ಸರ್ಕಾರಿ ಕಾರ್ನರ್​: ಪುನರ್​ ವಿವಾಹವಾದರೆ ಕುಟುಂಬ ಪಿಂಚಣಿ ಹೋಗುತ್ತಾ?

ಪ್ರಶ್ನೆ: ನ್ಯಾಯಾಂಗ ಇಲಾಖೆಯಲ್ಲಿ 2012ರಿಂದ ಶೀಘ್ರಲಿಪಿಗಾರಳಾಗಿ ಕೆಲಸ ಮಾಡುತ್ತಿದ್ದ ನನ್ನ ಪತ್ನಿ, 2021ರ ನವೆಂಬರ್​ನಲ್ಲಿ ಅನಾರೋಗ್ಯದಿಂದ ನಿಧನ ಹೊಂದಿದ್ದಾಳೆ. ನಾನು ಅನುಕಂಪದ ಮೇರೆಗೆ ಅದೇ ಇಲಾಖೆಯಲ್ಲಿ ದ್ವೀತಿಯ ದರ್ಜೆ ಸಹಾಯಕನಾಗಿ 2022ರ ಏಪ್ರಿಲ್​ನಿಂದ ಕೆಲಸಕ್ಕೆ ಸೇರಿದ್ದೇನೆ. ನನಗೆ 8 ವರ್ಷದ ಹೆಣ್ಣು ಮಗುವಿದ್ದು, ಮಗಳ ಪಾಲನೆ-ಪೋಷಣೆಗೋಸ್ಕರ ಎರಡನೇ ಮದುವೆಯಾಗಲು ಇಚ್ಛಿಸಿದ್ದೇನೆ. ಪುನರ್​ ವಿವಾಹವಾದರೆ, ನನ್ನ ಈಗಿನ ಕೆಲಸ ಹೋಗುತ್ತದೆಯೇ? ಕುಟುಂಬ ಪಿಂಚಣಿ ರದ್ದಾಗುತ್ತದೆಯೇ?

-ಮನೋಹರ್​, ಬೆಂಗಳೂರು

ಉತ್ತರ: ಕರ್ನಾಟಕ ಸರ್ಕಾರಿ ಸೇವಾ (ಅನುಕಂಪದ ನೇಮಕಾತಿ) ನಿಯಮಾವಳಿ 1996ರ ರೀತ್ಯಾ ನೀವು ಮರುವಿವಾಹವಾಗಬಹುದು. ನಿಮ್ಮ ವೈಯಕ್ತಿಕ ಜೀವನದ ಬಗ್ಗೆ ಪುನರ್​ ವಿವಾಹವಾದ ನಂತರ ನೇಮಕಾತಿ ಪ್ರಾಧಿಕಾರಕ್ಕೆ ಮಾಹಿತಿ ನೀಡಿ, ಎರಡನೇ ಪತ್ನಿಯ ನಾಮನಿರ್ದೇಶನ ಮಾಡಿಸಬೇಕು. ಆದ್ದರಿಂದ ನಿಮ್ಮ ನೌಕರಿಗೆ ಯಾವುದೇ ಧಕ್ಕೆಯಾಗುವುದಿಲ್ಲ. ಕುಟುಂಬ ಪಿಂಚಣಿ ನಿಮ್ಮ ಮಗಳಿಗೆ 21 ವರ್ಷವಾಗುವವರೆಗೂ ಲಭ್ಯವಾಗುತ್ತದೆ.

https://www.vijayavani.net/sarkari-corner-about-pension-to-borthers-and-sisters/

https://www.vijayavani.net/sarkari-corner-about-supspension/