ಪಾಕ್​ ಗುಂಡಿನ ದಾಳಿಗೆ ಎಲ್​ಒಸಿಯಲ್ಲಿ 3 ನಾಗರಿಕರು ಬಲಿ; ಭದ್ರತಾ ಪಡೆ ಗುಂಡಿಗೆ ಶೋಪಿಯಾನ್​ನಲ್ಲಿ 3 ಉಗ್ರರು ಹತ

ಶ್ರೀನಗರ: ಜಮ್ಮು-ಕಾಶ್ಮೀರದ ಶೋಪಿಯಾನ್​ನಲ್ಲಿ ಶನಿವಾರ ನಸುಕಿನ ವೇಳೆ ಭದ್ರತಾ ಪಡೆಗಳ ಉಗ್ರ ನಿಗ್ರಹ ಕಾರ್ಯಾಚರಣೆಗೆ ಮೂವರು ಉಗ್ರರು ಹತರಾಗಿದ್ದಾರೆ. ಈ ನಡುವೆ, ಪ್ರತ್ಯೇಕ ಘಟನೆಯಲ್ಲಿ ಪಾಕಿಸ್ಥಾನದ ಸೇನಾ ಪಡೆ ಪೂಂಛ್​ ಸಮೀಪ ಗಡಿ ನಿಯಂತ್ರಣ ರೇಖೆ ಸಮೀಪ ಕದನ ವಿರಾಮ ಉಲ್ಲಂಘಿಸಿ ನಡೆಸಿದ ಗುಂಡಿನ ದಾಳಿಗೆ ಮೂವರು ನಾಗರಿಕರು ಪ್ರಾಣ ಕಳೆದುಕೊಂಡಿದ್ದಾರೆ.

ಭದ್ರತಾ ಪಡೆಗಳು ಶೋಪಿಯಾನ್​ನ ಅಂಶಿಪೋರಾ ಪ್ರದೇಶದಲ್ಲಿ ಉಗ್ರ ನಿಗ್ರಹ ಕಾರ್ಯಾಚರಣೆಯಲ್ಲಿ ತೊಡಗಿದ್ದ ವೇಳೆ, ಉಗ್ರರು ಗುಂಡಿನ ದಾಳಿ ನಡೆಸಲಾರಂಭಿಸಿದರು. ಪರಿಣಾಮ ಸೇನೆ ಕೂಡ ಪ್ರತಿದಾಳಿ ನಡೆಸಿತ್ತು. ಈ ಪ್ರತಿದಾಳಿಯ ಪರಿಣಾಮ ಮೂವರು ಉಗ್ರರು ಹತರಾಗಿದ್ದಾರೆ.

ಇದನ್ನೂ ಓದಿ: ಮಕ್ಕಳಲ್ಲಿ ನಾಯಕತ್ವ ಲಕ್ಷಣಗಳನ್ನು ಬೆಳೆಸುವ ಬಗೆ

ಗಡಿಭಾಗದಲ್ಲಿ ಪೂಂಛ್​ನ ಸಮೀಪ ಗಡಿ ನಿಯಂತ್ರನ ರೇಖೆ ಬಳಿ ಖಾರಿ ಕರ್ಮಾರಾ ಸೆಕ್ಟರ್​ನಲ್ಲಿ ಪಾಕಿಸ್ತಾನ ಸೇನೆ ಅಪ್ರಚೋದಿತ ಶೆಲ್ ದಾಳಿ ನಡೆಸಿದ ವೇಳೇ ಅದು ಮನೆಗೆ ಬಡಿದು, ಅದರೊಳಗಿದ್ದ ತಂದೆ, ತಾಯಿ, ಮಗ ಮೃತಪಟ್ಟಿದ್ದಾರೆ. ಈ ದಾಳಿ ಶುಕ್ರವಾರ ಸಂಜೆ 7.20ಕ್ಕೆ ನಡೆದಿತ್ತು. ಈ ವರ್ಷ ಜನವರಿಂದೀಚೆಗೆ ಇಲ್ಲಿ ತನಕ ಪಾಕಿಸ್ತಾನ 2,400 ಸಲ ಕದನ ವಿರಾಮ ಉಲ್ಲಂಘನೆ ಮಾಡಿದೆ ಎಂದು ರಕ್ಷಣಾ ಸಚಿವಾಲಯದ ವಕ್ತಾರ ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/woman-daughter-attempt-self-immolation-outside-up-cm-yogis-office/