ನೆಹರು ಕಾಲದ ಪ್ರಮಾದ ಸರಿಪಡಿಸಿದ್ದು ಪ್ರಧಾನಿ ಮೋದಿ: ಕೇಂದ್ರ ಸಚಿವ ಎಸ್.ಜೈಶಂಕರ್ | S Jaishankar

S Jaishankar: ಸಿಂಧು ಜಲ ಒಪ್ಪಂದ ಮತ್ತು 370 ನೇ ವಿಧಿ ಜಾರಿಯ ಸಂದರ್ಭದಲ್ಲಿ ಜವಾಹರಲಾಲ್ ನೆಹರು ಅವರು ತಪ್ಪುಗಳನ್ನು ಪ್ರಧಾನಿ ಮೋದಿ ಸರಿಪಡಿಸಿದ್ದಾರೆ ಎಂದು ವಿದೇಶಾಂಗ ಸಚಿವ ಎಸ್. ಜೈಶಂಕರ್ ವಿರೋಧ ಪಕ್ಷಗಳ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು.

ಸಿಂಧು ಜಲ ಒಪ್ಪಂದವು ಹಲವು ವಿಧಗಳಲ್ಲಿ ವಿಶಿಷ್ಟವಾದ ಒಪ್ಪಂದವಾಗಿದೆ. ಒಂದು ದೇಶವು ತನ್ನ ಪ್ರಮುಖ ನದಿಗಳನ್ನು, ಆ ನದಿಯ ಮೇಲೆ ಸಂಬಂಧವಿಲ್ಲದ ಇನ್ನೊಂದು ದೇಶಕ್ಕೆ ಹರಿಯಲು ಅನುಮತಿಸಿದ ಯಾವುದೇ ಒಪ್ಪಂದವನ್ನು ಕಲ್ಪಿಸಿಕೊಳ್ಳುವುದು ಅಸಾಧ್ಯ ಎಂದರು.

ಇದನ್ನೂ ಓದಿ:ಶಾಲಾ ಕೋಣೆ ನೋಡಿ ದಂಗಾದ ಡಿಡಿಪಿಐ

ಬುಧವಾರ (ಜುಲೈ 30) ರಾಜ್ಯಸಭೆಯಲ್ಲಿ ಆಪರೇಷನ್ ಸಿಂಧೂರ ಕುರಿತು ಮಾತನಾಡಿದ ಅವರು, ಪ್ರತಿಪಕ್ಷದ ನಾಯಕರೇ ಎಚ್ಚರಿಕೆಯಿಂದ ಆಲಿಸಿ, ಉಭಯ ನಾಯಕರಾದ ಅಮೆರಿಕಾ ಅಧ್ಯಕ್ಷ ಟ್ರಂಪ್ ಮತ್ತು ಪ್ರಧಾನಿ ನರೇಂದ್ರ ಮೋದಿ ನಡುವೆ ಏಪ್ರಿಲ್ 22 ರಿಂದ ಜೂನ್ 16 ರವರೆಗೆ ಒಂದೇ ಒಂದು ಫೋನ್ ಕರೆಯೂ ವಿನಿಮಯವಾಗಿಲ್ಲ. ಆಪರೇಷನ್ ಸಿಂಧೂರ ಪ್ರಾರಂಭವಾದಾಗ ಪರಿಸ್ಥಿತಿ ತುಂಬಾ ಗಂಭೀರವಾಗಿತ್ತು. ಈ ಕಾರ್ಯಾಚರಣೆ ಎಷ್ಟು ದಿನಗಳ ಕಾಲ ಮುಂದುವರಿಯಲಿದೆ ಎನ್ನುವುದನ್ನು ತಿಳಿಯಲು ಹಲವಾರು ದೇಶಗಳು ನಮ್ಮೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದವು ಎಂದು ಸ್ಪಷ್ಟಪಡಿಸಿದರು.

ಇದನ್ನೂ ಓದಿ:ಚಿನ್ನದ ನಾಣ್ಯಗಳೆಂದು ನಂಬಿಸಿ 5 ಲಕ್ಷ ವಂಚನೆ

ಭಾರತ ಯಾವುದೇ ರೀತಿಯ ಮಧ್ಯಸ್ಥಿಕೆಗೆ ಮುಕ್ತವಾಗಿಲ್ಲ. ನಮ್ಮ ಮತ್ತು ಪಾಕಿಸ್ತಾನದ ನಡುವಿನ ವಿಷಯವು ದ್ವಿಪಕ್ಷೀಯವಾಗಿರುತ್ತದೆ. ನಾವು ಪಾಕಿಸ್ತಾನದ ದಾಳಿಗೆ ಪ್ರತಿಕ್ರಿಯಿಸುತ್ತಿದ್ದೇವೆ ಮತ್ತು ಪ್ರತಿಕ್ರಿಯಿಸುತ್ತಲೇ ಇರುತ್ತೇವೆ. ಈ ಹೋರಾಟ ನಿಲ್ಲಬೇಕಾದರೆ, ಪಾಕಿಸ್ತಾನವು ವಿನಂತಿಯನ್ನು ಮಾಡಬೇಕು. ಆ ವಿನಂತಿ ಡಿಜಿಎಂಒ ಮೂಲಕವೇ ಬರಬೇಕು ಎಂದರು. (ಏಜೆನ್ಸೀಸ್)

https://www.vijayavani.net/some-things-are-bigger-than-sport-indian-sponsor-pulls-out-of-wcl-clash-against-pak-wcl-semi-final