ತೀರ್ಥಗಳು ನದಿಗಳು ಅಥವಾ ಅನೇಕ ವಿಧವಾದ ಶಿಲಾಮಯವಾದ ಮಣ್ಣಿನ ಪ್ರತಿಮೆಗಳು ಜಡ. ಇವುಗಳಿಂದ ನೇರವಾಗಿ ನಮ್ಮ ಉದ್ಧಾರ ಆಗುವುದಿಲ್ಲ. ಆದರೆ ಸಜ್ಜನರ ಸಮಾಗಮ ಆದರೆ ಅವರ ದರ್ಶನ, ಜ್ಞಾನೋಪದೇಶದಿಂದ ಅತಿಶೀಘ್ರದಲಿಯೇ ಉದ್ಧಾರ. ಅಂತಹ ಸಜ್ಜನರ ಸಾಲಿಗೆ ಸೇರಿದವನು ನೀನೂ ಒಬ್ಬ ಎಂದು ಅಕ್ರೂರನಿಗೆ ಶ್ರೀಕೃಷ್ಣ ಹೇಳುತ್ತಾನೆ. ಮತ್ತೆ ಕೇಳುತ್ತಾನೆ: ಪಾಂಡವರ ಜೊತೆಗೆ ಧೃತರಾಷ್ಟ್ರ ಹೇಗೆ ವ್ಯವಹರಿಸುತ್ತಾನೆ? ಪಾಂಡುರಾಜನನ್ನು ಕಳೆದುಕೊಂಡು ಅನಾಥರಾದ ಆ ಪಾಂಡವರನ್ನು ಸರಿಯಾಗಿ ನೆೋಡುತ್ತಿದ್ದಾನೋ ಅಥವಾ ತನ್ನ ಮಕ್ಕಳ ಮೇಲೆ ವಿಶೇಷ ಪ್ರೀತಿಯನ್ನು ತೋರಿ ಇವರಿಗೆ ಏನಾದರೂ ತೊಂದರೆ ಕೊಡುತ್ತಿದ್ದಾನೋ ನೋಡಿಕೊಂಡು ಬಾ ಎಂದು ಕಳುಹಿಸಿದ್ದಾನೆ. ಅದನ್ನು ನೋಡುವುದಕ್ಕೆ ಬಂದ ಉದ್ಧವ ಧೃತರಾಷ್ಟ್ರನಿಗೆ ಬೇಕಾದಷ್ಟು ಉಪದೇಶವನ್ನು ಮಾಡುತ್ತಾನೆ.
