GOLD BONDS: ಫೆ.12ರಿಂದ ಸಾವರಿನ್ ಗೋಲ್ಡ್​ ಬಾಂಡ್ಸ್ ಲಭ್ಯ​..ಆರ್​ಬಿಐ ನಿಗದಿಪಡಿಸಿದ ಬೆಲೆ ಇದೇ ನೋಡಿ..

ನವದೆಹಲಿ: ದೇಶೀಯವಾಗಿ ಹೆಚ್ಚು ಜನಪ್ರಿಯವಾಗಿರುವ ಸಾವರಿನ್ ಗೋಲ್ಡ್ ಬಾಂಡ್ ಗಳು ಮತ್ತೊಮ್ಮೆ ಚಂದಾದಾರಿಕೆಗೆ ಬರಲಿವೆ.

ಇದನ್ನೂ ಓದಿ: ಏಪ್ರಿಲ್​ನಿಂದ ಫಾಸ್ಟ್​ ಟ್ಯಾಗ್ ಬಂದ್​..! ಕಾರಣ ಇದೇ ನೋಡಿ..

ಫೆ.12(ಸೋಮವಾರ) ರಿಂದ ಫೆಬ್ರವರಿ 16 ರವರೆಗೆ ಐದು ದಿನಗಳವರೆಗೆ ಚಂದಾದಾರಿಕೆ ಲಭ್ಯವಿರುತ್ತದೆ. ಆರ್‌ಬಿಐ ಪ್ರತಿ ಗ್ರಾಂ ಬೆಲೆಯನ್ನು 6,263ರೂ. ಎಂದು ನಿಗದಿಪಡಿಸಿದೆ. ಇದು 2023-24 ಆರ್ಥಿಕ ವರ್ಷದಲ್ಲಿ ಬರುವ ನಾಲ್ಕನೇ ಸರಣಿಯಾಗಿದ್ದು, ಈ ಆರ್ಥಿಕ ವರ್ಷದ ಜೂನ್, ಸೆಪ್ಟೆಂಬರ್ ಮತ್ತು ಡಿಸೆಂಬರ್‌ನಲ್ಲಿ ಮೂರು ಕಂತುಗಳಲ್ಲಿ ಬಾಂಡ್‌ಗಳನ್ನು ಬಿಡುಗಡೆ ಮಾಡಲಾಗಿದೆ. ಆನ್‌ಲೈನ್‌ನಲ್ಲಿ ಖರೀದಿಸುವವರಿಗೆ ಪ್ರತಿ ಗ್ರಾಂಗೆ 50 ರೂ.ರಿಯಾಯಿತಿ ಸಿಗುತ್ತದೆ. ಅಂದರೆ ಪ್ರತಿ ಗ್ರಾಂ ರೂ.6213ಕ್ಕೆ ಲಭ್ಯವಿದೆ.

ದೇಶದಲ್ಲಿ ಚಿನ್ನದ ಖರೀದಿಯನ್ನು ಕಡಿಮೆ ಮಾಡುವ ಉದ್ದೇಶದಿಂದ ಈ ಯೋಜನೆಯನ್ನು ನವೆಂಬರ್ 2015 ರಲ್ಲಿ ತರಲಾಯಿತು. ಚಂದಾದಾರಿಕೆಯ ಹಿಂದಿನ ವಾರದ ಕೊನೆಯ ಮೂರು ಕೆಲಸದ ದಿನಗಳಲ್ಲಿ 999 ಶುದ್ಧತೆಯ ಚಿನ್ನಕ್ಕೆ ಇಂಡಿಯಾ ಬುಲಿಯನ್ ಮತ್ತು ಜ್ಯುವೆಲ್ಲರ್ಸ್ ಅಸೋಸಿಯೇಷನ್ ​ಲಿಮಿಟೆಡ್ ನಿಗದಿಪಡಿಸಿದ ಸರಾಸರಿ ಬೆಲೆಯ ಆಧಾರದ ಮೇಲೆ ಗ್ರಾಂ ದರವನ್ನು ನಿರ್ಧರಿಸಲಾಗುತ್ತದೆ. ಒಂದು ಘಟಕದ ಅಡಿಯಲ್ಲಿ ಕನಿಷ್ಠ 1 ಗ್ರಾಂ ಖರೀದಿಸಬೇಕು. ವ್ಯಕ್ತಿಗಳು ಮತ್ತು ಹಿಂದು ಅವಿಭಜಿತ ಕುಟುಂಬಗಳು ಒಂದು ಆರ್ಥಿಕ ವರ್ಷದಲ್ಲಿ ಗರಿಷ್ಠ 4 ಕೆಜಿ ವರೆಗೆ ಖರೀದಿಸಬಹುದು. ಟ್ರಸ್ಟ್‌ಗಳು 20 ಕೆಜಿ ವರೆಗೆ ಖರೀದಿಸಬಹುದು. ಬಾಂಡ್ ಅವಧಿಯು 8 ವರ್ಷಗಳು. ಅವಧಿಯ ಕೊನೆಯಲ್ಲಿ, ಪ್ರಸ್ತುತ ದರವನ್ನು ಪಾವತಿಸಲಾಗುತ್ತದೆ. ಐದು ವರ್ಷಗಳ ನಂತರ,ಖರೀದಿದಾರ ಬಯಸಿದರೆ ಹಿಂಪಡೆಯಬಹುದು. ಭೌತಿಕ ಚಿನ್ನದ ಖರೀದಿಗೆ ಅದೇ ಕೆವೈಸಿ ನಿಯಮಗಳು ಅನ್ವಯಿಸುತ್ತವೆ.

