ಯುವಕನ ಖಾಸಗಿ ಭಾಗಕ್ಕೆ ಕಚ್ಚಿದ ಹಾವು! ಮುಂದೇನಾಯ್ತು..?

ಬೆಂಗಳೂರು: ಟ್ರೆಕ್ಕಿಂಗ್‌ಗೆ ತೆರಳಿದ್ದ ಯುವಕನಿಗೆ ಆಘಾತಕಾರಿ ಅನುಭವವಾಗಿದೆ. ಪ್ಯಾಂಟ್​ ಒಳಗೆ ಏರಿದ ಹಾವು ಆತ ಅದನ್ನು ಹಿಡಿದು ಎಸೆಯುವಷ್ಟರಲ್ಲಿ ಖಾಸಗಿ ಅಂಗಾಂಗವನ್ನು ಕಚ್ಚಿಹಿಡಿದಿದೆ. ಈ ಘಟನೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ಪುತ್ರಿಗೆ ಲೈಂಗಿಕ ಕಿರುಕುಳ ನೀಡಿದ 56ರ ವ್ಯಕ್ತಿಗೆ ಮುಖ ಗುರುತುಸಿಗದಂತೆ ಪಂಚ್​ಕೊಟ್ಟ ತಾಯಿ!

ಮಾಸ್ಟರ್ ಫಿಶರ್ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ವೀಡಿಯೊವನ್ನು ಪೋಸ್ಟ್ ಮಾಡಲಾಗಿದೆ. ಇದರಲ್ಲಿ ಟ್ರೆಕ್ಕಿಂಗ್ ಹೋಗುತ್ತಿದ್ದ ಯುವಕನ ಪ್ಯಾಂಟ್‌ಗೆ ಹಾವೊಂದು ನುಗ್ಗಿದೆ. ಇದರಿಂದ ಆ ವ್ಯಕ್ತಿ ಆಘಾತಕ್ಕೊಳಗಾಗುತ್ತಾನೆ. ಹೇಗೋ ಕಷ್ಟ ಪಟ್ಟು ಹಾವನ್ನು ಹೊರ ತೆಗೆದಿದ್ದಾನೆ. ಆದರೆ ತಕ್ಷಣ, ಅದು ಆ ವ್ಯಕ್ತಿಯ ಖಾಸಗಿ ಭಾಗವನ್ನು ಕಚ್ಚಿ ಹಿಡಿದಿದೆ.

ಯುವಕ ಬಿಡಿಸಿಕೊಳ್ಳಲು ಪ್ರಯತ್ನಿಸಿದರೂ ಹಾವು ಸ್ವಲ್ಪ ಹೊತ್ತು ಹಾಗೆಯೇ ಕಚ್ಚಿ ಹಿಡಿದಿದೆ. ನೋವು ತಾಳಲಾರದೆ ಹೇಗೋ ಹಾವನ್ನು ಬಿಡಿಸಿಕೊಂಡು ಕಡೆಗೆ ಆ ಹಾವನ್ನು ದೂರ ಎಸೆಯುತ್ತಾನೆ. ಈ ಘಟನೆ ಎಲ್ಲಿ ನಡೆದಿದೆ ಎಂಬ ವಿವರಗಳಿಲ್ಲ. ಆದರೆ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ಟ್ರೆಂಡ್ ಆಗಿದೆ.

ಇನ್ನು ವಿಡಿಯೋ ನೋಡಿದ ನೆಟ್ಟಿಗರು ಭಯಾನಕ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಹಾವು ಕಚ್ಚಿಸಿಕೊಂಡವರು ಬದುಕಿದ್ದಾರಾ? ಎಂದು ಪ್ರಶ್ನೆ ಮಾಡುತ್ತಿದ್ದಾರೆ. ಇನ್ನು ಕೆಲವರು.. ಅಬ್ಬಾಬ್ಬಾ ಬ್ರೋ.. ಎಂದು ತಮಾಷೆಯ ಕಾಮೆಂಟ್‌ಗಳನ್ನು ಹಾಕುತ್ತಿದ್ದಾರೆ.

https://www.vijayavani.net/another-bridge-collapses-in-bihars-siwan-days-after-araria-tragedy