‘‘ನಾನು 1985ರಲ್ಲಿ ಕಾಂಗ್ರೆಸ್ (ಓ) ಪಕ್ಷದಿಂದ ಶಾಸಕನಾಗಿ ಚುನಾಯಿತನಾಗಿದ್ದೆ. ನನಗೀಗ 83 ವರ್ಷ ವಯಸ್ಸು. ಈಗಿರುವಷ್ಟು ಚುನಾವಣೆ ಭರಾಟೆ ಆಗ ಇರಲಿಲ್ಲ. ಮೆರಿಟ್ ಆಧಾರದಲ್ಲಿ ಅಂದು ಚುನಾವಣೆಗಳು ನಡೆಯುತ್ತಿದ್ದವು. ಮೆರಿಟ್ ಅಂದರೆ ಅಭಿವೃದ್ಧಿ ಕಾರ್ಯದ ಮೇಲೆ ಜನರೇ ನಮ್ಮನ್ನು ಆರಿಸುತ್ತಿದ್ದರು. 1985ರಲ್ಲಿ ಕಾಂಗ್ರೆಸ್ (ಓ) ಪಕ್ಷದ ರಾಜ್ಯಾಧ್ಯಕ್ಷರಾಗಿದ್ದ ಎಚ್.ಡಿ. ದೇವೇಗೌಡರು ನಾನು ಟಿಕೆಟ್ ಬಯಸದಿದ್ದರೂ ನನಗೆ ಪಕ್ಷದ ಬಿ-ಫಾರ್ಮ್ ನೀಡಿದರು. ನನ್ನೊಂದಿಗೆ ಲೀಲಾದೇವಿ ಆರ್. ಪ್ರಸಾದ್, ದೇವಿರೆಡ್ಡಿ ಸೇರಿ ನಾಲ್ವರಿಗೆ ಒತ್ತಾಯದಿಂದ ಟಿಕೆಟ್ ಕೊಟ್ಟಿದ್ದರು. ಅಂಬಾಸಿಡರ್ ಕಾರಿನಲ್ಲಿ ಹಳ್ಳಿ ಹಳ್ಳಿಗೆ ಹೋಗಿ ಪ್ರಚಾರ ಮಾಡುತ್ತಿದ್ದೆವು. ಹಣ, ಹೆಂಡ ಹಂಚುವುದು ಗೊತ್ತೇ ಇರಲಿಲ್ಲ. ಪ್ರಚಾರಕ್ಕೆ ಹೋದಾಗ ಊರಿನ ಹಿರಿಯರೇ ನಮಗೆ ಚಹಾ, ಚುರುಮುರಿ, ಊಟ ಕೊಡುತ್ತಿದ್ದರು.
