ದಾಖಲೆ ನಿರ್ಮಿಸಿದ ಕಿಂಗ್ ಖಾನ್! 2023ರಲ್ಲಿ 'ಪಠಾಣ್', 'ಜವಾನ್', 'ಡಂಕಿ' ವೀಕ್ಷಿಸಿದ್ದು ಎಷ್ಟು ಕೋಟಿ ಜನ ಗೊತ್ತೇ? ಇಲ್ಲಿದೆ ವಿವರ

ಮುಂಬೈ: ಕಳೆದ ವರ್ಷ ಬಾಲಿವುಡ್​ಗೆ ಅದ್ದೂರಿ ವರ್ಷವೇ ಆಗಿತ್ತು ಎಂಬುದಕ್ಕೆ ಬಾಕ್ಸ್ ಆಫೀಸ್​ನಲ್ಲಿ ಅಬ್ಬರಿಸಿದ ಸ್ಟಾರ್​ ನಟರ ಸಿನಿಮಾಗಳೇ ಸಾಕ್ಷಿ. ಈ ಪೈಕಿ ಕಿಂಗ್ ಖಾನ್​, ನಟ ಶಾರುಖ್​ ಖಾನ್​ ಅಭಿನಯದ ಮೂರು ಚಿತ್ರಗಳು ಬ್ಲಾಕ್​ಬಸ್ಟರ್​ ಹಿಟ್ ಆಗುವ ಮೂಲಕ ಗಲ್ಲಾಪೆಟ್ಟಿಗೆಯಲ್ಲಿ ಅಬ್ಬರಿಸುವುದರ ಜತೆಗೆ ಹೆಚ್ಚಿನ ವೀಕ್ಷಣೆಗೆ ಕಾರಣವಾಯಿತು. ಇದೀಗ ಈ ಸಿನಿಮಾಗಳನ್ನು ವೀಕ್ಷಿಸಿದವರ ಸಂಖ್ಯೆ ರಿವೀಲ್ ಆಗಿದ್ದು, ಎಷ್ಟು ಕೋಟಿ ಜನ ಎಂಬುದನ್ನು ಕೇಳಿದ್ರೆ ಖಂಡಿತ ನೀವು ಅಚ್ಚರಿಗೊಳ್ತೀರಿ.

ಇದನ್ನೂ ಓದಿ: ಮಕ್ಕಳು ನಮ್ಮ ಸಂಸ್ಕೃತಿ, ಆಚಾರ ವಿಚಾರ ತಿಳಿದುಕೊಳ್ಳಲಿ

ಕಿಂಗ್ ಈಸ್ ಆಲ್ ವೆಸ್ ಕಿಂಗ್ ಹೀಗಂತ ನಾವ್ ಹೇಳ್ತಿಲ್ಲ. ಬಾಲಿವುಡ್ ಬಾದ್ ಷಾ ಶಾರುಖ್ ಖಾನ್ ಅಭಿಮಾನಿಗಳು ಹೆಮ್ಮೆಯಿಂದ ಸಾರುತ್ತಿದ್ದಾರೆ. ಅದಕ್ಕೆ ಕಾರಣ ಶಾರುಖ್​ ಅಭಿನಯದ ಚಿತ್ರಗಳು ಮತ್ತೊಂದು ದಾಖಲೆಗೆ ಸೇರ್ಪಡೆಯಾಗಿದೆ. 2023ರಲ್ಲಿ ಬಾಕ್ಸ್​ ಆಫೀಸ್ ಧೂಳಿಪಟ ಮಾಡಿದ 'ಡಂಕಿ', 'ಜವಾನ್' ಹಾಗೂ 'ಪಠಾಣ್' ಸಿನಿಮಾಗಳ ಮೂಲಕ ಒಂದೇ ವರ್ಷದಲ್ಲಿ ಹ್ಯಾಟ್ರಿಕ್ ಹಿಟ್ ಬಾರಿಸಿದ ರೆಕಾರ್ಡ್ ಇದೀಗ ಶಾರುಖ್​ ಪಾಲಾಗಿದೆ.

