'ಶೋಲೆ' ನಟ ಬೀರ್​​​ಬಲ್ ಖೋಸ್ಲಾ ನಿಧನ, ಕಂಬನಿ ಮಿಡಿದ ಸಿನಿ ತಾರೆಯರು

ಮುಂಬೈ: ಬಾಲಿವುಡ್​​​ನ ಖ್ಯಾತ ನಟ ಬೀರ್​​​ಬಲ್ ಖೋಸ್ಲಾ (84) ನಿಧನರಾಗಿದ್ದಾರೆ. ಅನೇಕ ಆರೋಗ್ಯ ಸಂಬಂಧಿ ಸಮಸ್ಯೆಗಳಿಂದ ಬಳಲುತ್ತಿದ್ದ ಖೋಸ್ಲಾ ಸೆ. 12 ರಂದು ಸಂಜೆ 5.30 ಕ್ಕೆ ಕೊನೆಯುಸಿರೆಳೆದರು. ಈ ದುಃಖದ ಸುದ್ದಿ ಕೇಳಿ ಮನರಂಜನಾ ಕ್ಷೇತ್ರದ ಅನೇಕ ಗಣ್ಯರು ಕಂಬನಿ ಮಿಡಿದಿದ್ದಾರೆ. ಖೋಸ್ಲಾ ಅವರ ಮಗ ವಿದೇಶದಲ್ಲಿ ಕೆಲಸ ಮಾಡುತ್ತಿದ್ದು, ಅವರ ಬರುವಿಕೆಗಾಗಿ ಮನೆಯವರು ಕಾಯುತ್ತಿದ್ದಾರೆ. ಮಾಹಿತಿ ಪ್ರಕಾರ, ಸೆ. 13 ರಂದು ಅವರ ಅಂತ್ಯಕ್ರಿಯೆ ನಡೆಯಲಿದೆ.

ಬೀರಬಲ್ ಖೋಸ್ಲಾ ನಿಜವಾದ ಹೆಸರು ಸತೀಂದರ್‌ ಕುಮಾರ್ ಖೋಸ್ಲಾ. ಅವರು 1967 ರಲ್ಲಿ 'ಉಪ್ಪಾರ್' ಚಿತ್ರದ ಮೂಲಕ ತಮ್ಮ ನಟನಾ ವೃತ್ತಿಯನ್ನು ಪ್ರಾರಂಭಿಸಿದರು. ಅವರು ಹಿಂದಿ ಮಾತ್ರವಲ್ಲದೆ ಭೋಜ್‌ಪುರಿ, ಮರಾಠಿ ಮತ್ತು ಪಂಜಾಬಿ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ.
ಬೀರ್​​​ಬಲ್ ಖೋಸ್ಲಾ ಹಾಸ್ಯ ನಟರಾಗಿದ್ದರು, ತಮ್ಮ ಪಾತ್ರಗಳಿಂದ ಎಲ್ಲರನ್ನೂ ರಂಜಿಸಿದರು. ಬಹಳ ದಿನಗಳಿಂದ ವಯೋಸಹಜ ಕಾಯಿಲೆಗಳಿಂದ ಬಳಲುತ್ತಿದ್ದ ಅವರನ್ನು ಮುಂಬೈನ ಭಾರತೀಯ ಆರೋಗ್ಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ವಯೋಸಹಜ ಅನಾರೋಗ್ಯದ ಹೊರತಾಗಿ, ಬೀರ್​​​ಬಲ್ ಅವರ ಮೊಣಕಾಲುಗಳಲ್ಲಿ ತೊಂದರೆಯಿತ್ತು. ಇದರಿಂದಾಗಿ ಅವರು ನಡೆಯಲು ಸಹ ಸಾಧ್ಯವಾಗುತ್ತಿರಲಿಲ್ಲ.

ಬೀರಬಲ್ ಹೆಂಡತಿ ಮತ್ತು ಒಬ್ಬ ಮಗನನ್ನು ಅಗಲಿದ್ದು, ಅವರ ಪತ್ನಿ ಅಂದೇರಿಯ ಬಂಗಲೆಯಲ್ಲಿ ವಾಸಿಸುತ್ತಿದ್ದಾರೆ ಮತ್ತು ಅವರ ಮಗ ಸಿಂಗಾಪುರದಲ್ಲಿ ಕೆಲಸ ಮಾಡುತ್ತಿದ್ದಾರೆ.

ಬೀರಬಲ್ 500 ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದರೂ, ಹೆಚ್ಚು ಮೆಚ್ಚುಗೆ ಪಡೆದ ಚಿತ್ರಗಳೆಂದರೆ 'ಶೋಲೆ', 'ಮೇರಾ ಗಾಂವ್‌ ಮೇರಾ ದೇಶ್', 'ತಪಸ್ಯಾ', 'ಸದ್ಮಾ', 'ದಿಲ್', 'ಫಿ‌ ಕಭಿ'.' 'ರಾಸ್ತೇ ಕಾ ಪತ್ತ‌', 'ಅಮೀರ್ ಗರೀಬ್, 'ಸನ್ ಮೇರಿ ಲೈಲಾ', 'ಅನಿತಾ', 'ಇನ್ಸಾನ್', 'ಏಕ್ ಮಹಲ್ ಕಾ ನಪ್ಪಾ ಹೋ', 'ಮೊಹಬ್ಬತ್ ಕಿ ಅರ್ಜೂ'.

https://www.vijayavani.net/nipah-virus-how-kerala-government-is-preparing