ಕೆಫೆ ಮೇಲೆ ಗುಂಡಿನ ದಾಳಿ; ಮುಂಬೈ ಪೊಲೀಸರಿಂದ 'ಕಪಿಲ್ ಶರ್ಮಾ'ಗೆ ಭದ್ರತಾ ರಕ್ಷಣೆ| Kapil Sharma

Mumbai : ಇತ್ತೀಚೆಗಷ್ಟೇ ಕೆನಡಾದಲ್ಲಿರುವ ಸರ್ರೆಯಲ್ಲಿ ಹೊಸದಾಗಿ ತೆರೆಯಲಾದ ಬಾಲಿವುಡ್​ನ ಹಾಸ್ಯನಟ ಕಪಿಲ್ ಶರ್ಮಾ ಒಡೆತನದ ಕೆಫೆಯ ಮೇಲೆ ಖಲಿಸ್ತಾನಿ ಉಗ್ರರು ಗುಂಡಿನ ದಾಳಿ ನಡೆಸಿದ್ದರು. ಕೆಫೆ ಉದ್ಘಾಟನೆಯಾದ ಕೆಲವೇ ದಿನಗಳಲ್ಲಿ ಈ ದಾಳಿ ಸಂಭವಿಸಿತ್ತು. ನಂತರ ಆ.7, ಗುರುವಾರ ಮತ್ತೆ ದಾಳಿ ಮಾಡಲಾಗಿತ್ತು. ಕೆನಡಾದ ಕೆಫೆಯಲ್ಲಿ ಕಳೆದ ಒಂದು ತಿಂಗಳೊಳಗೆ ಎರಡು ಗುಂಡಿನ ದಾಳಿ ಘಟನೆಗಳು ಸಂಭವಿಸಿದ್ದವು. ಈ ಘಟನೆ ನಡೆದ ನಂತರ ಮುಂಬೈ ಪೊಲೀಸರು ಹಾಸ್ಯನಟ ಕಪಿಲ್ ಶರ್ಮಾ ಅವರಿಗೆ ಭದ್ರತೆ ಒದಗಿಸಿದ್ದಾರೆ.

ಇದನ್ನೂ ಓದಿ: 2025ನೇ ಹಣಕಾಸು ವರ್ಷದಲ್ಲಿ ಕರ್ನಾಟಕದ 'ಜಿಎಸ್‌ಟಿ' ತೆರಿಗೆ ವಂಚನೆ 5 ಪಟ್ಟು ಹೆಚ್ಚಳ; nirmala sitharaman

ಕಪಿಲ್ ಶರ್ಮಾಗೆ ಬೆದರಿಕೆ?

ಮೊದಲ ದಾಳಿಗೆ ಅಂದು ‘ದಿ ಕಪಿಲ್ ಶರ್ಮ ಶೋ’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ವ್ಯಕ್ತಿಯೊಬ್ಬರು ನೀಡಿದ್ದ ಆ ಒಂದು ಹೇಳಿಕೆಯೇ ಕಾರಣ. ಕಪಿಲ್ ಶರ್ಮಾ ಶೋನಲ್ಲಿ ಭಾಗವಹಿಸಿದ್ದ ವ್ಯಕ್ತಿಯೊಬ್ಬರು ನಿಹಾಂಗ್ ಸಿಖ್ಖರ ಸಾಂಪ್ರದಾಯಿಕ ವೇಷಭೂಷಣ ಮತ್ತು ನಡವಳಿಕೆಯ ಬಗ್ಗೆ ವ್ಯಂಗ್ಯವಾಡಿದ್ದರು. ಇದು ಸಮುದಾಯದ ಭಾವನೆಗಳಿಗೆ ನೋವುಂಟು ಮಾಡಿದೆ ಎಂದು ನಿಷೇಧಿತ ಭಯೋತ್ಪಾದಕ ಸಂಘಟನೆ ಬಬ್ಬರ್ ಖಾಲ್ಸಾ ಇಂಟರ್ನ್ಯಾಷನಲ್ (ಬಿಕೆಐ) ಜೊತೆ ನಂಟು ಹೊಂದಿರುವ ಹರ್ಜಿತ್ ಸಿಂಗ್ ಲಡ್ಡಿ ಹೇಳಿದ್ದನು. ಮೊದಲ ಗುಂಡಿನ ದಾಳಿಯ ಬಳಿಕ ಅಪರಾಧ ಶಾಖೆಯು ಕಪಿಲ್ ಶರ್ಮಾ ಅವರನ್ನು ಯಾವುದೇ ಗ್ಯಾಂಗ್‌ನಿಂದ ಅವರಿಗೆ ಯಾವುದೇ ಬೆದರಿಕೆ ಅಥವಾ ಬೇರೆ ಕರೆಗಳು ಬಂದಿವೆಯೇ ಎಂದು ಖಚಿತಪಡಿಸಿಕೊಳ್ಳಲು ಪ್ರಶ್ನಿಸಿತ್ತು. ಕಪಿಲ್ ಶರ್ಮಾ ಅವರಿಗೆ ಅಂತಹ ಯಾವುದೇ ಬೆದರಿಕೆಗಳು ಬಂದಿಲ್ಲ ಎಂದು ಪ್ರತಿಕ್ರಿಯಿಸಿದರು.

