ಬಿಜೆಪಿ ಶಾಸಕರಿದ್ದ ಕಾರು- ಬೈಕು ಪರಸ್ಪರ ಢಿಕ್ಕಿ: ಇಬ್ಬರ ದುರ್ಮರಣ

ಠಾಣೆ (ಮುಂಬೈ): ಬಿಜೆಪಿಯ ಮುರ್ಬಾದ್ ಕ್ಷೇತ್ರದ ಶಾಸಕ ಕಿಶನ್ ಕ್ಯಾಥೋರೆ ಅವರು ಪ್ರಯಾಣಿಸುತ್ತಿದ್ದ ಕಾರು ಹಾಗೂ ಬೈಕ್​ ಒಂದು ಪರಸ್ಪರ ಢಿಕ್ಕಿಯಾಗಿರುವ ಘಟನೆ ಠಾಣೆಯ ಸಮೀಪ ಟಿಟ್ವಾಲಾದಲ್ಲಿ ನಡೆದಿದೆ.

ಈ ಅಪಘಾತದಲ್ಲಿ ಬೈಕ್​ ಸವಾರರಾಗಿರುವ ಇಬ್ಬರು ಯುವಕರು ಮೃತಪಟ್ಟಿರುವುದಾಗಿ ಪೊಲೀಸರು ಹೇಳಿದ್ದಾರೆ.

ಬೈಕ್​ ಸವಾರರಾಗಿರುವ ಕಲ್ಯಾಣ್ ನಿವಾಸಿ ಅಮಿತ್ ಸಿಂಗ್ (22) ಸ್ಥಳದಲ್ಲೇ ಮೃತಪಟ್ಟರೆ, ಪಿಲಿಯನ್ ರೈಡರ್ ಸಿಮ್ರಾನ್ ಸಿಂಗ್ (18) ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಕಿಶನ್​ ಅವರ ಚಾಲಕ ಕಾರು ಚಲಾಯಿಸುತ್ತಿದ್ದರು.

ಕಿಶನ್​ ಅವರಿಗೆ ಹೆಚ್ಚಿನ ಅನಾಹುತವಾಗಿಲ್ಲ, ಅವರು ಸುರಕ್ಷಿತರಾಗಿದ್ದಾರೆ. ಅವರ ಕಾರು ಚಾಲಕನಿಗೆ ಗಾಯಗಳಾಗಿವೆ. ಕಾರಿಗೆ ಅಪಾರ ಹಾನಿಯಾಗಿದೆ. ಈ ಕುರಿತು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

https://www.vijayavani.net/s-nyayadevate-14-12-2020/

https://www.vijayavani.net/s-towel-left-in-ludhiana-womans-womb-inquiry-marked/

https://www.vijayavani.net/s-husband-acid-on-wife/