ಕೇವಲ ಕಲೆಕ್ಷನ್ ಅಷ್ಟೇ ಅಲ್ಲ! ಈ ಮೂರು ಚಿತ್ರಗಳನ್ನು ವೀಕ್ಷಿಸಿದ್ದು, ಬರೋಬ್ಬರಿ ಎಂಟು ಕೋಟಿ ಪ್ರೇಕ್ಷಕರು ಎಂಬುದು ಸದ್ಯ ಅಚ್ಚರಿಯ ಸಂಗತಿಯಾಗಿದೆ. ಒಂದು ವರ್ಷದಲ್ಲಿಯೇ ಇಷ್ಟು ಮಂದಿ ಸಿನಿಮಾ ವೀಕ್ಷಿಸಿರುವುದು ದಾಖಲೆಯೇ ನಿಜ. ಜವಾನ್ 3.93 ಕೋಟಿ ಟಿಕೆಟ್ ಮಾರಾಟವಾಗಿದ್ದು, ಪಠಾಣ್ 3.20 ಕೋಟಿ, ಡಂಕಿ 1 ಕೋಟಿ ಟಿಕೆಟ್​ ಸೇಲ್ ಆಗಿದೆ. ಈ ಮೂಲಕ ಈ ಸಾಧನೆ ಮಾಡಿದ ಮೊದಲ ಬಾಲಿವುಡ್ ತಾರೆ ಎಂಬ ಹೆಗ್ಗಳಿಕೆಗೆ ಶಾರುಖ್ ಪಾತ್ರರಾಗಿದ್ದಾರೆ.

ಇದನ್ನೂ ಓದಿ:  VIDEO | ಶಾಲೆಯಲ್ಲಿ ಹಾಜರಿ ಕರೆಯುವಾಗ ‘ಯೆಸ್ ಸರ್’ ಬದಲು ‘ಜೈ ಶ್ರೀರಾಮ್’..

2023ರಲ್ಲಿ ಜವಾನ್ ಹಾಗೂ‌ ಪಠಾಣ್ ‌ಗಳಿಕೆಯಲ್ಲಿ ದಾಖಲೆ ಬರೆದಿದ್ದು, ಇದೀಗ ಡಂಕಿ ಕೂಡ ಆ ಸಾಲಿಗೆ ಸೇರ್ಪಡೆಯಾಗಿದೆ. 2023ರ ಆರಂಭದಲ್ಲಿ ಪಠಾಣ್ ಬಾಕ್ಸ್ ಆಫೀಸ್ ಬ್ಯಾಂಗ್ ಮಾಡಿತು. ಈ ಚಿತ್ರ ಕೇವಲ ಹಿಂದಿಯಲ್ಲಿಯೇ 524 ಕೋಟಿ ರೂ. ಬಾಚಿತ್ತು. ದೇಶಾದ್ಯಂತ 545 ಕೋಟಿ ರೂ.‌ ಲೂಟಿ ಮಾಡಿದ್ದ ಪಠಾಣ್ ಒಟ್ಟಾರೆ ವಿಶ್ವಾದ್ಯಂತ 1055 ಕೋಟಿ ರೂ. ಗಳಿಕೆ ಕಂಡಿತ್ತು.

ತದನಂತರ ಜೂನ್​ನಲ್ಲಿ ತೆರೆಕಂಡ ಜವಾನ್ ಹಿಂದಿ ಚಿತ್ರರಂಗದಲ್ಲಿ 643 ಕೋಟಿ ರೂ. ಕಲೆಕ್ಷನ್ ಮಾಡಿದರೆ, ವಿಶ್ವಾದ್ಯಂತ 580 ಕೋಟಿ ರೂ. ಕಬಳಿಸಿತ್ತು. ಡಿಸೆಂಬರ್​ನಲ್ಲಿ ಬಿಡುಗಡೆಯಾದ ಡಂಕಿ ಕೇವಲ 13 ದಿನದಲ್ಲಿ 410 ಕೋಟಿ ರೂ. ಗಳಿಸಿತ್ತು. ರಾಜ್ ಕುಮಾರ್ ಹಿರಾನಿ ನಿರ್ದೇಶಿಸಿದ ಈ ಚಿತ್ರದಲ್ಲಿ ಶಾರುಖ್ ಖಾನ್, ತಾಪ್ಸಿ ಪನ್ನು, ವಿಕ್ಕಿ ಕೌಶಲ್, ಬೊಮನ್ ಇರಾನಿ, ವಿಕ್ರಂ ಕೊಚ್ಚರ್, ಅನಿಲ್ ಗ್ರೋವರ್ ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).

https://www.vijayavani.net/devotees-and-tourists-will-get-free-rides-from-varanasi-boatmen