LPG Cylinder Liquor Smuggling: ಮದ್ಯ ನಿಷೇಧ ಜಾರಿಯಲ್ಲಿರುವ ಬಿಹಾರದಲ್ಲಿ ಅಕ್ರಮ ಮದ್ಯ ಸಾಗಣೆಯ ಹೊಸ ತಂತ್ರವೊಂದು ಬಯಲಾಗಿದೆ. ಎಲ್‌ಪಿಜಿ ಸಿಲಿಂಡರ್‌ನೊಳಗೆ ರಹಸ್ಯ ಜಾಗ ಮಾಡಿಕೊಂಡು ಮದ್ಯ ಸಾಗಿಸುತ್ತಿದ್ದ ಪ್ರಕರಣವನ್ನು ಅಬಕಾರಿ ಇಲಾಖೆ ಹಾಗೂ ಪೊಲೀಸರು ಪತ್ತೆಹಚ್ಚಿದ್ದಾರೆ.
ಸಿಲಿಂಡರ್ ನೋಡಿ ಪೊಲೀಸರಿಗೆ ಅನುಮಾನ
ಗೋಪಾಲ್‌ಗಂಜ್‌ನಲ್ಲಿ ತಪಾಸಣೆ ನಡೆಸುತ್ತಿದ್ದ ಪೊಲೀಸರು ಬೈಕ್‌ನಲ್ಲಿ ಸಿಲಿಂಡರ್ ಸಾಗಿಸುತ್ತಿದ್ದ ವ್ಯಕ್ತಿಯನ್ನು ತಡೆದು ಪರಿಶೀಲಿಸಿದ್ದಾರೆ. ನೋಡಲು ಸಿಲಿಂಡರ್ ಸಾಮಾನ್ಯವಾಗಿಯೇ ಕಂಡರೂ, ಅದರ ತೂಕ ಹಾಗೂ ಬೈಕ್ ಸವಾರನ ವರ್ತನೆ ಪೊಲೀಸರಿಗೆ ಅನುಮಾನ ಮೂಡಿಸಿದೆ.
ಪರಿಶೀಲನೆ ವೇಳೆ ಬಯಲಾಯ್ತು ಗೋಲ್‌ಮಾಲ್
ಅನುಮಾನಗೊಂಡ ಪೊಲೀಸರು ಸಿಲಿಂಡರ್‌ನ್ನು ಪರಿಶೀಲಿಸಿದಾಗ ಅದರ ತಳಭಾಗದಲ್ಲಿ ಬದಲಾವಣೆ ಮಾಡಿರುವುದು ಪತ್ತೆಯಾಗಿದೆ. ಸಿಲಿಂಡರ್ ಒಳಗೆ ರಹಸ್ಯ ಜಾಗ ಮಾಡಿಕೊಂಡು ಮದ್ಯದ ಬಾಟಲಿ ಹಾಗೂ ಪೌಚ್‌ಗಳನ್ನು ಅಡಗಿಸಿಟ್ಟಿರುವುದು ಬೆಳಕಿಗೆ ಬಂದಿದೆ.
