ಈ ದಿನ ರಿಲೀಸ್​ ಆಗಲಿದೆ ರಾಮ್​-ಶ್ರೀಲೀಲಾ ನಟನೆಯ 'ಸ್ಕಂದ' ಟ್ರೇಲರ್​

ಆಂಧ್ರಪ್ರದೇಶ: ತೆಲುಗು ಚಿತ್ರರಂಗದ ಸ್ಟಾರ್​ ನಟ ರಾಮ್ ಪೋತಿನೇನಿ ಮತ್ತು 'ಕಿಸ್' ಬೆಡಗಿ, ನಟಿ ಶ್ರೀಲೀಲಾ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ 'ಸ್ಕಂದ' ಚಿತ್ರದ ಟ್ರೇಲರ್​ ಬಿಡುಗಡೆ ದಿನಾಂಕದ ಬಗ್ಗೆ ಇದೀಗ ಹೊಸದೊಂದು ಮಾಹಿತಿ ಹೊರಬಿದ್ದಿದೆ.

ಇದನ್ನೂ ಓದಿ: ಮಧುಮೇಹಿಗಳು ಜೋಳ ತಿನ್ನುವುದು ಒಳ್ಳೆಯದೋ, ಕೆಟ್ಟದೋ?

ಇದೇ ಮೊದಲ ಬಾರಿಗೆ ರಾಮ್​ ಪೋತಿನೇನಿ, ಬೋಯಪತಿ ಶ್ರೀನು ಅವರೊಂದಿಗೆ ಕೈಜೋಡಿಸಿದ್ದು, ಈ ಚಿತ್ರವು ಸಿನಿಪ್ರೇಕ್ಷಕರಲ್ಲಿ ಬಿಡುಗಡೆಗೂ ಮುನ್ನವೇ ಸಾಕಷ್ಟು ಕುತೂಹಲ ಕೆರಳಿಸಿದೆ. ಈ ಹಿಂದೆಯಷ್ಟೇ ಚಿತ್ರದ ಟೀಸರ್ ರಿಲೀಸ್​ ಆಗಿ ಒಂದು ರೀತಿಯ ಸೆನ್ಸೇಷನ್ ನಿರ್ಮಾಣ ಮಾಡಿತ್ತು. ಇದೀಗ ಚಿತ್ರ ತಯಾರಕರು ಈಗಾಗಲೇ ತಿಳಿಸಿರುವಂತೆ 'ಸ್ಕಂದ' ಚಿತ್ರವು ಇದೇ ಸೆಪ್ಟೆಂಬರ್ 15 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಳ್ಳಲು ಸಜ್ಜಾಗಿದೆ.

ಈ ಮಧ್ಯೆ ಚಿತ್ರತಂಡ ಚಿತ್ರದ ಟ್ರೇಲರ್ ಅನ್ನು ಇದೇ ಆಗಸ್ಟ್​ 26 ರಂದು ಅದ್ಧೂರಿಯಾಗಿ ರಿಲೀಸ್​ ಮಾಡಲು ಮುಂದಾಗಿದೆ. ಟ್ರೇಲರ್​ ಲಾಂಚ್​ ಕಾರ್ಯಕ್ರಮಕ್ಕೆ ವಿಶೇಷ ಪ್ಲಾನ್ ಕೂಡ ಮಾಡಿಕೊಳ್ಳಲಾಗುತ್ತಿದೆ ಎಂಬ ಸುದ್ದಿ ಸದ್ಯ ಟಾಲಿವುಡ್​ ಅಂಗಳದಲ್ಲಿ ಹರಿದಾಡುತ್ತಿದೆ. ಚಿತ್ರಕ್ಕೆ ಖ್ಯಾತ ಸಂಗೀತ ನಿರ್ದೇಶಕ ಥಮನ್ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಇದನ್ನೂ ಓದಿ: ‘ಭೆಂಡಿಗೇರಿ’ ಅಲ್ಲ ‘ಬೆಳಕಿನ’ಕೇರಿ, ಮೃತ್ಯುಂಜಯ ಶ್ರೀಗಳು ಬಣ್ಣನೆ, ಜನಜಾಗೃತಿ ಪಾದಯಾತ್ರೆ- ರುದ್ರಾಕ್ಷಿ ಧಾರಣೆ

ಈಗಾಗಲೇ ರಿಲೀಸ್​ ಆಗಿರುವ ಸಿನಿಮಾದ ಎರಡು ಹಾಡುಗಳು ಕೂಡ ಸಾಮಾಜಿಕ ಜಾಲತಾಣದಲ್ಲಿ ಸೂಪರ್​ ಹಿಟ್​ ಆಗಿವೆ. ಸದ್ಯ ಟ್ರೇಲರ್​ ಹೇಗಿರಲಿದೆ ಎಂಬ ನಿರೀಕ್ಷೆಗಳು ಇದೀಗ ಹೆಚ್ಚಿದೆ,(ಏಜೆನ್ಸೀಸ್).

https://www.vijayavani.net/nag-panchami-2023-devotees-are-offering-pooja-in-subramanya-kshetra