ತರಕಾರಿಗಳನ್ನು ಬಳಸುವ ಒಂದರ್ಧ ಗಂಟೆ ಮೊದಲು ಉಪ್ಪು ಮತ್ತು ಅಡುಗೆ ಸೋಡಾ ಹಾಕಿದ ನೀರಿನಲ್ಲಿ ನೆನೆಸಿಡುವುದು ಒಳ್ಳೆಯದು. ವಿಶೇಷವಾಗಿ ಬೊಜ್ಜು, ಮಧುಮೇಹ ಮುಂತಾದ ತೊಂದರೆಗಳಿಂದ ಬಳಲುತ್ತಿರುವವರು ಊಟದಲ್ಲಿ ಕಾಬೋಹೈಡ್ರೇಟ್ ಪ್ರಮಾಣವನ್ನು ಹೆಚ್ಚೆಂದರೆ 35% ಅಷ್ಟು ತೆಗೆದುಕೊಂಡು, ಒಳ್ಳೆಯ ಕೊಬ್ಬು, ನಾರಿನಂಶ, ಪೋ›ಟೀನ್ ಇರುವ ಆಹಾರ ಪದಾರ್ಥಗಳನ್ನು 65% ಅಷ್ಟು ತೆಗೆದುಕೊಂಡರೆ ತುಂಬಾ ದೊಡ್ಡ ಪ್ರಮಾಣದಲ್ಲಿ ಅನುಕೂಲವಾಗುತ್ತದೆ. ನಾರಿನ ಅಂಶ ಸರಿಯಾಗಿ ಸಿಗಬೇಕೆಂದರೆ ತರಕಾರಿಗಳನ್ನು ಹೆಚ್ಚಾಗಿ ಸೇವಿಸುವುದು ಅನುಕೂಲಕರ. ಪ್ರತಿದಿನ ಒಂದೆರಡು ತರಕಾರಿಗಳನ್ನು ಬೇಯಿಸಿ ಪಲ್ಯದ ರೀತಿಯಲ್ಲಿ ಊಟದ ಜೊತೆ ಸೇವಿಸಿದರೆ ಹೊಟ್ಟೆ ಚೆನ್ನಾಗಿ ತುಂಬುತ್ತದೆ. ಆದರೆ ತೂಕ ಅಥವಾ ರಕ್ತದಲ್ಲಿನ ಸಕ್ಕರೆಯ ಅಂಶ ಹೆಚ್ಚಾಗುವುದಿಲ್ಲ.
