ಬೇಡದ ಗ್ರೂಪ್​ಗಳು ಸದಾ ಮ್ಯೂಟ್​: ವಾಟ್ಸ್​ಆ್ಯಪ್​ನಿಂದ ಹೊಸ ಫೀಚರ್​

ನವದೆಹಲಿ: ವಾಟ್ಸ್​ಆ್ಯಪ್​ನಲ್ಲಿ ಇದೀಗ ಗ್ರೂಪ್​ಗಳನ್ನು ಮಾಡುವುದು ಹೊಸ ವಿಷಯವೇನಲ್ಲ. ಆದರೆ ಅನೇಕ ಸಂದರ್ಭದಲ್ಲಿ ನಮಗೆ ಅನಗತ್ಯ ಎನಿಸುವ ಗ್ರೂಪ್​ಗಳಲ್ಲಿ ಸೇರಿಸಿಕೊಳ್ಳಲಾಗುತ್ತದೆ. ಅಂಥ ಸಂದರ್ಭದಲ್ಲಿ ಆ ಗ್ರೂಪ್​ ನಮಗೆ ಇಷ್ಟ ಇಲ್ಲದಿದ್ದರೂ ಅನಿವಾರ್ಯ ಕಾರಣದಿಂದ ಅದರಿಂದ ಎಕ್ಸಿಟ್​ ಆಗಲು ಸಾಧ್ಯವಾಗುವುದಿಲ್ಲ. ಹಾಗೊಂದು ವೇಳೆ ಆದರೆ ಅದು ಅಲ್ಲಿರುವ ಇತರರಿಗೆ ತಿಳಿಯುವ ಕಾರಣದಿಂದಾಗಿ ಎಕ್ಸಿಟ್​ ಆಗುವುದು ಸುಲಭದ ಮಾತಲ್ಲ.

ಇಂಥ ಗ್ರೂಪ್​ಗಳನ್ನು ಮ್ಯೂಟ್​ ಮಾಡಿ ಇಡುವ ವ್ಯವಸ್ಥೆ ಇದಾಗಲೇ ಜಾರಿಯಲ್ಲಿ ಇದೆ. ಆ ಗ್ರೂಪ್​ಗಳಿಗೆ ಸಂದೇಶ ಬರುತ್ತಿದ್ದರೂ, ನಿಮಗೆ ಸೌಂಡ್​ ಆಗದ ರೀತಿಯಲ್ಲಿ ಮ್ಯೂಟ್​ ಮಾಡಿ ಇಡಬಹುದು. ಆದರೆ ಇಲ್ಲಿಯವರೆಗೆ ಮ್ಯೂಟ್​ ಆಪ್ಷನ್​ ಆಯ್ಕೆಮಾಡಿಕೊಂಡ ಸಂದರ್ಭದಲ್ಲಿ ಎಂಟು ಗಂಟೆ, ಒಂದು ವಾರ ಮತ್ತು ಒಂದು ವರ್ಷ ಹೀಗೆ ಆಯ್ಕೆ ಕೇಳಲಾಗುತ್ತಿತ್ತು.

ಆದರೆ ಇದೀಗ ನೀವು ಗ್ರೂಪ್​ ಅನ್ನು ಶಾಶ್ವತವಾಗಿ ಮ್ಯೂಟ್​ ಮಾಡಿಡುವಂಥ ಹೊಸ ಫೀಚರ್​ ವಾಟ್ಸ್​ಆ್ಯಪ್​ ನೀಡಿದೆ.

ಇದನ್ನೂ ಓದಿ: ಗ್ಯಾಂಗ್​ರೇಪಿಸ್ಟ್​ಗಳಿಗೆ ಗಲ್ಲುಶಿಕ್ಷೆಯಾಗುವ ಕಾನೂನಾಗಲಿ-ಮನುಸ್ಮೃತಿ ಉಲ್ಲೇಖಿಸಿದ ಹೈಕೋರ್ಟ್​

ಅದಕ್ಕೆ ನೀವು ಮಾಡಬೇಕಾದದ್ದು ಇಷ್ಟು..

- ವಾಟ್ಸ್​ಆ್ಯಪ್​ನಲ್ಲಿ ನೀವು ಶಾಶ್ವತವಾಗಿ ಮ್ಯೂಟ್ ಮಾಡಲು ಬಯಸುವ ಗುಂಪಿನ ಮೇಲೆ ಟ್ಯಾಪ್ ಮಾಡಿ.

- ನೀವು ಚಾಟ್ ತೆರೆದಾಗ ಗುಂಪಿನ ಹೆಸರನ್ನು ಟ್ಯಾಪ್ ಮಾಡಿ

- ನೀವು ಹೆಸರನ್ನು ಟಚ್​ ಮಾಡಿದಾಗ ಗುಂಪು ಮಾಹಿತಿಯ ಅಡಿಯಲ್ಲಿ ಮ್ಯೂಟ್ ಆಯ್ಕೆಗಳನ್ನು ನೀವು ಕಾಣಬಹುದು.

- ಮ್ಯೂಟ್ ಮೇಲೆ ಟ್ಯಾಪ್ ಮಾಡಿ ನಂತರ ನೀವು ವಾಟ್ಸ್​ಆ್ಯಪ್​ನಲ್ಲಿ ಮೂಲಕ ಮೂರು ಆಯ್ಕೆಗಳನ್ನು ನೋಡುತ್ತೀರಿ.

ನಿಮ್ಮ ಗುಂಪನ್ನು ನೀವು ಶಾಶ್ವತವಾಗಿ ಮ್ಯೂಟ್ ಮಾಡಿದಾಗ, ನೀವು ಗುಂಪಿನಿಂದ ಯಾವುದೇ ಅಧಿಸೂಚನೆಯನ್ನು ಪಡೆಯುವುದಿಲ್ಲ. ನೀವು ಚಾಟ್ ಅನ್ನು ಶಾಶ್ವತವಾಗಿ ಮ್ಯೂಟ್ ಮಾಡಿದರೆ ಯಾವುದೇ ಸಂದೇಶಗಳು, ಚಿತ್ರಗಳು ಅಥವಾ ಜಿಫ್‌ಗಳು ಅದನ್ನು ನಿಮ್ಮ ಫೀಡ್‌ಗೆ ಸೇರಿಸುವುದಿಲ್ಲ. ಒಂದು ವೇಳೆ ನಿಮಗೆ ಆ ಗ್ರೂಪ್​ ಬೇಕು ಎನ್ನಿಸಿದರೆ, ಅದನ್ನು ಅನ್​ಮ್ಯೂಟ್​ ಮಾಡುವ ಅವಕಾಶವೂ ಇದೆ.

https://www.vijayavani.net/s-hifi-by-small-girl-to-church-father/

https://www.vijayavani.net/s-it-raid-on-patna-congress/