'ಕೆಟ್ಟದಾಗಿ ಹೇರ್ ಕಟ್ ಮಾಡಿಸಿಕೊಂಡು, ವಿಚಿತ್ರವಾಗಿ ಶಾಲೆಗೆ ಬರುವ ವಿದ್ಯಾರ್ಥಿಗಳ ತಲೆ ಬೋಳಿಸಿ' ಎಂದು ತಮಿಳುನಾಡಿನ ಸಚಿವೆ ಜಗದೀಶ್ವರಿ ಅವರು ಕೊಟ್ಟಿರುವ ಹೇಳಿಕೆ ವಿವಾದಕ್ಕೆ ಕಾರಣವಾಗಿದೆ.
ತಮಿಳುನಾಡಿನ ವಿರುಧನಗರ ಜಿಲ್ಲೆಯ ಕರಿಯಾಪಟ್ಟಿ ಬಳಿಯ ಆಯನ್ ರೆಡ್ಡಿಪಟ್ಟಿ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ನಡೆದ ಗೋಡೆಗೆ ಶಂಕು ಸ್ಥಾಪನೆಯ ಸಮಾರಂಭದಲ್ಲಿ ಮಾತನಾಡಿದ ಅವರು, ಶಾಲಾ ಮಕ್ಕಳ ವಿಚಿತ್ರ ಹೇರ್ಕಟ್ ಬಗ್ಗಡ ಈ ರೀತಿಯ ಹೇಳಿಕೆಯನ್ನು ಅವರು ಕೊಟ್ಟಿದ್ದಾರೆ.
ತಲೆ ಬೋಳಿಸಿ
ಸಚಿವೆ ಜಗದೀಶ್ವರಿ ಮಾತನಾಡಿ, ಶಾಲಾ ಮಕ್ಕಳು ವಿಚಿತ್ರವಾಗಿ ಹೇರ್ ಕಟ್ ಮಾಡಿಸಿಕೊಂಡು ಬಂದರೆ..ನೋಡಿ ಒಳ್ಳೆ ರೌಡಿಗಳಂತೆ ಕಾಣುತ್ತಾರೆ. ಸೂಕ್ತವಲ್ಲದ ಹೇರ್ ಕಟ್ ಮಾಡಿಸಿಕೊಂಡು ಶಾಲೆಗೆ ಬಂದರೆ ಅವರ ತಲೆ ಬೋಳಿಸಿ. ಇದರಲ್ಲಿ ಯಾವುದೇ ತಪ್ಪಿಲ್ಲ. ಅವರನ್ನು ನನ್ನ ಸ್ವಂತ ಮಕ್ಕಳೆಂದು ತಿಳಿದು ನಾನು ಈ ಮಾತನ್ನು ಹೇಳುತ್ತಿದ್ದೇನೆ ಎಂದು ವಿವಾದಾತ್ಮಕ ಹೇಳಿಕೆ ಕೊಟ್ಟರು.
