'ಸಪ್ತ ಸಾಗರದಾಚೆ ಎಲ್ಲೋ': ಕಡೆಗೂ ಮನುಗೆ ಜೈಲಿನಿಂದ ಸಿಗಲಿದೆ ಮುಕ್ತಿ?; ರಿಲೀಸ್​ ಆಯ್ತು ಸೈಡ್​ ಬಿ ಟೀಸರ್​!

ಬೆಂಗಳೂರು: ಸ್ಯಾಂಡಲ್​ವುಡ್​ನ ಸಿಂಪಲ್​ ಸ್ಟಾರ್​, ನಟ ರಕ್ಷಿತ್​ ಶೆಟ್ಟಿ ಮತ್ತು ನಟಿ ರುಕ್ಮಿಣಿ ವಸಂತ್​, ಚೈತ್ರಾ ಜೆ.ಆಚಾರ್​ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ 'ಸಪ್ತ ಸಾಗರದಾಚೆ ಎಲ್ಲೋ' ಸೈಡ್​ ಬಿ ಚಿತ್ರದ ಟೀಸರ್​ ಇಂದು ಅಧಿಕೃತವಾಗಿ ಪರಂವಾ ಸ್ಟುಡಿಯೋಸ್​ನಲ್ಲಿ ಬಿಡುಗಡೆಗೊಂಡಿದೆ.

ಇದನ್ನೂ ಓದಿ: ತಿರುಪತಿ: ವಾಕ್‌ವೇಯಲ್ಲಿ ಮತ್ತೆ ಹುಲಿ, ಕರಡಿ ಓಡಾಟದ ದೃಶ್ಯಗಳು ಕ್ಯಾಮೆರಾಗಳಲ್ಲಿ ಸೆರೆ, ಭಕ್ತರು ಗುಂಪು ಗುಂಪಾಗಿ ತೆರಳಲು ಟಿಟಿಡಿ ಮನವಿ

ಈ ಹಿಂದೆ ಸೆ.01 ರಂದು ಕೇವಲ ಕನ್ನಡ ಭಾಷೆಯಲ್ಲಿ ಮಾತ್ರ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡ 'ಸಪ್ತ ಸಾಗರದಾಚೆ ಎಲ್ಲೋ' ಸೈಡ್​ ಎ ಸಿನಿಮಾ ಸಿನಿಪ್ರೇಕ್ಷಕರಿಂದ ಉತ್ತಮ ರೆಸ್ಪಾನ್ಸ್​ ಪಡೆದುಕೊಂಡಿತು. ಕನ್ನಡದಲ್ಲಿ ಹಿಟ್ ಆದ ನಂತರದಲ್ಲಿ ತೆಲುಗು ಆವೃತ್ತಿಯಲ್ಲಿ 'ಸಪ್ತ ಸಾಗರಾಲೂ ದಾಟಿ' ಎಂಬ ಟೈಟಲ್​ನಡಿ ಬಿಡುಗಡೆಗೊಂಡು ತೆಲುಗು ಪ್ರೇಕ್ಷಕರನ್ನು ಮನರಂಜಿಸುವಲ್ಲಿ ಸೈ ಎನಿಸಿಕೊಂಡಿತು.

ಈ ಹಿಂದಿನಿಂದಲೂ 'ಸಪ್ತ ಸಾಗರದಾಚೆ ಎಲ್ಲೋ' ಸೈಡ್​ ಬಿ ರಿಲೀಸ್​ ಡೇಟ್​ ಬಗ್ಗೆ ಭಾರೀ ಗೊಂದಲ ಮೂಡಿತ್ತು. ಈ ಕುರಿತಂತೆ ಚಿತ್ರತಂಡ ಸಿನಿಮಾ ಪ್ಯಾನ್​ ಇಂಡಿಯಾ ಚಿತ್ರವಾಗಿ ನಿಮ್ಮೆಲ್ಲರ ಮುಂದೆ ನವೆಂಬರ್​ 17 ರಂದು ಹಾಜರಾಗಲಿದೆ ಎಂದು ಖಚಿತಪಡಿಸಿತು. ಇದೀಗ ಹೇಮಂತ್​ ರಾವ್​ ನಿರ್ದೇಶನದ ಈ ಸಿನಿಮಾದ ಸೈಡ್​ ಬಿ ಟೀಸರ್​ ಇಂದು ಅಧಿಕೃತವಾಗಿ ಬಿಡುಗಡೆಗೊಂಡಿದೆ.

ಇದನ್ನೂ ಓದಿ: ಬಿಜೆಪಿ ಷಡ್ಯಂತ್ರ ಫಲಿಸಲ್ಲ, ಈ ಬಗ್ಗೆ ನಮಗೆ ಗೊತ್ತಿದೆ: ಡಿ.ಕೆ.ಶಿವಕುಮಾರ್

ಸಿನಿಮಾ ಟ್ರೇಲರ್​ಗೂ ಮುನ್ನ ಟೀಸರ್​ ಅನಾವರಣಗೊಂಡಿದ್ದು, ಕಥೆಯಲ್ಲಿರುವ ಮನು ಜೈಲಿನಿಂದ ಹೊರಬಂದ ಮೇಲೆ ನಡೆಯುವುದೇನು? ಚಿತ್ರದ ಎರಡನೇ ನಾಯಕಿ ಚೈತ್ರಾ ಜೆ.ಆಚಾರ್​ ಪಾತ್ರ ಮಾಡಲಿರುವ ಮೋಡಿ ಏನು? ಎಂಬುದನ್ನು ಸಿನಿಮಾ ತೆರೆ ಮೇಲೆ ಬಂದ ನಂತರ ನೋಡಿ ತಿಳಿಯಬೇಕಿದೆ.

https://www.vijayavani.net/mukhesh-ambani-gets-death-threat-email