ಗಂಡನ ವೀರ್ಯ ಕೇಕ್‌ನಲ್ಲಿ ಮಿಕ್ಸ್‌ ಮಾಡಿ ವಿದ್ಯಾರ್ಥಿಗಳಿಗೆ ನೀಡ್ತಿದ್ದ ಶಿಕ್ಷಕಿ! 40 ವರ್ಷ ಕಠಿಣ ಶಿಕ್ಷೆ ನೀಡಿದ ಕೋರ್ಟ್‌

ಲೂಸಿಯಾನಾ (ಅಮೆರಿಕ): ತನ್ನ ಪತಿಯ ವೀರ್ಯವನ್ನು ಕೇಕ್‌ನಲ್ಲಿ ಬೆರೆಸಿ ಅದನ್ನು ತನ್ನ ವಿದ್ಯಾರ್ಥಿಗಳಿಗೆ ತಿನ್ನಿಸಿದ್ದೂ ಅಲ್ಲದೇ ಅವರ ಪೋರ್ನ್‌ ವಿಡಿಯೋಗಳನ್ನು ಮಾಡಿ ವಿಕೃತಿ ಮೆರೆದಿದ್ದ ಶಿಕ್ಷಕಿಯೊಬ್ಬಳಿಗೆ 40 ವರ್ಷಗಳ ಶಿಕ್ಷೆಯನ್ನು ವಿಧಿಸಿ ಕೋರ್ಟ್‌ ಆದೇಶಿಸಿದೆ.

ಅಮೆರಿಕದ ಲೂಸಿಯಾನಾದ ವೆಸ್ಟ್ ಸೈಡ್ ಜೂನಿಯರ್ ಹೈಸ್ಕೂಲಿನ ಶಿಕ್ಷಕಿ ಸಿಂಥಿಯಾ ಪಾರ್ಕಿನ್ಸ್ (36) ಎಂಬ ಶಿಕ್ಷಕಿ ಇಂಥದ್ದೊಂದು ಅಸಹ್ಯ ಕೃತ್ಯ ಎಸಗಿದ್ದು, ಇದೀಗ ಅವಳ ವಿಕೃತಿ ಬೆಳಕಿಗೆ ಬಂದಿದೆ.

ಈಕೆ ಮೊದಮೊದಲು ತನ್ನ ವಿದ್ಯಾರ್ಥಿಗಳನ್ನು ಪೋರ್ನ್‌ ವಿಡಿಯೋ ಮಾಡಲು ಬಳಸಿಕೊಳ್ಳುತ್ತಿದ್ದಳು. ನಂತರ ಕೇಕ್‌ ರೆಡಿ ಮಾಡಿ ಮಕ್ಕಳಿಗೆ ತಿನ್ನಿಸುತ್ತಿದ್ದಳು. ಕೇಕ್‌ನಲ್ಲಿ ‘ಸೀಸನಿಂಗ್‌’ ಆಗಿ ಗಂಡನ ವೀರ್ಯವನ್ನು ಬೆರೆಸುತ್ತಿದ್ದಳು ಎಂಬ ಅಸಹ್ಯ ವಿಷಯ ವರ್ಷಗಳ ನಂತರ ಬೆಳಕಿಗೆ ಬಂದಿದೆ.

ಈಕೆಯ ವಿಷಯ ಬೆಳಕಿಗೆ ಬರುತ್ತಿದ್ದಂತೆಯೇ ಹಲವಾರು ಪಾಲಕರು ಶಿಕ್ಷಕಿ ವಿರುದ್ಧ ದೂರು ದಾಖಲು ಮಾಡಿದ್ದರು. ನಂತರ ತನಿಖೆಯ ವೇಳೆ ಎಲ್ಲಾ ಆರೋಪಗಳೂ ಸಾಬೀತಾಗಿವೆ. ಈ ಹಿನ್ನೆಲೆಯಲ್ಲಿ ಮಕ್ಕಳ ಮೇಲೆ ಲೈಂಗಿಕ ಅಪರಾಧ ಕೇಸು ದಾಖಲಾಗಿದೆ. ಈಕೆ ಸೇರಿದಂತೆ ಇದಕ್ಕೆ ಸಹಕಾರ ನೀಡಿದ್ದ ಈಕೆಯ ಪತಿ ಡೆನ್ನಿಸ್ ಇಬ್ಬರನ್ನೂ ಪೊಲೀಸರು ಬಂಧಿಸಿದ್ದಾರೆ.

ಈ ಹಿಂದೆ ಅಂದರೆ 2019ರಲ್ಲಿ ವಿದ್ಯಾರ್ಥಿನಿಯೊಬ್ಬಳ ಪೋರ್ನ್‌ ವಿಡಿಯೋಗೆ ಸಂಬಂಧಿಸಿದಂತೆ ಈ ಶಿಕ್ಷಕಿಯನ್ನು ಬಂಧಿಸಲಾಗಿತ್ತು. ನಂತರ ಜಾಮೀನಿನ ಮೇಲೆ ಬಿಡುಗಡೆಗೊಂಡಿದ್ದಳು. ಈಕೆಯ ಬಗ್ಗೆ ಇನ್ನಷ್ಟು ತನಿಖೆ ನಡೆಸಿದಾಗ ಕೇಕ್‌ ವಿಷಯವೂ ಹೊರಕ್ಕೆ ಬಂದಿದೆ. ಕಪ್‌ ಕೇಕ್‌ ತಯಾರಿಸಿ ಅದರಲ್ಲಿ ವೀರ್ಯ ಬೆರೆಸಿ ವಿಕೃತಿ ಮೆರೆದಿರುವುದು ತಿಳಿದಿದೆ.

ಇವಳನ್ನು ಶಿಕ್ಷಕಿ ಹುದ್ದೆಯಿಂದ ವಜಾ ಮಾಡಲಾಗಿದೆ. ಸದ್ಯ ಇವಳ ವಿರುದ್ಧ 90 ದೋಷಾರೋಪ ಪಟ್ಟಿಗಳನ್ನು ಸಲ್ಲಿಸಲಾಗಿದೆ. ಆರೋಪಗಳ ಸಾಬೀರಾದ ಹಿನ್ನೆಲೆಯಲ್ಲಿ 40 ವರ್ಷಗಳ ಕಠಿಣ ಶಿಕ್ಷೆ ವಿಧಿಸಿ ಇಲ್ಲಿಯ ಕೋರ್ಟ್‌ ಆದೇಶಿಸಿದೆ.

https://www.vijayavani.net/s-the-worlds-hottest-grandma-gina-stewart/

https://www.vijayavani.net/s-constable-who-lost-job-got-it-again-gujrath-highcourt/