VIDEO: ಬ್ಯಾಗ್​ ಕೆಳಗಿಟ್ಟು ಟ್ರೋಲ್ ಆದ ಸಂಸದೆ!​ ಕ್ಯಾಮೆರಾ ಕಣ್ಣಿಗೆ ಬಿದ್ದು ರಟ್ಟಾಗೋಯ್ತು ಈ ಗುಟ್ಟು...

ನವದೆಹಲಿ: ಪಶ್ಚಿಮ ಬಂಗಾಳದ ಟಿಎಂಸಿ ಸಂಸದೆ ಮಹುವಾ ಮೊಯಿತ್ರಾ ಸಾಮಾಜಿಕ ಜಾಲತಾಣದಲ್ಲೀಗ ಭಾರಿ ಟ್ರೋಲ್​ ಆಗ್ತಿದ್ದಾರೆ. ಅದಕ್ಕೆ ಕಾರಣ, ಲೋಕಸಭೆಯಲ್ಲಿ ತಮ್ಮ ಬ್ಯಾಗ್​ ಕೆಳಕ್ಕೆ ಇಟ್ಟಿರುವುದು! ಬ್ಯಾಗ್​ ಕೆಳಕ್ಕಿಟ್ಟರೆ ಟ್ರೋಲ್​ ಆಗುವುದ್ಯಾಕೆ ಅಂತೀರಾ? ಅಲ್ಲೇ ಇರೋದು ವಿಶೇಷ.

ಕೇಂದ್ರ ಸರ್ಕಾರ ಎಲ್ಲಾ ವಸ್ತುಗಳ ಬೆಲೆ ಏರಿಕೆ ಮಾಡುತ್ತಿರುವುದಾಗಿ ವಿಪಕ್ಷಗಳು ಲೋಕಸಭೆಯಲ್ಲಿ ಭಾರಿ ಪ್ರತಿಭಟನೆ ನಡೆಸುತ್ತಿದ್ದವು. ಈ ಸಂದರ್ಭದಲ್ಲಿ ಟಿಎಂಸಿಯ ಕಾಕೋಲಿ ಘೋಷ್ ದಸ್ತಿದಾರ್ ಅವರು ಭಾರಿ ಜೋಶ್​ನಲ್ಲಿ ಬೆಲೆ ಏರಿಕೆ ಕುರಿತು ಮಾತನಾಡುತ್ತಿದ್ದರು. ಇಂದಿನ ಬೆಲೆ ಏರಿಕೆಯಿಂದಾಗಿ ಯಾವ ವಸ್ತುಗಳನ್ನೂ ಕೊಂಡುಕೊಳ್ಳುವುದು ಅಸಾಧ್ಯವಾಗಿದೆ. ದುಬಾರಿ ವಸ್ತುಗಳು ದೂರದ ಮಾತು, ದಿನನಿತ್ಯದ ವಸ್ತುಗಳನ್ನೂ ಕೊಂಡುಕೊಳ್ಳುವುದು ಕಷ್ಟವಾಗಿದೆ ಎಂದು ಕೇಂದ್ರ ಸರ್ಕಾರವನ್ನು ತರಾಟೆಗೆ ತೆಗೆದುಕೊಳ್ಳುತ್ತಿದ್ದರು.

ಈ ಸಂದರ್ಭದಲ್ಲಿ ಇವರ ಮೇಲೆ ಸಹಜವಾಗಿ ಕ್ಯಾಮೆರಾ ಫೋಕಸ್​ ಆಗಿತ್ತು. ಅವರು ಹೀಗೆ ಮಾತನಾಡುತ್ತಿದ್ದಂತೆಯೇ ಅವರ ಪಕ್ಕದಲ್ಲಿ ಕುಳಿತಿದ್ದ ಸಂಸದೆ ಮಹುವಾ ಮೊಯಿತ್ರಾ ತಮ್ಮ ಪಕ್ಕದಲ್ಲಿ ಇಟ್ಟುಕೊಂಡಿದ್ದ ಬ್ಯಾಗ್​ ಅನ್ನು ನಿಧಾನವಾಗಿ ಯಾರಿಗೂ ಕಾಣಿಸದಂತೆ ಕೆಳಕ್ಕಿಟ್ಟರು. ಇದಕ್ಕೆ ಕಾರಣ, ಅವರ ಈ ಹ್ಯಾಂಡ್​ಬ್ಯಾಗ್​ ಒಂದೂವರೆ ಲಕ್ಷ ರೂಪಾಯಿ ಬೆಲೆಬಾಳುವುದ್ದಾಗಿತ್ತು!

ಬೆಲೆ ಏರಿಕೆ ಬಗ್ಗೆ ಮಾತನಾಡುತ್ತಿರುವಾಗ ತಮ್ಮ ಹ್ಯಾಂಡ್​ಬ್ಯಾಗ್​ ಇಷ್ಟೊಂದು ದುಬಾರಿಯದ್ದು ಎಂದು ಯಾರಾದರೂ ಅಂದುಬಿಟ್ಟರೆ ಎನ್ನುವ ಕಾರಣಕ್ಕೆ ಸಂಸದೆ ಹೀಗೆ ಮಾಡಿದರು. ಆದರೆ ಅಸಲಿಗೆ ಅವರು ಸುಮ್ಮನೇ ಇದ್ದಿದ್ದರೆ ಬಹುಶಃ ಯಾರಿಗೂ ಅವರ ಹ್ಯಾಂಡ್​ಬ್ಯಾಗ್ ಅಥವಾ ಅದರ ಬೆಲೆ ಕುರಿತು ಗಮನ ಹೋಗುತ್ತಿರಲಿಲ್ಲವೇನೋ. ಆದರೆ ಅವರು ಬ್ಯಾಗ್​ ಕೆಳಗಿಟ್ಟು ಅದನ್ನು ಜಗಜ್ಜಾಹೀರಮಾಡಿ ಈಗ ಟ್ರೋಲ್​ ಆಗುತ್ತಿದ್ದಾರೆ! ಈ ವಿಡಿಯೋ ವೈರಲ್​ ಆಗಿದ್ದು, ಥಹರೇವಾರಿ ಕಮೆಂಟ್​ಗಳು ಬರುತ್ತಿವೆ. 

ಅಂದಹಾಗೆ ಇದೇ ಸಂಸದೆ ಇತ್ತೀಚೆಗೆ ಕಾಳಿ ದೇವಿಯ ಬಗ್ಗೆ ಮಾತನಾಡಿ ವಿವಾದ ಸೃಷ್ಟಿಸಿದ್ದರು. ಕಾಳಿಯನ್ನು ಮಾಂಸ ತಿನ್ನುವ, ಮದ್ಯವನ್ನು ಸ್ವೀಕರಿಸುವ ದೇವತೆ ಎಂದು ಕರೆದು ರಾಜಕೀಯ ಬಿರುಗಾಳಿ ಎಬ್ಬಿಸಿದ್ದರು. (ಏಜೆನ್ಸೀಸ್​)

https://www.vijayavani.net/s-court-granted-bail-to-dkshi/

https://www.vijayavani.net/s-heavy-rain-in-mandya-dist/

https://www.vijayavani.net/s-bjp-leaders-asking-rahul-gandhi-about-siddaramaiah/