ವಿಶಿಷ್ಟ ಪ್ರಚಾರ ಕಾರ್ಯಗಳಲ್ಲಿ ತೊಡಗಲಿದೆ 'ಸಲಾರ್'​ ​ಚಿತ್ರತಂಡ!

ಬೆಂಗಳೂರು: ಸ್ಯಾಂಡಲ್​ವುಡ್​ನ ಸ್ಟಾರ್​ ನಿರ್ದೇಶಕ ಪ್ರಶಾಂತ್​ ನೀಲ್​ ಮತ್ತು ಟಾಲಿವುಡ್​ನ ರೆಬೆಲ್​ ಸ್ಟಾರ್​, ಡಾರ್ಲಿಂಗ್​ ಪ್ರಭಾಸ್​ ಕಾಂಬಿನೇಷ್​ನಲ್ಲಿ ಮೂಡಿಬರಲಿರುವ ಬಹುನಿರೀಕ್ಷಿತ 'ಸಲಾರ್'​ ಸಿನಿಮಾದ ಬಗ್ಗೆ ದಿನದಿಂದ ದಿನಕ್ಕೆ ಸಾಕಷ್ಟು ನಿರೀಕ್ಷೆಗಳು ಹೆಚ್ಚುತ್ತಿದೆ.

ಇದನ್ನೂ ಓದಿ: ಎಂದೂ ಭಾವಿಸಬೇಡಿ…ಗರ್ಲ್​ಫ್ರೆಂಡ್​ ವಿಚಾರದಲ್ಲಿ ಬ್ಯಾಚುಲರ್​ಗಳಿಗೆ ಎಂ.ಎಸ್. ಧೋನಿ ಕೊಟ್ಟ ಸಲಹೆ ವೈರಲ್​

ಈ ಮಧ್ಯೆ ಬಾಲಿವುಡ್​ ನಟ ಶಾರೂಖ್ ಖಾನ್​ ಅಭಿನಯದ 'ಡಂಕಿ' ಕೂಡ 'ಸಲಾರ್'​ ರಿಲೀಸ್​ ದಿನವೇ ಬಿಡುಗಡೆಗೆ ಸಜ್ಜಾಗಿದ್ದು, ಭಾರತೀಯ ಚಿತ್ರರಂಗದ ಇಬ್ಬರು ಸ್ಟಾರ್​ ನಟರ ಸಿನಿಮಾಗಳು ಭಾರೀ ಪೈಪೋಟಿಗೆ ಕಾರಣವಾಗಲಿದೆ ಎಂಬ ಲೆಕ್ಕಾಚಾರಗಳು ಸದ್ಯ ಸಿನಿ ಅಂಗಳದಲ್ಲಿ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿದೆ.

ಬೆಂಗಳೂರಿನಲ್ಲಿ 'ಸಲಾರ್'​ ಚಿತ್ರದ ಪೋಸ್ಟ್-ಪ್ರೊಡಕ್ಷನ್ ಕಾರ್ಯಗಳು ವೇಗವಾಗಿ ಸಾಗುತ್ತಿದೆ. ಸಿನಿಮಾ ಕುರಿತಂತೆ ಹೊಸ ಅಪ್ಡೇಟ್​ಗೆ ಕಾತರದಿಂದ ಕಾಯುತ್ತಿರುವ ಪ್ರಭಾಸ್​ ಫ್ಯಾನ್ಸ್​ಗೆ ಹೊಸ ಮಾಹಿತಿಯೊಂದು ಲಭಿಸಿದೆ.

ಇದನ್ನೂ ಓದಿ: ಸರ್ಕಾರಿ ನೌಕರರ ರಾಜ್ಯಮಟ್ಟದ ಕ್ರೀಡಾಕೂಟಕ್ಕೆ ತುಮಕೂರಿನಲ್ಲಿ ಅದ್ಧೂರಿ ಚಾಲನೆ

ಇತ್ತೀಚಿನ ವರದಿಯ ಪ್ರಕಾರ, ಚಿತ್ರ ತಯಾರಕರು ಮುಂಬರುವ ದಿನಗಳಲ್ಲಿ ಕೆಲವು ವಿಶಿಷ್ಟ ಪ್ರಚಾರ ಅಭಿಯಾನಗಳನ್ನು ಯೋಜಿಸಿದ್ದಾರೆ. ಟ್ರೇಲರ್ ಲಾಂಚ್ ಕೂಡ ವಿಶೇಷ ರೀತಿಯಲ್ಲಿ ನಡೆಯಲಿದೆ ಎಂದು ಹೇಳಲಾಗಿದೆ.

ಶಾರುಖ್ ಖಾನ್ ಅವರ 'ಡಂಕಿ' ಚಿತ್ರದೊಂದಿಗೆ 'ಸಲಾರ್' ಬಿಡುಗಡೆಯಾಗುತ್ತಿರುವ ಹಿನ್ನೆಲೆ ಭಾರೀ ಪೈಪೋಟಿ ಎದುರಾಗುವುದು ಖಚಿತ. ಹೀಗಾಗಿ ಚಿತ್ರದ ತಯಾರಕರು ಪ್ರಮುಖ ಮತ್ತು ಘನ ಪ್ರಚಾರಗಳನ್ನು ಕೈಗೊಳ್ಳಲು ಹೆಚ್ಚು ಒತ್ತು ನೀಡಿದ್ದಾರೆ. ಮುಂದಿನ ದಿನಗಳಲ್ಲಿ ಒಂದಷ್ಟು ಕುತೂಹಲಕಾರಿ ಕಾರ್ಯಕ್ರಮಗಳು ನಡೆಯಲಿದ್ದು, ಸಖತ್ ಪೋಸ್ಟರ್ ಹಾಗೂ ಟ್ರೇಲರ್​ಗೂ ಮುನ್ನ ಕಿರು ಟೀಸರ್ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ,(ಏಜೆನ್ಸೀಸ್).

https://www.vijayavani.net/arrested-bengal-minister-faints-inside-courtroom