ಕುವೆಂಪು ವಿಶ್ವವಿದ್ಯಾಲಯದಲ್ಲಿ ಸೂಕ್ಷ್ಮಾಣು ಜೀವಶಾಸ್ತ್ರ ವಿಭಾಗ ಹಾಗೂ ನವದೆಹಲಿಯ ಡಿಎಸ್ಟಿ-ಎಸ್ಇಆರ್ಬಿ ಸಹಭಾಗಿತ್ವದಲ್ಲಿ ಮ್ಯೂಕೋರ್ಮೈಕೋಸಿಸ್(ಬ್ಲ್ಯಾಕ್ ಫಂಗಸ್) ಮೇಲೆ ಔಷಧೀಯ ಸಸ್ಯಗಳ ಮತ್ತು ಅವುಗಳ ಚಯಾಪಚಯ ಕ್ರಿಯೆಗಳ ಜೈವಿಕ ಶೋಧನೆ ವಿಷಯ ಕುರಿತ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದರು.
ಕರೊನಾ ನಂತರ ಮ್ಯೂಕೋರ್ಮೈಕೋಸಿಸ್ನಿಂದ ಬಾಧಿತರಾಗಿ ರಾಜ್ಯಾದ್ಯಂತ ಹಲವು ಜನರು ಸಾವನ್ನಪ್ಪಿದ್ದರು. ನಿಯಂತ್ರಿಸುವ ಮತ್ತು ಪರಿಹಾರ ಹುಡುಕುವ ಉದ್ದೇಶದಿಂದ ಪಶ್ಚಿಮ ಘಟ್ಟಗಳಲ್ಲಿರುವ ಔಷಧೀಯ ಸಸ್ಯಗಳ ಕುರಿತು ಕುವೆಂಪು ವಿವಿ ಸೂಕ್ಷ್ಮಾಣು ಜೀವಶಾಸ್ತ್ರ ವಿಭಾಗದ ಪ್ರೊ. ಬಿ.ತಿಪ್ಪೇಸ್ವಾಮಿ ಅವರು ಸಂಶೋಧನೆ ಮಾಡುತ್ತಿರುವುದು ಶ್ಲಾಘನೀಯ ಎಂದು ತಿಳಿಸಿದರು.
ಕುವೆಂಪು ವಿವಿ ಹಣಕಾಸು ಅಧಿಕಾರಿ ಪ್ರೊ. ರಮೇಶ್, ಮೈಸೂರು ವಿವಿ ಪ್ರಾಧ್ಯಾಪಕ ಪ್ರೊ. ಶ್ರೀನಿವಾಸ್, ತುಮಕೂರು ವಿವಿ ಪ್ರಾಧ್ಯಾಪಕ ಪ್ರೊ. ಕೆ.ಎಸ್.ಗಿರೀಶ್, ಸೂಕ್ಷಾಣು ಜೀವಶಾಸ್ತ್ರ ವಿಭಾಗದ ಅಧ್ಯಕ್ಷ ಪ್ರೊ. ಬಿ.ತಿಪ್ಪೇಸ್ವಾಮಿ, ಪ್ರೊ. ಎನ್.ಬಿ.ತಿಪ್ಪೇಸ್ವಾಮಿ, ಪ್ರೊ. ಶ್ರೀಶೈಲಾ, ಡಾ. ಜಿ.ಜೆ.ಸತೀಶ ಉಪಸ್ಥಿತರಿದ್ದರು.
