ಸೇರಿದ ಪ್ರಾಣಿಗಳಿಂದ. ಈ ರೋಗ ಹೊಂದಿದ ಪ್ರಾಣಿಗಳ ಮಾಂಸ ತಿಂದರೆ ಮನುಷ್ಯರಿಗೂ ಸೋಂಕು ತಗುಲುತ್ತದೆ. ಇದಕ್ಕೆ 24 ಗಂಟೆಯಲ್ಲಿ ಸೂಕ್ತ ಚಿಕಿತ್ಸೆ ದೊರೆಯದಿದ್ದರೆ ಸಾವು ನಿಶ್ಚಿತ ಎಂದು ಎಚ್ಚರಿಕೆ ನೀಡಿತ್ತು. ಇದನ್ನೂ ಓದಿ: ರಸ್ತೆ ಬದಿಯಲ್ಲೇ ಹೊಂಚು ಹಾಕುವ ಚಿರತೆ, ಬೈಕ್​ ಸವಾರರ ಮೇಲೆ ದಾಳಿ!

ಇದೀಗ ಬಬೊನಿಕ್​ ಪ್ಲೇಗ್​ ಅಮೆರಿಕದಿಂದ ವರದಿಯಾಗಿದೆ. ಮಾರಿಸನ್​​​ನಲ್ಲಿ ಜುಲೈ 11ರಂದು ಅಳಿಲೊಂದರಲ್ಲಿ ಪ್ಲೇಗ್​ ಇರುವುದು ಪತ್ತೆಯಾಗಿದ್ದು, ಸ್ಥಳೀಯ ಆರೋಗ್ಯ ಇಲಾಖೆ ಅಲರ್ಟ್​ ಘೋಷಣೆ ಮಾಡಿದೆ.

ಬಬೋನಿಕ್​ ಪ್ಲೇಗ್​ ಕಾಣಿಸಿಕೊಂಡವರಲ್ಲಿ ಜ್ವರ, ತಲೆನೋವು, ಶೀತ, ವೀಕ್​ನೆಸ್​ ಕಾಣಿಸಿಕೊಳ್ಳುತ್ತದೆ. ಅಷ್ಟೇ ಅಲ್ಲ, ಮೈಮೇಲೆ ನೋವಿನ ಗುಳ್ಳೆಗಳೂ ಏಳುತ್ತವೆ. ಯುರೋಪ್​ನಲ್ಲಿ 1347 ಮತ್ತು 1351ರ ನಡುವೆ ಈ ಬಬೊನಿಕ್​ ಪ್ಲೇಗ್​ ವಿಪರೀತವಾಗಿ ಹರಡಿತ್ತು. ಅದೆಷ್ಟೋ ಜನರು ಪ್ರಾಣಕಳೆದುಕೊಂಡಿದ್ದರು. (ಏಜೆನ್ಸೀಸ್​)

https://www.vijayavani.net/22-year-old-part-time-dj-kills-mother/