ಪ್ರಶಾಂತ್ ಸಂಬರಗಿ ಯಾರು, ಸ್ಯಾಂಡಲ್​ವುಡ್​ಗೆ ಏನು ಮಾಡಿದ್ದಾರವರು; ಸಾರಾ ಗೋವಿಂದು ಕಿಡಿ

ಸ್ಯಾಂಡಲ್​ವುಡ್​ ಡ್ರಗ್​ ಮಾಫಿಯಾ ದಿನದಿಂದ ದಿನಕ್ಕೆ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿರುವ ಬೆನ್ನಲ್ಲೇ, ಇಂದ್ರಜಿತ್​ ಲಂಕೇಶ್ ಮತ್ತು ಪ್ರಶಾಂತ್​ ಸಂಬರಗಿ ವಿರುದ್ಧ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಮಾಜಿ ಅಧ್ಯಕ್ಷ ಸಾರಾ ಗೋವಿಂದು ಕಿಡಿ ಕಾರಿದ್ದಾರೆ.

ಇದನ್ನೂ ಓದಿ: ಸ್ಯಾಂಡಲ್​​ವುಡ್​ ಮಾದಕ ವ್ಯಸನಿಗಳ ಹೆಸರು ಹೇಳಿದ್ದ ಇಂದ್ರಜಿತ್​ ಲಂಕೇಶ್​ಗೆ ಸಿಸಿಬಿ ನೋಟಿಸ್…

‘ಅಷ್ಟಕ್ಕೂ ಈ ಪ್ರಶಾಂತ್​ ಸಂಬರಗಿ ಯಾರು, ಅವರಿಗೂ ಸ್ಯಾಂಡಲ್​ವುಡ್​ಗೂ ಏನು ಸಂಬಂಧ. ಅವರನ್ನು ಚಿತ್ರೋದ್ಯಮಿ ಎಂದು ಕರೆಯಲೇಬೇಡಿ. ಹಾಗೇ ಕರೆಯುವುದಕ್ಕೆ ಅವರೇನು ಸಿನಿಮಾ ನಿರ್ಮಾಣ ಮಾಡಿದ್ದಾರೆಯೇ, ಅಥವಾ ಹಂಚಿಕೆ, ವಿತರಣೆಯಲ್ಲಿ ತೊಡಗಿಸಿಕೊಂಡಿದ್ದಾರೆಯೇ. ಅವರೊಬ್ಬ ಸಾಮಾಜಿಕ ಹೋರಾಟಗಾರ ಹಾಗೇಯೇ ಕರೆಯಿರಿ. ಸಿನಿಮಾಕ್ಕೂ ಅವರಿಗೂ ಯಾವುದೇ ಸಂಬಂಧ ಇಲ್ಲ ಎಂದಿದ್ದಾರೆ.

‘ಸ್ಯಾಂಡಲ್​ವುಡ್​ನಲ್ಲಿನ ಡ್ರಗ್ಸ್​ ಇದೆ ಎಂದು ಆರೋಪ ಮಾಡುತ್ತಿದ್ದಾರೆ. ಒಂದು ವೇಳೆ ಅವರ ಆರೋಪ ಸಾಬೀತಾಗದಿದ್ದರೆ ಇಂದ್ರಜಿತ್​ ಮತ್ತು ಪ್ರಶಾಂತ್​ ಸಂಬರಗಿ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು. ಏನೇ ಹೇಳಿಕೆ ನೀಡುವುದಿದ್ದರು ವಾಣಿಜ್ಯ ಮಂಡಳಿ ಗಮನಕ್ಕೆ ತರಲಿ. ಆದರೆ, ಅದ್ಯಾವುದನ್ನು ಮಾಡದೇ ನೇರವಾಗಿ ಆರೋಪ ಮಾಡುವುದು ತಪ್ಪು ಎಂದಿದ್ದಾರೆ.

ಇದನ್ನೂ ಓದಿ: ಡ್ರಗ್ಸ್ ಮಾಫಿಯಾ ಬಗ್ಗೆ ಹೊಸ ಬಾಂಬ್​ ಸಿಡಿಸಿದ ಪ್ರಮೋದ್​ ಮುತಾಲಿಕ್​

‘ನೇರವಾಗಿ ಸ್ಯಾಂಡಲ್​ವುಡ್​ ಎಂದು ಪ್ರಸ್ತಾಪಿಸುವುದರ ಬದಲು, ಸ್ಯಾಂಡಲ್​ವುಡ್​ನಲ್ಲಿ ಯಾರು ಎಂಬ ಹೆಸರನ್ನು ಹೇಳಿ. ಅದರ ಬದಲಿಗೆ ಇಡೀ ಸ್ಯಾಂಡಲ್​ವುಡ್​ ಅನ್ನೇ ಪ್ರಸ್ತಾಪಿಸುವುದು ಎಷ್ಟರ ಮಟ್ಟಿಗೆ ಸರಿ ಎಂದು ಪ್ರಶಾಂತ್​ ಸಂಬರಗಿ ಮತ್ತು ಇಂದ್ರಜಿತ್​ ಲಂಕೇಶ್​ ವಿರುದ್ಧ ಸುದ್ದಿಗೋಷ್ಟಿಯಲ್ಲಿ ಕಿಡಿ ಕಾರಿದ್ದಾರೆ.

https://www.vijayavani.net/senior-actor-doddanna-reats-about-sandalwood-drug-issue/