ಛಾಪಾ ಕಾಗದದಲ್ಲಿ ಏನೂ ಬೇಡವೆಂದು ತಾಯಿ ಬರೆದರೆ ಮಗುವಿಗೆ ಜೀವನಾಂಶ ಸಿಗುವುದಿಲ್ಲವೇ?

ಉತ್ತರ: ವಿವಾಹಿತ ಪತಿ ಅಥವಾ ಪತ್ನಿ ಬದುಕಿರುವಾಗ ವಿಚ್ಛೇದನ ಪಡೆಯದೆ, ಮತ್ತೊಂದು ಮದುವೆ ಆದರೆ ಅದು ಕಾನೂನು ಪ್ರಕಾರ ಶಿಕ್ಷಾರ್ಹ ಅಪರಾಧ ಆಗುತ್ತದೆ. ನಿಮ್ಮ ಭಾವನ ಎರಡನೇ ಮದುವೆ ಬಗ್ಗೆ ಸಾಕ್ಷಿ ಆಧಾರಗಳನ್ನು ಪಡೆದು , ನಿಮ್ಮ ಅಕ್ಕನಿಂದ ಅವರ ವಿರುದ್ಧ ಎರಡನೇ ಮದುವೆ ಕೇಸನ್ನು ದಾಖಲಿಸಿ.

ನಿಮ್ಮ ಅಕ್ಕ ತನ್ನ ಮಗುವಿಗೆ ಜೀವನಾಂಶ ಕೇಳಿ ಪ್ರಕರಣ ದಾಖಲಿಸಬಹುದು. ನಿಮ್ಮ ಅಕ್ಕ ಕೆಲಸದಲ್ಲಿ ಇರುವುದರಿಂದ ಆಕೆಗೆ ಜೀವನಾಂಶ ಸಿಕ್ಕುವುದಿಲ್ಲ. ಆದರೆ ಮಗುವಿಗೆ ನಿಮ್ಮಭಾವ ಮತ್ತು ಅಕ್ಕ ಇಬ್ಬರೂ ಕೊಡಬೇಕಾಗುತ್ತದೆ. ನಿಮ್ಮ ಅಕ್ಕನ ಮಗುವಿಗೆ ಎಷ್ಟು ಖರ್ಚು ವೆಚ್ಚ ಆಗುತ್ತದೆ ಎನ್ನುವುದರ ವಿವರಣೆ ಕೊಟ್ಟು ಪ್ರಕರಣ ದಾಖಲಿಸಿ. ನ್ಯಾಯಾಲಯ ಮಗುವಿನ ಜೀವನಾಂಶ ಇಂತಿಷ್ಟು ಎಂದು ನಿರ್ಧರಿಸಿ, ನಿಮ್ಮ ಅಕ್ಕ ಎಷ್ಟು ಖರ್ಚು ವಹಿಸಿಕೊಳ್ಳಬಹುದು ಮತ್ತು ನಿಮ್ಮ ಭಾವ ಎಷ್ಟು ಕೊಡಬೇಕು ಎಂದು ತೀರ್ಪು ಕೊಡುತ್ತಾರೆ. ನಿಮ್ಮ ಅಕ್ಕ ಛಾಪಾ ಕಾಗದದಲ್ಲಿ ಬರೆದುಕೊಟ್ಟಿರುವ ಬಗ್ಗೆ ಯೋಚಿಸ ಬೇಡಿ. ಮಗುವಿನ ವಿಷಯದಲ್ಲಿ ಇದು ಯಾವ ರೀತಿಯಲ್ಲೂ ಅಡ್ಡ ಬರುವುದಿಲ್ಲ.

ಸೂಚನೆ: ಕಾನೂನಿಗೆ ಸಂಬಂಧಿಸಿದ ನಿಮ್ಮ ಪ್ರಶ್ನೆಗಳನ್ನು susheelasarathi@yahoo.co.in ಅಥವಾ lalitha.vijayavani@gmail.com ಗೆ ಕಳುಹಿಸಬಹುದು. (ಕೋರ್ಟ್‌ಗಳಲ್ಲಿ ಇತ್ಯರ್ಥಕ್ಕೆ  ಬಾಕಿ ಇರುವ ಪ್ರಕರಣಗಳಿಗೆ ಸಂಬಂಧಿಸಿದ ಪ್ರಶ್ನೆಗಳನ್ನು ದಯವಿಟ್ಟು ಕೇಳಬೇಡಿ)