ಅದ್ಯಾಕೋ ಸೋನಾಕ್ಷಿ ಸಿನ್ಹಾ ಹಣೆಬರಹವೇ ಸರಿ ಇದ್ದಂತಿಲ್ಲ. ಬೇಡದ ವಿಷಯಗಳೆಲ್ಲಾ ಅವರ ನೆಮ್ಮದಿ ಕೆಡಿಸುತ್ತಿವೆ. ಕಳೆದ ವರ್ಷ ರಾಮಾಯಣ ಕುರಿತ ಒಂದು ಪ್ರಶ್ನೆಗೆ ತಪ್ಪು ಉತ್ತರ ನೀಡಿದ್ದಿಕ್ಕೆ ಸೋನಾಕ್ಷಿ ವಿಪರೀತ ಟ್ರೋಲ್ಗೊಳಗಾದರು. ಕೊನೆಗೆ ಅವರ ತಂದೆ ಶತ್ರುಘ್ನ ಸಿನ್ಹಾ ಬಂದು ಕಾಲೆಳೆಯುತ್ತಿರುವವರ ಬಾಯಿ ಮುಚ್ಚಿಸಬೇಕಾಯಿತು. ಈಗ ಮತ್ತೆ ಯಾವುದೋ ಹಳೆಯ ಪ್ರಸಂಗದಿಂದ, ಸೋನಾಕ್ಷಿ ಮುಜುಗರ ಅನುಭವಿಸವಂತಾಗಿದೆ. ಅಷ್ಟೇ ಅಲ್ಲ, ತಮ್ಮ ಬಗ್ಗೆ ಸುಳ್ಳು ಸುದ್ದಿಗಳನ್ನು ಹೆಚ್ಚಾಗುತ್ತಿರುವುದರಿಂದ, ಆ ವದಂತಿಗಳನ್ನು ತಡೆಯುವುದು ಹೇಗೆ ಎಂದು ಸೋನಾಕ್ಷಿ, ಮುಖ್ಯಮಂತ್ರಿ ಮತ್ತು ಪೊಲೀಸ್ ಇಲಾಖೆಗೆ ಕೇಳುವಂತಹ ಪರಿಸ್ಥಿತಿ ಎದುರಾಗಿದೆ.
