ಅಮೆರಿಕ ಅಧ್ಯಕ್ಷರ ಬಾಯಲ್ಲಿ ಸಚಿನ್​ ತೆಂಡೂಲ್ಕರ್​, ವಿರಾಟ್​ ಕೊಹ್ಲಿ ಹೆಸರು; ದೊಡ್ಡದಾಗಿ ಹರ್ಷೋದ್ಘಾರ ಮಾಡಿದ ಜನರು

ಅಹಮದಾಬಾದ್​: ಜಗತ್ತಿನ ಅತಿದೊಡ್ಡ ಕ್ರಿಕೆಟ್​ ಕ್ರೀಡಾಂಗಣವಾದ ಮೊಟೆರೋ ಸ್ಟೇಡಿಯಂನಲ್ಲಿ ಭಾಷಣ ಮಾಡಿದ ಡೊನಾಲ್ಡ್​ ಟ್ರಂಪ್​ ಅವರು ಕ್ರಿಕೆಟ್​ ದಂತಕತೆ ಸಚಿನ್​ ತೆಂಡೂಲ್ಕರ್​ ಹಾಗೂ ಇಂಡಿಯನ್​ ಕ್ರಿಕೆಟ್​ ಟೀಂ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ಅವರ ಹೆಸರನ್ನು ಉಲ್ಲೇಖಿಸಿದರು.

ಈ ದೇಶದ ಜನರು ಅಂದಿನ ಸಚಿನ್​ ತೆಂಡೂಲ್ಕರ್​ನಿಂದ ಹಿಡಿದು ಇಂದಿನ ವಿರಾಟ್ ಕೊಹ್ಲಿಯವವರೆಗೆ, ವಿಶ್ವದ ಎಲ್ಲ ಶ್ರೇಷ್ಠ ಕ್ರಿಕೆಟ್​ ಆಟಗಾರರನ್ನೂ ಹುರಿದುಂಬಿಸುತ್ತಾರೆ. ಇದೊಂದು ಒಳ್ಳೆಯ ವಿಚಾರ ಎಂದು ಟ್ರಂಪ್​ ಹೇಳಿದರು.

ಅಮೆರಿಕ ಅಧ್ಯಕ್ಷರ ಬಾಯಲ್ಲಿ ಸಚಿನ್​ ತೆಂಡೂಲ್ಕರ್​ ಮತ್ತು ವಿರಾಟ್​ ಕೊಹ್ಲಿ ಹೆಸರು ಕೇಳುತ್ತಿದ್ದಂತೆ ನೆರೆದಿದ್ದ ಜನರು ದೊಡ್ಡದಾಗಿ ಕೂಗುವ ಮೂಲಕ ಹರ್ಷೋದ್ಘಾರ ಮಾಡಿ, ಚಪ್ಪಾಳೆ ಹೊಡೆದು ಸಂತೋಷ ವ್ಯಕ್ತಪಡಿಸಿದರು. ಅಷ್ಟೇ ಅಲ್ಲ, ಆ ಸಮಯದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಕೂಡ ಮುಗುಳ್ನಕ್ಕರು.

ಅತಿದೊಡ್ಡ ಕ್ರಿಕೆಟ್​ ಸ್ಟೇಡಿಯಂ ಮೊಟೆರಾ ಬಗ್ಗೆ ಮಾತನಾಡುವಾಗ ಸಚಿನ್​ ತೆಂಡೂಲ್ಕರ್​ ಹಾಗೂ ಕೊಹ್ಲಿ ಹೆಸರನ್ನು ಪ್ರಸ್ತಾಪಿಸಿದರು.