ಮೇ 22 ರಂದು ಗುವಾಹಟಿಯಲ್ಲಿ ನಡೆದ ಮದುವೆಯಲ್ಲಿ ವಧು-ವರರು ತಮ್ಮ ಮದುವೆ ಉಡುಗೆಗೆ ಹೊಂದುವಂಥದ್ದೇ ಕೈಮಗ್ಗದ ರೇಷ್ಮೆ ಮಾಸ್ಕ್ ಧರಿಸಿ ಎಲ್ಲರ ಗಮನ ಸೆಳೆದಿದ್ದಾರೆ. ಮಾಸ್ಕ್ ಧರಿಸುವುದು ಸುರಕ್ಷತೆ ಎಂಬ ಸಂದೇಶ ನೀಡುವುದರ ಜತೆಗೆ ಸಂದರ್ಭಕ್ಕೆ ತಕ್ಕಂತೆ ಆಡಂಬರದ ಪೋಷಾಕಿನೊಂದಿಗೆ ಅದೇ ರೀತಿಯ ವಿಶಿಷ್ಟ ಹಾಗೂ ಅನನ್ಯ, ನವೀನ ಶೈಲಿಯ ಮಾಸ್ಕ್ನ್ನೂ ಧರಿಸಬಹುದು ಎಂಬುದನ್ನೂ ತೋರಿಸಿದ್ದಾರೆ. ಜತೆಗೆ, ಮಾಸ್ಕ್ ಮದುವೆಯ ವಿಶೇಷ ಅಲಂಕಾರಿಕ ವಸ್ತುಗಳಲ್ಲಿ ಒಂದಾಗಲಿದೆ ಎಂಬ ಸಂದೇಶ ಸಾರುವಂತಿದೆ ಈ ವಿಡಿಯೋ. ಈ ವಿವಾಹ ಮಹೋತ್ಸವದ ಹಲವು ಚಿತ್ರಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಇದರಲ್ಲಿ ವಧು ವರರು ಕೈಮಗ್ಗದ ರೇಷ್ಮೆ ಮುಖದ ಮುಖವಾಡಗಳನ್ನು ಧರಿಸಿರುವುದು ಆಕರ್ಷಣೀಯವಾಗಿದೆ.
