ಮೂರನೇ ಅಲೆಗೆ ಹೆದರಿ ಬೇಗ ಬೇಗ ಮದುವೆಯಾದ 50 ಸಾವಿರ ಆಂಧ್ರದ ಜೋಡಿ!

ವಿಜಯವಾಡ: ಕರೊನಾ 3ನೇ ಅಲೆಯ ಭೀತಿ ಎಲ್ಲರನ್ನೂ ಕಾಡುತ್ತಿದೆ. ಯಾವಾಗ ಲಾಕ್‌ಡೌನ್‌ ಆಗುತ್ತದೆ, ಯಾವಾಗ ಸಭೆ ಸಮಾರಂಭಗಳನ್ನು ಬ್ಯಾನ್‌ ಮಾಡಲಾಗುತ್ತದೆಯೋ ತಿಳಿದಿಲ್ಲ. ಇದೇ ಕಾರಣಕ್ಕೆ ಆಂಧ್ರಪ್ರದೇಶದಲ್ಲಿ 13 ದಿನದಲ್ಲಿ 50 ಸಾವಿರ ಜೋಡಿಗಳು ಮದುವೆಯಾಗಿವೆ.

3ನೇ ಅಲೆ ಬರುವ ಮುನ್ನವೇ ಮಕ್ಕಳ ಮದುವೆ ಮಾಡಲು ಆಂಧ್ರದಲ್ಲಿ ಸಾವಿರಾರು ಪೋಷಕರು ಆತುರರಾಗಿದ್ದಾರೆ. ಸೆಪ್ಟೆಂಬರ್‌, ಅಕ್ಟೋಬರ್‌ ವೇಳೆಗೆ ದೇಶಕ್ಕೆ 3ನೇ ಬರಬಹುದು ಎಂದು ತಜ್ಞರು ಹೇಳೀರುವ ಜತೆಗೆ, ಶ್ರಾವಣ ಮಾಸದಲ್ಲಿ ಉತ್ತಮ ಮುಹೂರ್ತದ ದಿನಗಳು ಕಡಿಮೆ ಇರುವುದು ಇನ್ನೊಂದೆಡೆ. ಆಗಸ್ಟ್‌ನಲ್ಲಿ 13 ದಿನ ಮಾತ್ರವೇ ಮದುವೆಗೆ ಮುಹೂರ್ತವಿದ್ದು, ಸೆ.1ರಂದು ಮಾತ್ರವೇ ಉತ್ತಮ ಮುಹೂರ್ತವಿದೆ. ಇದಾದ ಮೇಲೆ ಕರೊನಾ 3ನೇ ಅಲೆ ಅಪ್ಪಳಿಸಿದರೆ ಗತಿಯಷ್ಟೇ ಎಂದುಕೊಂಡು ಲಗುಬಗೆಯಿಂದ ಮದುವೆಯಾಗುತ್ತಿವೆ ಜೋಡಿಗಳು.

ಕರೊನಾ 2ನೇ ಅಲೆಯಲ್ಲಿ ಮದುವೆ ಮಾಡಲಾಗದೆ ಮುಂದೂಡಿದವರು, ಲಾಕ‌ಡೌನ್‌ ಇತ್ಯಾದಿ ಕಾರಣಗಳಿಂದ ಮದುವೆ ಮುಂದೂಡಿದವರು ಈ 13 ದಿನಗಳಲ್ಲೇ ಮದುವೆ ಮಾಡಿ ಮುಗಿಸಿದ್ದಾರೆ. ಸದ್ಯ ಆಂಧ್ರದಲ್ಲಿ ಮದುವೆ ಸಮಾರಂಭಕ್ಕೆ 150 ಮಂದಿಗೆ ಅವಕಾಶ ಕಲ್ಪಿಸಲಾಗಿದೆ.

https://www.vijayavani.net/s-congress-president-resigned/

https://www.vijayavani.net/s-haiti-eartquakce-shaken-country/