ಹಕ್ಕಿಜ್ವರ ಹರಡಲು ಪ್ರಧಾನಿಯೇ ಕಾರಣ ಎಂದ ಐ.ಪಿ.ಸಿಂಗ್​! ಇದಕ್ಕೆ ಕೊಟ್ಟ ಕಾರಣ ಏನು ನೋಡಿ...

ಲಖನೌ: ದೇಶದಲ್ಲಿ ಕರೊನಾ ನಡುವೆಯೇ ಇದೀಗ ಹಕ್ಕಿಜ್ವರದ ಭೀತಿ ಶುರುವಾಗಿದೆ. ಎಲ್ಲೆಂದರಲ್ಲಿ ಕಾಗೆ, ಕೋಳಿ, ಬಾತುಕೋಳಿ ಸೇರಿದಂತೆ ಹಲವಾರು ಪಕ್ಷಿಗಳು ಪ್ರಾಣ ಕಳೆದುಕೊಳ್ಳುತ್ತಿವೆ. ಇದಾಗಲೇ ಕೆಲವು ರಾಜ್ಯಗಳಲ್ಲಿ ಸತ್ತಿರುವ ಪಕ್ಷಿಗಳಲ್ಲಿ ಪಾಸಿಟಿವ್​ ಕಾಣಿಸಿಕೊಂಡಿದ್ದು, ಜ್ವರದ ಭೀತಿ ಎದುರಾಗಿದೆ. ಲಕ್ಷಾಂತರ ಕೋಳಿಗಳ ಮಾರಣಹೋಮವೂ ನಡೆದಿದೆ.

ಸದ್ಯ ಭಾರತದಲ್ಲಿ ಕೇರಳ , ಮಧ್ಯ ಪ್ರದೇಶ, ಹಿಮಾಚಲ ಪ್ರದೇಶ ಹಾಗೂ ರಾಜಸ್ಥಾನದಲ್ಲಿ ಹಕ್ಕಿ ಜ್ವರ ಪ್ರಕರಣಗಳು ವರದಿಯಾಗಿವೆ. ಇಂಥ ಆತಂಕದ ಸ್ಥಿತಿಯ ನಡುವೆ ಸಮಾಜವಾದಿ ಪಕ್ಷದ ನಾಯಕ ಐಪಿ ಸಿಂಗ್​ ಮಾಡಿರುವ ಟ್ವೀಟ್​ ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡುತ್ತಿದೆ.

ಅಷ್ಟಕ್ಕೂ ಸಿಂಗ್​ ಅವರು ಹೇಳಿರುವುದು ಏನೆಂದರೆ, ಪ್ರಧಾನಿ ನರೇಂದ್ರ ಮೋದಿಯವರೇ ಹಕ್ಕಿಜ್ವರ ಈ ಪರಿಯಲ್ಲಿ ಹರಡಲು ಕಾರಣ. ಅವರು ಹಿಂದೊಮ್ಮೆ ನವಿಲಿಗೆ ಕಾಳು ಹಾಕಿದ್ದರು. ಅದರಿಂದಲೇ ಹಕ್ಕಿಜ್ವರ ಶುರುವಾಗಿದ್ದು ಎಂದಿದ್ದಾರೆ!

ಪ್ರಧಾನಿ ಮೋದಿ ಹಕ್ಕಿಗಳಿಗೆ ಕಾಳು ನೀಡಿದ ಬಳಿಕವೇ ದೇಶದಲ್ಲಿ ಹಕ್ಕಿ ಜ್ವರ ಶುರುವಾಗಿದೆ ಎಂದಿರುವ ಅವರು, ಟ್ವಿಟರ್​ನಲ್ಲಿ ನವಿಲಿಗೆ ಪ್ರಧಾನಿ ಮೋದಿ ಕಾಳು ನೀಡುತ್ತಿರುವ ಫೋಟೋ ಪೋಸ್ಟ್ ಮಾಡಿದ್ದಾರೆ. ಈ ಮನುಷ್ಯನಿಗೆ ಏನು ಮಾಡೋದು..? ಇವರು ಆ ಬಡಪಾಯಿ ಹಕ್ಕಿಗಳಿಗೆ ಕಾಳು ಹಾಕಿದ್ರು. ಈಗ ಅವು ಹಕ್ಕಿ ಜ್ವರದಿಂದ ಬಳಲುವಂತಾಗಿದೆ ಎಂದು ತಮ್ಮ ಟ್ವೀಟ್​ಗೆ ಶೀರ್ಷಿಕೆ ನೀಡಿದ್ದಾರೆ.

https://www.vijayavani.net/s-poultry-samples-test-positive-for-bird-flu/

https://www.vijayavani.net/s-h5n8-virus-detected-in-haryana/

https://www.vijayavani.net/s-lakhwi-15-years-jail/

https://www.vijayavani.net/s-donald-trump-melania-trump-and-ivanka-trump-watch-us-capitol-violence/