ಬೆಚ್ಚಿಬೀಳಿಸಿದ್ದ ರೇಪ್​ ಕೇಸ್​: ಕಬ್ಬಿಣದ ರಾಡ್​ ತೂರಿಸಿ ಕೊಲೆ ಮಾಡಿದ್ದ ಪಾತಕಿಗೆ ಗಲ್ಲು ಶಿಕ್ಷೆ

ಮುಂಬೈ: ಮಹಾರಾಷ್ಟ್ರದ ಸಾಕಿನಾಕ ಪ್ರದೇಶದಲ್ಲಿ 2021ರ ಸೆಪ್ಟೆಂಬರ್​ನಲ್ಲಿ ನಡೆದಿದ್ದ ರೇಪ್​ ಆ್ಯಂಡ್​ ಮರ್ಡರ್​ ಕೇಸ್​ನಲ್ಲಿ ಅಪರಾಧಿಗೆ ಗಲ್ಲು ಶಿಕ್ಷೆ ವಿಧಿಸಿ ಮುಂಬೈ ಕೋರ್ಟ್​ ಆದೇಶಿಸಿದೆ.

34 ವರ್ಷದ ಮಹಿಳೆಯ ಮೇಲೆ ನಡೆದ ಅತ್ಯಾಚಾರ ನಡೆಸಿ, ಖಾಸಗಿ ಭಾಗಕ್ಕೆ ಕಬ್ಬಿಣದ ರಾಡ್​ ತೂರಿಸಿ ಚಿತ್ರಹಿಂಸೆ ಕೊಟ್ಟು ಕೊಲೆ ಮಾಡಿದ್ದ ಮೋಹನ್ ಕಥ್ವಾರು ಚೌಹಾಣ್​​ (45) ಎಂಬಾತನಿಗೆ ಸೆಷನ್ಸ್​ ಕೋರ್ಟ್​ ಮರಣದಂಡನೆ ವಿಧಿಸಿದೆ. ರಸ್ತೆ ಬದಿ ನಿಲ್ಲಿಸಲಾಗಿದ್ದ ಟೆಂಪೊ ಒಂದರಲ್ಲಿ ಈ ಅತ್ಯಾಚಾರ ನಡೆದಿತ್ತು.

ಆಕೆಯನ್ನು ಕೂಡಿ ಹಾಕಿ ಬಳಿಕ ಆಕೆಯ ಖಾಸಗಿ ಭಾಗಕ್ಕೆ ಕಬ್ಬಿಣದ ರಾಡ್‌ ಹಾಕಿ ಕ್ರೂರವಾಗಿ ಹಿಂಸಿಸಿದ್ದ. ನಂತರ ರೇಪ್​ ಮಾಡಿ ಕೊಲೆ ಮಾಡಿದ್ದ. ಇದು ಅತ್ಯಂತ ಹೀನಾಯ ಕೃತ್ಯ. ಇಂಥ ಪಾತಕಿಗಳಿಗೆ ಮರಣದಂಡನೆಯೇ ಸರಿಯಾದ ಶಿಕ್ಷೆ ಎಂದು ನ್ಯಾಯಾಧೀಶ ಎಚ್. ಸಿ. ಶೆಂಡೆ ಅಭಿಪ್ರಾಯ ಪಟ್ಟಿದ್ದಾರೆ. ಈತ ಅತ್ಯಾಚಾರಕ್ಕೂ ಮುನ್ನ ನಡೆದುಕೊಂಡು ಹೋಗುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು.

https://www.vijayavani.net/s-singer-sheil-sagar-death-due-to-unknown-reason/

https://www.vijayavani.net/s-senior-actor-uday-huttinagadde-no-more/