Ganesha on airplane window: ಭಾರತೀಯ ಕಲಾವಿದೆಯೊಬ್ಬರು ವಿಮಾನದಲ್ಲಿ ಕುಳಿತು ಗಣೇಶನ ಚಿತ್ರ ಬಿಡಿಸುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ವಿಡಿಯೋ ಬೆನ್ನಲ್ಲೇ ನೆಟ್ಟಿಗರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ವಿಡಿಯೋದಲ್ಲಿ ಕಲಾವಿದೆ ಮಿತಾಲಿ ಸಲುಂಕೆ ವಿಮಾನದ ಕಿಟಕಿ ಬಳಿ ಕುಳಿತು ಮೊದಲು ಗಣೇಶನ ಚಿತ್ರ ಬಿಡಿಸಿ, ನಂತರ ಅದಕ್ಕೆ ಬಣ್ಣ ತುಂಬುವುದನ್ನು ಕಾಣಬಹುದು. ಇದನ್ನು ನೋಡಿದ ಹಲವರು ವಿಮಾನದ ಕಿಟಕಿ ಮೇಲೆಯೇ ಚಿತ್ರ ಬಿಡಿಸಿದ್ದಾರೆ ಎಂದುಕೊಂಡಿದ್ದರು.
ಸೋಶಿಯಲ್ ಮೀಡಿಯಾದಲ್ಲಿ ಆಕ್ಷೇಪ
ವಿಡಿಯೋ ವೈರಲ್ ಆಗುತ್ತಿದ್ದಂತೆ ಕೆಲವರು ಮಿತಾಲಿ ಸಲುಂಕೆ ಅವರನ್ನು ಟೀಕಿಸಿದ್ದಾರೆ. ವಿಮಾನದ ಕಿಟಕಿ ಮೇಲೆಯೇ ಚಿತ್ರ ಬಿಡಿಸಿದ್ದಾರಾ, ಇದರಿಂದ ವಿಮಾನದ ಆಸ್ತಿಗೆ ಹಾನಿಯಾಗಿದೆಯಾ ಹಾಗೂ ಸುರಕ್ಷತಾ ನಿಯಮ ಉಲ್ಲಂಘನೆಯಾಗಿದೆಯಾ ಎಂದು ಪ್ರಶ್ನಿಸಿದ್ದಾರೆ. ಕಿಟಕಿಗೆ ಯಾವುದೇ ವಸ್ತು ಅಂಟಿಸುವುದರಿಂದ ಸುರಕ್ಷತೆಗೆ ತೊಂದರೆ ಎಂದೂ ಕೆಲವರು ಆತಂಕ ವ್ಯಕ್ತಪಡಿಸಿದ್ದಾರೆ.
