ಸಂಜೆ 7.30 ಕ್ಕೆ ಬಂಡಿ ಅಮ್ಮನವರ ದೇವಸ್ಥಾನದಲ್ಲಿ ಶ್ರೀ ಬಂಡಿ ಅಮ್ಮನವರಿಗೆ ಅಲಂಕಾರ, ಪೂಜೆ ಸಲ್ಲಿಸುವ ಮೂಲಕ ಉತ್ಸವಕ್ಕೆ ಚಾಲನೆ ನೀಡಲಾಯಿತು. ನಂತರ ದೇವಿಗೆ ವಿವಿಧ ಪೂಜಾ ಕೈಂಕರ್ಯಗಳನ್ನು ನೆರವೇರಿಸಲಾಯಿತು. ಮುಂಜಾನೆ 4 ಗಂಟೆಗೆ ಗ್ರಾಮದಲ್ಲಿ ನೂತನವಾಗಿ ವಿವಾಹವಾದ ದಂಪತಿಯನ್ನು ಬಂಡಿಯಲ್ಲಿ ಕೂರಿಸಿದ ಗ್ರಾಮಸ್ಥರು ಬಂಡಿಯನ್ನು ದೇವಸ್ಥಾನದವರೆಗೆ ಎಳೆದುಕೊಂಡು ಬಂದು ಮೂರು ಪ್ರದಕ್ಷಣೆ ಹಾಕಿದರು. ನಂತರ ದೇವಸ್ಥಾನದಲ್ಲಿ ದೇವಿಗೆ ಎಡೆ ಪೂಜೆ ಸಮರ್ಪಿಸಲಾಯಿತು. ಬೆಳಗ್ಗೆ 7.30 ಕ್ಕೆ ದೇವಿಗೆ ಭಕ್ತರಿಂದ ಹಣ್ಣು ಕಾಯಿ ಪೂಜೆ ಮತ್ತು ಅರ್ಚಕರಿಂದ ದೇವಿಗೆ ಮಹಾಮಂಗಳಾರತಿ ಪೂಜೆ, ತೀರ್ಥ ಪ್ರಸಾದ ವಿನಿಯೋಗದೊಂದಿಗೆ ಶ್ರೀ ಬಂಡಿ ಅಮ್ಮನವರ ವಾರ್ಷಿಕ ಪೂಜಾ ಮಹೋತ್ಸವ ಸಂಪನ್ನಗೊಂಡಿತು.