ಇದನ್ನೂ ಓದಿ: ಸೆ.1 ರಿಂದ ದೆಹಲಿ-ವಾಷಿಂಗ್ಟನ್ ಮಾರ್ಗದ ವಿಮಾನ ಸೇವೆ ಸ್ಥಗಿತ; ಏರ್ ಇಂಡಿಯಾ| Airplane

ಎರಡನೇ ಘಟನೆಯ ನಂತರ ಕ್ರೈಂ ಬ್ರಾಂಚ್ ಕಪಿಲ್ ಶರ್ಮಾ ಅವರನ್ನು ಮತ್ತೆ ಪ್ರಶ್ನಿಸಿದೆ. ಸಾಮಾಜಿಕ ಮಾಧ್ಯಮ ಮಾಡಲಾದ ಪೋಸ್ಟ್ ಬಗ್ಗೆ ವಿಚಾರಿಸಿದ್ದು, ಹೆಚ್ಚುವರಿಯಾಗಿ ಈ ಗ್ಯಾಂಗ್‌ನೊಂದಿಗೆ ಸಂಬಂಧ ಹೊಂದಿರುವ ವ್ಯಕ್ತಿಗಳು ಕಪಿಲ್ ಶರ್ಮಾ ಅವರ ಮನೆ ಅಥವಾ ಶೂಟಿಂಗ್ ಸೆಟ್ ಸುತ್ತಲೂ ಎಂದಾದರೂ ಬಂದಿದ್ದರೇ ಎಂದು ನಿರ್ಧರಿಸಲು ಕ್ರೈಂ ಬ್ರಾಂಚ್ ತನಿಖೆಯನ್ನು ಪ್ರಾರಂಭಿಸಿದೆ.

ದಾಳಿ ಮಾಡಿದವರು ಯಾರು?

(ಏಜೆನ್ಸೀಸ್)

ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ನ ಗೋಲ್ಡಿ ಧಿಲ್ಲನ್, ಹಾಸ್ಯನಟ ಕಪಿಲ್ ಶರ್ಮಾ ಅವರ ಕೆಫೆಯಲ್ಲಿ ನಡೆದ ಗುಂಡಿನ ದಾಳಿಯ ಹೊಣೆಯನ್ನು ಹೊತ್ತುಕೊಂಡಿದ್ದಾರೆ ಎನ್ನಲಾಗಿದೆ. ಕಪಿಲ್ ಶರ್ಮಾ ಅವರ ಕೆಫೆಯಲ್ಲಿ ನಡೆದ ದಾಳಿಯ ಹಿಂದೆ ಧಿಲ್ಲನ್ ಗ್ಯಾಂಗ್‌ನ ಪಾತ್ರವನ್ನು ಒಪ್ಪಿಕೊಂಡಿರುವ ಮತ್ತು ಹಾಸ್ಯನಟನಿಗೆ ಕಠಿಣ ಎಚ್ಚರಿಕೆಯನ್ನು ಕಳುಹಿಸಿರುವ ಫೇಸ್‌ಬುಕ್ ಪೋಸ್ಟ್ ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡಿತ್ತು.

https://www.vijayavani.net/protest-against-election-commission-akhilesh-yadav-jumps-over-police-barricade-opposition-march