ಮೂವರು ಯುವತಿಯರು ಬೆಂಗಳೂರಿನ ರಾಮೇಶ್ವರಂ ಕೆಫೆ ಬಳಿ ಮೂವರು ಯುವತಿಯರು ತಿಂಡಿ ತಿನ್ನಲು ಹೋಗಿದ್ದಾರೆ. ಈ ವೇಳೆಯಲ್ಲಿ ಅಲ್ಲೇ ಇದ್ದ ಮೂವರು ವ್ಯಕ್ತಿಗಳು ಇವರನ್ನು ಹಿಂಬಾಲಿಸಿದ್ದಾರೆ.ಅಲ್ಲಿಂದ ಹೊರಟ ಬಳಿಕವೂ ಈ ಗ್ಯಾಂಗ್ ಕಾರಿನಲ್ಲಿ ಯುವತಿಯರನ್ನು ಹಿಂಬಾಲಿಸಿದೆ. ಆಟೋ ಬುಕ್ ಮಾಡಿಕೊಂಡು ತಮ್ಮ ಪಿಜಿಗೆ ತೆರಳುತ್ತಿದ್ದ ವೇಳೆಯಲ್ಲಿ ಮತ್ತೆ ಅದೇ ವ್ಯಕ್ತಿಗಳು ಕಾರಿನಲ್ಲಿ ತಮ್ಮನ್ನು ಹಿಂಬಾಲಿಸುವುದನ್ನು ನೋಡಿದ್ದಾರೆ. ಈ ವೇಳೆಯಲ್ಲಿ ಈ ಕಾರು ತಮ್ಮ ಆಟೋವನ್ನು ಹಿಂಬಾಲಿಸುತ್ತಿದೆ. ಜೆಪಿ ನಗರದಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ತಮ್ಮನ್ನು ಹಿಂಬಾಲಿಸುವುದು ಪ್ರಾರಂಭವಾಗಿದ್ದು, ರಾಪಿಡೋ ಹತ್ತಿದ ಬಳಿಕವೂ ಇದು ಮುಂದುವರೆಯಿತು. ನಂತರ ಟ್ರಾಫಿಕ್ನಿಂದಾಗಿ ನಾವು ಅವರಿಗೆ ಕಾಣಿಸಿಕೊಳ್ಳಲಿಲ್ಲ ಎಂದು ಯುವತಿಯೊಬ್ಬಳು ಹೇಳುತ್ತಾ ಈ ಬಗ್ಗೆ ವಿವರಿಸಿದ್ದಾಳೆ. ಈ ಕಹಿ ಅನುಭವವು ನಮ್ಮನ್ನು ಒಂದು ಕ್ಷಣ ಭಯಗೊಳ್ಳುವಂತೆ ಮಾಡಿದೆ. ಆಟೋ ಚಾಲಕನು ತಮಗೆ ಸಹಾಯ ಮಾಡಲು ಮುಂದಾಗಲಿಲ್ಲ, ಈ ವಿಡಿಯೋದ ಕೊನೆಗೆ ತಾವು ಸೇಫ್ ಆಗಿ ಪಿಜಿ ತಲುಪಿದೆವು ಎಂದು ಯುವತಿ ಹೇಳಿದ್ದಾಳೆ.
