ಸಾಗರ ಮಾದ್ವ ಸಂಘದ ಅಧ್ಯಕ್ಷ ಡಾ. ಗುರುರಾಜ್ ಕಲ್ಲಾಪುರ ಮಾತನಾಡಿ, ವಿಶ್ವಾದ್ಯಂತ ರಾಘವೇಂದ್ರ ಸಾರ್ವಭೌಮರ ಆರಾಧನಾ ಮಹೋತ್ಸವ ಸಂಭ್ರಮ ಸಡಗರದಿಂದ ಸಂಪನ್ನಗೊಂಡಿದೆ. ರಾಯರ ಗ್ರಂಥಗಳ ಅಧ್ಯಯನ ಮಾಡುವ ಕೆಲಸ ಆಗಬೇಕು. ಇಂದಿನ ಯುವಪೀಳಿಗೆಗೆ ರಾಯರ ಮಹಿಮೆಯ ಮಹತ್ವ ಪರಿಚಯಿಸಬೇಕು ಎಂದು ಹೇಳಿದರು.
ಅನಂತ ಸೇವಾ ಪ್ರಶಸ್ತಿ ಪುರಸ್ಕೃತ ಸಾಬಾಜಿ ಶಾಂತಮೂರ್ತಿ ಮಾತನಾಡಿ, ಸಮಾಜ ನನ್ನ ಗುರುತಿಸಿ ಗೌರವಿಸಿರುವುದು ರಾಯರ ಪರಮಾನುಗ್ರಹ ಸಿಕ್ಕಂತಾಗಿದೆ. ಸಮಾಜದ ಕೆಲಸಗಳಲ್ಲಿ ನಿರಂತರವಾಗಿ ತೊಡಗಿಕೊಂಡಿರುವುದು ನನ್ನ ಭಾಗ್ಯ. ಸಮಾಜದ ಕೆಲಸಗಳಲ್ಲಿ ಸಾಂಘಿಕವಾಗಿ ತೊಡಗಿಕೊಂಡಾಗ ಯಶಸ್ವಿಯಾಗಲು ಸಾಧ್ಯ ಎಂದು ತಿಳಿಸಿದರು.
ಸಂಘದ ಪ್ರಧಾನ ಕಾರ್ಯದರ್ಶಿ ಬದರಿನಾಥ್, ವೆಂಕಟೇಶ್ ಕಟ್ಟಿ, ಶ್ರೀಶಾಚಾರ್, ವಾದಿರಾಜ್ ಸಾಬಾಜಿ, ವಿದ್ವಾನ್ ಪಿ.ಎಲ್.ಗಜಾನನ ಭಟ್ ಇತರರಿದ್ದರು.
