ನಂತರ ಆಶೀರ್ವಚನ ನೀಡಿದ ಶ್ರೀಗಳು, ಭಕ್ತರ ಅಚಲ ಭಕ್ತಿಯಿಂದ ಸಹಸ್ರನಾಮ, ಕುಂಕುಮಾರ್ಚನೆ ಮಾಡಿರುವುದರಿಂದ ಸಾಮರಸ್ಯದ ಜೀವನ ನಿರ್ವಹಣೆಗೆ ಪೂರಕವಾಗಿರುತ್ತದೆ. ಮಾನವನ ಜೀವನ ಲೋಕದ ಎಲ್ಲ ಜೀವಿಗಳ ಬದುಕಿಗಿಂತ ಶ್ರೇಷ್ಠವೆಂದು ಪೂರ್ವಾಚಾರ್ಯರು ಹೇಳಿದ್ದಾರೆ. ಅಂತೆಯೇ ವಿದ್ಯೆ, ಬುದ್ಧಿ ಮತ್ತು ವಿವೇಕವಂತನಾಗಿ ತನ್ನ ಬದುಕನ್ನು ನಿರ್ಮಿಸಿಕೊಳ್ಳುವ ಗುರಿ ಮನುಷ್ಯರದ್ದಾಗಿರುತ್ತದೆ. ಈ ಪ್ರಯತ್ನದ ಸಾಫಲ್ಯಕ್ಕೆ ಹಣ, ಸಂಪತ್ತನ್ನು ಆಪೇಕ್ಷಿಸುತ್ತಾನೆ. ದಾನ ಧರ್ಮದ ಮೂಲಕ ಧರ್ಮ ಕಾರ್ಯಗಳಲ್ಲಿ ಸಂಪತ್ತನ್ನು ವಿನಿಯೋಗಿಸಿ ಪುಣ್ಯವನ್ನು ಪಡೆಯಿರಿ ಎಂದರು.
ಮಂತ್ರಾಕ್ಷತೆ ನೀಡಿ ಭಕ್ತರನ್ನು ಹರಸಿದರು. ಪದ್ಮಾವತಿ ದೇವಿಯನ್ನು ಪುಷ್ಪ-ಫಲ, ಸುವರ್ಣ, ರಜತ ಆಭರಣಗಳಿಂದ ಶೋಭಾಯಮಾನವಾಗಿ ಅಲಂಕರಿಸಲಾಗಿತ್ತು. ಶ್ರೀ1 05 ಶಿವಮತಿ ಮಾತಾಜಿ ಪೂಜಾ ವಿಧಿಗಳಲ್ಲಿ ಪಾಲ್ಗೊಂಡಿದ್ದರು.