ಎಸ್​ಜಿಬಿಗಾಗಿ ಅರ್ಜಿಯನ್ನು ಶೆಡ್ಯೂಲ್ಡ್ ಕಮರ್ಷಿಯಲ್ ಬ್ಯಾಂಕ್‌ಗಳು, ಪೋಸ್ಟ್ ಆಫೀಸ್‌ಗಳು, ಸ್ಟಾಕ್ ಹೋಲ್ಡಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ, ಕ್ಲಿಯರಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ, ಮಾನ್ಯತೆ ಪಡೆದ ಸ್ಟಾಕ್ ಎಕ್ಸ್‌ಚೇಂಜ್‌ಗಳ ಮೂಲಕ ಪಡೆಯಬಹುದು.

ಇನ್ನು ಬಾಂಡ್‌ನ ಮುಖಬೆಲೆಯ ಮೇಲೆ ವಾರ್ಷಿಕವಾಗಿ 2.50% ನಿಗದಿತ ದರದಲ್ಲಿ ಅರೆ-ವಾರ್ಷಿಕವಾಗಿ ಬಡ್ಡಿಯನ್ನು ಪಾವತಿಸಲಾಗುತ್ತದೆ. ಬಾಂಡ್‌ಗಳ ಅವಧಿ 8 ವರ್ಷ. ​​ಬಾಂಡ್‌ಗಳ ಮುಕ್ತಾಯದ ಮೇಲೆ ತೆರಿಗೆ ವಿನಾಯಿತಿ ಒದಗಿಸುತ್ತದೆ. ಮೂರು ವರ್ಷ ಮೊದಲು ಬಾಂಡ್‌ಗಳನ್ನು ಮಾರಾಟ ಮಾಡಿದರೆ ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ. ಭೌತಿಕ ಚಿನ್ನಕ್ಕೆ ಹೋಲಿಸಿದರೆ ಸಾರ್ವಭೌಮ ಚಿನ್ನದ ಬಾಂಡ್‌ಗಳನ್ನು ಖರೀದಿಸುವುದರಿಂದ ಹಲವು ಪ್ರಯೋಜನಗಳಿವೆ. ಚಿನ್ನದ ಬಾಂಡ್‌ಗಳು ಚಿನ್ನದ ಖರೀದಿಯಲ್ಲಿ ಸಾಮಾನ್ಯವಾಗಿ ಅನ್ವಯವಾಗುವ ತಯಾರಿಕೆ ಮತ್ತು ಜಿಎಸ್‌ಟಿಯಂತಹ ಹೆಚ್ಚುವರಿ ಶುಲ್ಕಗಳಿಗೆ ಒಳಪಡುವುದಿಲ್ಲ ಎಂಬುದು ಗಮನಾರ್ಹ ಸಂಗತಿಯಾಗಿದೆ. ಕಳ್ಳತನದ ಭಯವಿಲ್ಲ. ಆದ್ದರಿಂದ ಚಿನ್ನದ ಮೇಲೆ ಹೂಡಿಕೆ ಮಾಡುವವರು ಚಿನ್ನದ ಬಾಂಡ್‌ಗಳ ಖರೀದಿಗೆ ಮುಂದಾಗಬಹುದು.

https://www.vijayavani.net/who-will-get-blue-aadhaar-card