ವಿಶ್ವ ವೈದ್ಯಕೀಯ ಇತಿಹಾಸದಲ್ಲೇ ಪ್ರಥಮ ಬಾರಿಗೆ ರೋಬೋಟಿಕ್ ಲಿವರ್ ಕಸಿ ಶಸ್ತ್ರಚಿಕಿತ್ಸೆ ಯಶಸ್ವಿ!

ನವದೆಹಲಿ: ಮಾನವನಿಗೆ ಹಂದಿಯ ಹೃದಯ ಕಸಿ ಮಾಡುವ ಮೂಲಕವ ವೈದ್ಯರ ತಂಡ ಇತಿಹಾಸ ನಿರ್ಮಿಸಿತ್ತು. ಆದರೆ ಇದೀಗ ವಿಶ್ವ ವೈದ್ಯಕೀಯ ಇತಿಹಾಸದಲ್ಲಿ ಮತ್ತೊಂದು ಅದ್ಭುತ ಕ್ಷಣ ತೆರೆದುಕೊಂಡಿದೆ. ವಿಶ್ವದ ಮೊದಲ ರೋಬೋಟಿಕ್ ಲಿವರ್ ಕಸಿ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿ ನಡೆದಿದೆ.

ಸೌದಿ ಪ್ರೆಸ್ ಏಜೆನ್ಸಿ ಸೌದಿ ಅರೇಬಿಯಾದ ಆಸ್ಪತ್ರೆಯಲ್ಲಿ ನಾನ್-ಆಲ್ಕೊಹಾಲಿಕ್ ಫ್ಯಾಟಿ ಲಿವರ್‌ನಿಂದ ಬಳಲುತ್ತಿರುವ ರೋಗಿಯೊಬ್ಬರು ಯಶಸ್ವಿಯಾಗಿ ರೋಬೋಟಿಕ್ ಲಿವರ್ ಟ್ರಾನ್ಸ್‌ಪ್ಲಾಂಟ್‌ಗೆ ಒಳಗಾಗಿದ್ದಾರೆ ಎಂದು ವರದಿ ಮಾಡಿದೆ.

ನಾನ್-ಆಲ್ಕೊಹಾಲಿಕ್ ಕೊಬ್ಬಿನ ಯಕೃತ್ತು (NASH) ಮತ್ತು ಹೆಪಟೊಸೆಲ್ಯುಲರ್ ಕಾರ್ಸಿನೋಮ (HCC) ನಿಂದ ಬಳಲುತ್ತಿರುವ ಸೌದಿಯ 66 ವರ್ಷದ ವ್ಯಕ್ತಿಗೆ ಯಾವುದೇ ಹೈಬ್ರಿಡ್ ವಿಧಾನದ ಅಗತ್ಯವಿಲ್ಲದೇ ಅತ್ಯಾಧುನಿಕ ರೋಬೋಟ್ ಮೂಲಕ ಶಸ್ತ್ರಚಿಕಿತ್ಸೆ ನಡೆಸಲಾಯಿತು. ಸದ್ಯ ರೋಗಿ ಸಂಪೂರ್ಣ ಆರೋಗ್ಯವಾಗಿದ್ದಾರೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ನೃತ್ಯ ಮಾಡುವಾಗ ಹೃದಯಾಘಾತದಿಂದ ಕುಸಿದು ಬಿದ್ದು ಪ್ರಾಣ ಬಿಟ್ಟ ಯುವಕ

ಡಾ. ಡೈಟರ್ ಬ್ರೋರಿಂಗ್ ಮಾತನಾಡಿ, 'ಗಮನಾರ್ಹ ಕಾರ್ಯಾಚರಣೆಯ ಮೂಲಕ, ವೈದ್ಯಕೀಯ ಆವಿಷ್ಕಾರದ ಮೂಲಕ ಮುನ್ನಡೆಸುವುದು ವಿಶ್ವಾದ್ಯಂತ ರೋಗಿಗಳಿಗೆ ಒದಗಿಸುವ ಆರೋಗ್ಯ ಸೇವೆಗಳ ಗುಣಮಟ್ಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಸಂಪೂರ್ಣ ರೋಬೋಟಿಕ್ ಮೋಡ್‌ನಲ್ಲಿ ಪಿತ್ತಜನಕಾಂಗದ ಕಸಿಯನ್ನು ಯಶಸ್ವಿಯಾಗಿ ನಿರ್ವಹಿಸುವುದು ಅಂಗಾಂಗ ಕಸಿ ಇತಿಹಾಸದಲ್ಲಿ ಒಂದು ಮೈಲಿಗಲ್ಲು' ಎಂದು ಹೇಳಿದ್ದಾರೆ.

ಸೌದಿ ಅರೇಬಿಯಾದ ಕಿಂಗ್ ಫೈಸಲ್ ಸ್ಪೆಷಲಿಸ್ಟ್ ಆಸ್ಪತ್ರೆ ಮತ್ತು ಸಂಶೋಧನಾ ಕೇಂದ್ರವು ವಿಶೇಷ ವೈದ್ಯಕೀಯ ಸೇವೆಗಳನ್ನು ಒದಗಿಸುವ ವಿಶ್ವದ ಅತ್ಯುತ್ತಮ ಆಸ್ಪತ್ರೆಗಳಲ್ಲಿ ಒಂದಾಗಿದೆ. ಬ್ರಾಂಡ್ ಫೈನಾನ್ಸ್ ವರ್ಗೀಕರಣದ ಆಧಾರದ ಮೇಲೆ ಆಸ್ಪತ್ರೆಯು 2023 ರಲ್ಲಿ ವಿಶ್ವದ ಅತ್ಯುತ್ತಮ ಆರೋಗ್ಯ ಸಂಸ್ಥೆಗಳ ಪಟ್ಟಿಯಲ್ಲಿ 20 ನೇ ಸ್ಥಾನದಲ್ಲಿದೆ. ಮಧ್ಯಪ್ರಾಚ್ಯ ಮತ್ತು ಆಫ್ರಿಕಾದಲ್ಲಿ ಮೊದಲ ಸ್ಥಾನದಲ್ಲಿರುವುದು ವಿಶೇಷ.

https://www.vijayavani.net/trafic-police-arrest-biker-who-had-99-violations-rs-56000-pending-fine