ಹನ್ನೆರಡನೇ ಶತಮಾನದಲ್ಲಿ ಕನ್ನಡನಾಡನ್ನು ಪಾವನಗೊಳಿಸಿದ ಶಿವಶರಣರಲ್ಲಿ ಸೊನ್ನಲಾಪುರದ ಸಿದ್ದರಾಮ ಶಿವಯೋಗಿಗಳು ಅಗ್ರಗಣ್ಯರು. ಭಕ್ತಿ, ಜ್ಞಾನ, ವೈರಾಗ್ಯಮೂರ್ತಿಯಾಗಿ ಕಾಯಕಯೋಗಿಯಾಗಿ ಶರಣ ಸಂಕುಲದಲ್ಲಿ ಬೆಳಗಿ ಕಾರಣಿಕ ಮಹಾ ಪುರುಷರಾಗಿ ಬಾಳಿದವರು. ಯೋಗ ಸಾಧನೆಯಲ್ಲಿ ಮಹತ್ತನ್ನು ಸಾಧಿಸಿದವರು ಎಂಬಿತ್ಯಾದಿ ಸಂಗತಿಗಳು ಅನೇಕ ಸಾಹಿತ್ಯ ಕೃತಿಗಳಲ್ಲಿ ದೊರೆಯುತ್ತವೆ. ಅವುಗಳಲ್ಲಿ ರಾವಾಂಕ ಕವಿಯ "ಸಿದ್ದರಾಮ ಚರಿತ' ಮತ್ತು ಹರಿಹರನ "ರೇವಣ್ಣಸಿದ್ದೇಶ್ವರರಗಳೆ', ಪ್ರಭುದೇವರ ರಗಳೆ, ಭೀಮಕವಿಯ "ಬಸವ ಪುರಾಣ', ಚಾಮರಸನ "ಪ್ರಭುಲಿಂಗಲೀಲೆ' ಮತ್ತು "ಶೂನ್ಯ ಸಂಪಾದನೆ' ಹಾಗೂ "ಸಾನಂದ ಚರಿತೆ' ಇತ್ಯಾದಿ ಶರಣಸಾಹಿತ್ಯದಲ್ಲಿ ವಿುಲವಾಗಿ ಕಂಡು ಬರುತ್ತವೆ.
